Հարթակը մշակման փուլում է․ ձեր կարծիքը կօգնի մեզ բարելավել այն:
Ստանալ ուսանողական կրթաթոշակ
Ծրագրի շրջանակում պետական կրթաթոշակ է տրամադրվում պետության համար առաջնային և կարևորություն ներկայացնող մասնագիտությունների և սոցիալական խմբերի սովորողների համար, որոնք ուսանում են ՀՀ բարձրագույն ուսումնական հաստատություններում կամ կազմակերպություններում բակալավրի և մագիստրոսի կրթական աստիճաններով առկա ուսուցմամբ։
Ովքե՞ր կարող են դիմել
Ուսանողական կրթաթոշակ կարող են ստանալ ՀՀ բուհերում բակալավրի և մագիստրոսի կրթական աստիճաններով առկա ուսուցմամբ այն ուսանողները, որոնք.
- ունեն բարձր առաջադիմություն,
- ուսանում են պետության համար կարևորություն ներկայացնող մասնագիտություններ,
- ունեն 1-ին կամ 2-րդ կարգի հաշմանդամություն,
- մնացել են առանց ծնողական խնամքի (մինչև 23 տարեկան)։
Կրթաթոշակի չափը
- Բարձր առաջադիմությամբ ուսանողների ուսանողական կրթաթոշակի չափը 70,000-77,000 դրամ է՝ կախված նախորդ տարվա միջին որակական գնահատականից,
- 1-ին կամ 2-րդ կարգի հաշմանդամություն ունեցող ուսանողների կրթաթոշակը 50,000 դրամ է,
- առանց ծնողական խնամքի մնացած ուսանողների կրթաթոշակը 75,000 դրամ է:
Դիմելու պայմանները
Ուսանողական կրթաթոշակի ստանալու համար անհրաժեշտ է դիմում ներկայացնել բարձրագույն ուսումնական հաստատություն յորաքանչյուր տարվա օգոստոսի 15-ից մինչև սեպտեմբերի 15-ը։
Պահանջվող փաստաթղթերը
Ուսանողական կրթաթոշակի դիմելու համար անհրաժեշտ է ներկայացնել հետևյալ փաստաթղթերը.
- դիմում,
- սոցիալական խմբերի սովորողների դեպքում՝ սոցիալական կարգավիճակը հավաստող տեղեկանք,
- հաշմանդամության կարգը հաստատող բժշկական տեղեկանք,
- բարձր առաջադիմությունը հաստատող փաստաթուղթ։
Հղում օրենսդրությանը
- ՀՀ կառավարության՝ 2023 թվականի օգոստոսի 24-ի N 1430-Ն որոշում։
- ՀՀ կառավարության՝ 2024 թվականի փետրվարի 1-ի N 150-Ն որոշում։
Իրավական ակտերը հնարավոր է տեսնել arlis.am-ում։
Օգտակար հղումներ
ՀՀ Կրթության, գիտության, մշակույթի, սպորտի նախարարության բարձրագույն կրթության և գիտության կոմիտեի ծրագրերի իրականացման վարչության ուսանողների աջակցության բաժին, հեռախոսահամար՝ (374 10) 21-01-40 (ներքին՝ 110)։
(+374) 010 59-96-00
(+374) 010 52-73-43
(+374) 010 59-96-00
(+374) 010 52-73-43