ՀՀ կրթության, գիտության, մշակույթի և սպորտի նախարարության կողմից մատուցվող ծառայությունների ցանկ

Մշակութային արժեքների ներմուծման թույլտվությունը տրամադրվում է «ՀՀ արտաքին առևտրի ազգային մեկ պատուհան» էլեկտրոնային հարթակում գործող համակարգի միջոցով: 

Արհեստագործական կամ միջին մասնագիտական ուսումնական հաստատություն դիմելու, դիմում–հայտերը լրացնելու, պահանջվող փաստաթղթերը հաստատություն ներկայացնելու գործընթացը իրականացվում է էլեկտրոնային եղանակով։ 

Իրավաբանական անձը բակալավրի կրթական ծրագիր իրականացնելու համար պետք է ՀՀ կրթության, գիտության, մշակույթի և սպորտի նախարարությունից ստանա համապատասխան լիցենզիա։ Լիցենզիա ստանալու հայտը նախարարություն հնարավոր է ներկայացնել էլեկտրոնային փոստով կամ ֆիզիկապես։

Իրավաբանական անձը միջնակարգ հանրակրթական ծրագիր իրականացնելու համար պետք է ՀՀ կրթության, գիտության, մշակույթի և սպորտի նախարարությունից ստանա համապատասխան լիցենզիա։ Լիցենզիա ստանալու հայտը նախարարություն հնարավոր է ներկայացնել էլեկտրոնային փոստով կամ ֆիզիկապես։

Միջին մասնագիտական, նախնական մասնագիտական (արհեստագործական) կրթական ծրագրի և բարձրագույն և հետբուհական մասնագիտական կրթության դիպլոմը կորցնելու դեպքում հնարավոր է դիմել դրա կրկնօրինակը ստանալու համար։

ՀՀ-ում կրթական ծրագրեր իրականացնող ուսումնական հաստատություններում օտարերկրյա դիմորդների ընդունելությունը կատարվում է էլեկտրոնային եղանակով։

Իրավաբանական անձը հիմնական հանրակրթական ծրագիր իրականացնելու համար պետք է ՀՀ կրթության, գիտության, մշակույթի և սպորտի նախարարությունից ստանա համապատասխան լիցենզիա։ Լիցենզիա ստանալու հայտը նախարարություն հնարավոր է ներկայացնել էլեկտրոնային փոստով կամ ֆիզիկապես։

Իրավաբանական անձը միջին մասնագիտական հիմնական կրթական ծրագիր իրականացնելու համար պետք է ՀՀ կրթության, գիտության, մշակույթի և սպորտի նախարարությունից ստանա համապատասխան լիցենզիա։ Լիցենզիա ստանալու հայտը նախարարություն հնարավոր է ներկայացնել էլեկտրոնային փոստով կամ ֆիզիկապես։

Իրավաբանական անձը նախնական մասնագիտական (արհեստագործական) կրթական ծրագիր իրականացնելու համար պետք է ՀՀ կրթության, գիտության, մշակույթի և սպորտի նախարարությունից ստանա համապատասխան լիցենզիա։ Լիցենզիա ստանալու հայտը նախարարություն հնարավոր է ներկայացնել էլեկտրոնային փոստով կամ ֆիզիկապես։

Նախնական կամ միջին մասնագիտական ուսումնական հաստատություն դիմելու, դիմում–հայտերը լրացնելու, պահանջվող փաստաթղթերը հաստատություն ներկայացնելու գործընթացը իրականացվում է էլեկտրոնային եղանակով։

Իրավաբանական անձը տարրական հանրակրթական ծրագիր իրականացնելու համար պետք է ՀՀ կրթության, գիտության, մշակույթի և սպորտի նախարարությունից ստանա համապատասխան լիցենզիա։ Լիցենզիա ստանալու հայտը նախարարություն հնարավոր է ներկայացնել էլեկտրոնային փոստով կամ ֆիզիկապես։

Իրավաբանական անձը մագիստրոսի կրթական ծրագիր իրականացնելու համար պետք է ՀՀ կրթության, գիտության, մշակույթի և սպորտի նախարարությունից ստանա համապատասխան լիցենզիա։ Լիցենզիա ստանալու հայտը նախարարություն հնարավոր է ներկայացնել էլեկտրոնային փոստով կամ ֆիզիկապես։

Բարձրագույն ուսումնական հաստատության ընդունելության դիմումը ներկայացվում է առցանց եղանակով՝ լրացնելով դիմումատուի անհրաժեշտ տվայլները և ընտրելով նախընտրած մասնագիտությունն ու բուհը։

«Լիցենզավորման մասին» ՀՀ օրենքի համաձայն՝ լիցենզավորման ենթակա գործունեության տեսակներով զբաղվելու իրավունք ունեցող իրավաբանական անձանց լիցենզիան տրամադրվում է նախնական մասնագիտական (արհեստագործական) կրթական ծրագրի իրականացման համար։

Մշակութային արժեքների արտահանման լիցենզիա, ժամանակավոր արտահանման իրավունքի եզրակացություն ստանալու համաև անձը դիմում է ՀՀ կրթության, գիտության, մշակույթի և սպորտի նախարարություն (ԿԳՄՍՆ)՝ ներկայացնելով հայտ։ 

Լրացուցիչ կրթական ծրագրի երաշխավորման համար անհրաժեշտ է դիմում ուղարկել Հայաստանի կրթության, գիտության, մշակույթի և սպորտի նախարարություն։ 

Իրավաբանական անձը նախադպրոցական կրթական ծրագիր իրականացնելու կամ նախադպրոցական ծառայություններ մատուցելու համար պետք է ՀՀ կրթության, գիտության, մշակույթի և սպորտի նախարարությունից ստանա համապատասխան լիցենզիա։ Լիցենզիա ստանալու հայտը նախարարություն հնարավոր է ներկայացնել էլեկտրոնային փոստով կամ ֆիզիկապես։

Միջնակարգ կամ հիմնական կրթության ատեստատը կորցնելու դեպքում հնարավոր է դիմել դրա կրկնօրինակը ստանալու համար։

Ծառայությունը նախատեսված է այն մասնագետների համար, ովքեր ցանկանում են աշխատել ՀՀ մարզերի պետական ուսումնական հաստատություններում: Ծրագիրը ներառում է լրացուցիչ վճարներ և փոխհատուցումներ՝ տրանսպորտային, բնակարանային ծախսերի համար:

Ֆիզիկական զարգացման, առողջ ապրելակերպի նպատակով մինչև 18 տարեկան պատանիների և աղջիկների համար մանկապատանեկան մարզադպրոցներում ուսուցումն իրականացվում է անվճար: 

Ծրագրի շրջանակում ֆինանսական միջոցներ են տրամադրվում`

• դաշտային հնագիտական գիտահետազոտական աշխատանքների կատարման նպատակով արշավախումբ կազմակերպելու համար,
• գիտաշխատողի գիտական գործուղման ճանապարհածախսը փոխհատուցելու համար,
• գիտության ոլորտում գործող միջազգային պայմանագրերի, համաձայնագրերի կամ հուշագրերի շրջանակներում և միջազգային համագործակցության զարգացմանը նպաստելու նպատակով գործուղման համար:

Ծրագրի շրջանակում պետությունն ապահովում է զոհված, հաշմանդամ դարձած զինծառայողների և աշխարհազորայինների, ծնողազուրկ և անապահով ընտանիքների 7-13 տարեկան երեխաների ամառային հանգիստը և տրանսպորտային ծախսերի փոխհատուցումը:

Ծրագրի շրջանակներում յուրաքանչյուր աշակերտ ուսումնական տարվա ընթացքում հնարավորություն ունի 1 անգամ անվճար այցելելու մշակութային 2 հաստատություն՝ մեկ թանգարան, մեկ թատրոն կամ համերգային կազմակերպություն։  

Ծրագրի շրջանակում աջակցություն է տրամադրվում գիտական և գիտատեխնիկական գործունեության բազային ֆինանսավորման ծրագիր իրականացնող գիտական կազմակերպություններին և բուհերին՝ գիտական միջոցառումների կազմակերպման և երիտասարդ գիտնականների դպրոցի ֆինանսավորման նպատակով։ 

Ծրագրի շրջանակում ՀՀ պետական և ոչ պետական հանրակրթական դպրոցների 1-4-րդ դասարանների աշակերտներին դասագրքերը տրամադրվում են անվճար։ 

2023 թվականի սեպտեմբերի 19-ից հետո ԼՂ-ից բռնի տեղահանված և ՀՀ ուսումնական հաստատություններում սովորող ուսանողները կարող են դիմել ուսման վարձի փոխհատուցում ստանալու համար։

Ծրագրով ՀՀ կրթության, գիտության, մշակույթի և սպորտի նախարարությունն աջակցում է թարգմանական աշխատանքներին, մշակութաբանական հետազոտություններին, գրականության և գրաքննադատության նախագծերին:

Ծրագրի նպատակն է աշակերտներին ծանոթացնել արվեստագետների և նրանց ստեղծագործությունների հետ, անմիջական շփման արդյունքում հաստատել և ամրացնել երիտասարդների ու երաժշտարվեստի միջև կապը։ 

ՀՀ պետական բյուջեի միջոցներից դրամական օժանդակություն է տրամադրվում որոշակի հեռավոր և դժվարամատչելի բնակավայրերում աշխատող մանկավարժներին, ինչպես նաև՝ այն աշակերտներին, ովքեր ստիպված են հաճախել այլ բնակավայրերի դպրոցներ՝ իրենց բնակության վայրում ուսումնական հաստատության բացակայության պատճառով։ Այս օժանդակությունը նախատեսված է փոխհատուցելու նրանց տրանսպորտային ծախսերը:

Ծրագրի նպատակը երիտասարդ ընտանիքների բնակարանային խնդիրների հաղթահարման հարցում արդյունավետ պետական աջակցության համակարգի ներդրումն է։

Ծրագրի շահառուները կարող են պետության կողմից սուբսիդավորում ստանալ նաև բնակարանը երկրորդային շուկայից ձեռք բերելու դեպքում։

ՀՀ-ում առողջ ապրելակերպը խթանելու նպատակով ՀՀ կառավարությունը նախաձեռնել է ծրագիր, որի շրջանակներում 2025-2027 թվականներին բուհերի և միջին մասնագիտական ուսումնական հաստատությունների սովորողներն ու աշխատողները կստանան աջակցություն հեծանիվ գնելու համար։

Մասնավորապես՝ մինչև 300,000 դրամ վարկ ստանալու դեպքում պետությունը կփոխանցի քաղաքացիների վարկերի տոկոսները մինչև 16%-ի չափով։

Ծրագրի նպատակն է աջակցել երիտասարդներին մասնակցելու միջազգային տարբեր միջոցառումների, ներկայացնելու իրենց փորձն ու աշխատանքները, ինչպես նաև ձեռք բերելու նոր գիտելիքներ և զարգացնելու իրենց կարողությունները։

Ծրագրի շրջանակում փոխհատուցվում է միջոցառմանը մասնակցելու նպատակով ձեռք բերվող ավիատոմսի ծախսը։ 

Ծրագրի շրջանակներում հատուցվում է սոցիալապես անապահով և սոցիալական աջակցություն ստացող ՀՀ սահմանամերձ համայնքների ընտանիքների երեխաների դասագրքերի արժեքը։ 

Ծրագրի շրջանակում որպես նպաստ ուսման վճարի փոխհատուցում է տրամադրվում մրցույթի արդյունքներով բարձրագույն ուսումնական հաստատություն ընդունված, ուսումնական տարվա արդյունքներով բարձր առաջադիմություն ունեցող սովորողներին և սոցիալապես անապահով ընտանիքի ուսանողներին։

Անվանական թոշակ տրամադրվում է ՀՀ այն մարզիկներին, ինչպես նաև նրանց մարզիչներին, որոնք օլիմպիական, պարալիմպիկ, սուրդլիմպիկ մարզաձևերի և շախմատի ՀՀ հավաքական թիմերի կազմում օլիմպիական, պարալիմպիկ, սուրդլիմպիկ խաղերում, աշխարհի, Եվրոպայի առաջնություններում և շախմատային օլիմպիադաներում ցուցաբերել են բարձր արդյունքներ: 

Ծրագրի նպատակն է ուսման վարձավճարի մասնակի կամ լրիվ փոխհատուցում տրամադրել նախնական և միջին մասնագիտական կրթություն ստացող ուսանողներին։

Ծրագրի մասնակիցներին վերադարձվում է իրենց վճարած եկամտային հարկը՝ ուսման վարձը փոխհատուցելու համար: Վերադարձվող գումարը հաշվարկվում է 1 տարվա ընթացքում աշխատավարձից վճարված եկամտային հարկի չափով:

Ծրագրի շրջանակում կրթաթոշակ է տրամադրվում ՀՀ բարձրագույն ուսումնական հաստատությունների բակալավրիատի և մագիստրատուրայի առկա ուսուցմամբ սովորող ուսանողներին, որոնք համապատասխանում են ներկայացվող պահանջներին։

• Երեխային դպրոցում հայտագրելու համար ամեն տարի սահմանվում են հատուկ օրեր, որոնց մասին Կրթության, գիտության, մշակույթի և սպորտի նախարարությունը տեղեկացնում է նախապես։
• Հայտագրման ժամանակացույցը առաջին դասարանի համար և հայտագրման ժամանակացույցը ավագ դպրոցի համար հնարավոր է գտնել ԿԳՄՍ նախարարության պաշտոնական կայքում։

Ուշադրություն

«ԵսԵմ» նույնականացում չունենալու դեպքում քաղաքացիները (կամ օտարերկրացիները) կարող են մուտք գործել նաև էլեկտրոնային փոստի միջոցով։