Մշակութային արժեքների արտահանման լիցենզիա (եզրակացություն) կամ ժամանակավոր արտահանման իրավունքի եզրակացություն (թույլատրող փաստաթուղթ) ստանալու համար անհրաժեշտ է «Շարունակել» կոճակը սեղմելուց նույնականացվելուց հետո անհրաժեշտ է՝

• ընտրել համակարգից օգտվողի տեսակը,
• «Միասնական հայտ» բաժնից ընտրել «Արտահանում»-ը,
• լրացնել հայտը՝ ավելացնելով պահանջվող բոլոր տվյալները,
• պահպանել հայտը՝ հետագայում ուղարկելու համար կամ ուղարկել այն։ 

Ներկայացվող պահանջները

Մշակութային արժեքների արտահանման լիցենզիա (եզրակացություն) կամ ժամանակավոր արտահանման իրավունքի եզրակացություն (թույլատրող փաստաթուղթ) ստանալու համար անհրաժեշտ է ունենալ՝

• նույնականացման քարտ (eID) և կարդացող սարք կամ
• բջջային նույնականացման քարտ (mID): 

Պահանջվող փաստաթղթեր

• հայտ,
• անձնագրի պատճե,
• մշակութային արժեքի 3 օրինակ լուսանկար,
• մշակութային արժեքի փորձագիտական եզրակացություն (բնօրինակը և պատճենը),
• պետական տուրքի վճարված անդորրագիր
• լիազորագիր՝ նոտարական վավերացմամբ (առկայության դեպքում).
• մշակութային արժեքների արտահանման լիցենզիա (եզրակացություն) ստանալու դեպքում՝ նաև արտաքին առևտրային պայմանագիր (առկայության դեպքում).

Պետական պահոցների կողմից ժամանակավոր արտահանում ձևակերպելիս անհրաժեշտ է ներկայացնել նաև

• մշակութային արժեքների ժամանակավոր արտահանման նպատակների և պայմանների մասին ընդունող կողմի հետ կնքված պայմանագրի պատճենը.
• ժամանակավոր արտահանվող մշակութային արժեքների ապահովագրումը հաստատող
  փաստաթուղթը, որը ներառում է վտանգի բոլոր դեպքերը կամ բոլոր վտանգների ֆինանսական ծածկույթն ապահովող պետական երաշխիքի մասին մշակութային արժեքներն ընդունող պետության կողմից ներկայացված փաստաթուղթը.
• ժամանակավոր արտահանվող մշակութային արժեքների պահպանման և վերադարձման մասին փաստաթղթով հաստատված` ընդունող կազմակերպության կամ պետության իրավասու մարմինների տված երաշխիքները
• պետական պահոցի հաշվառման մատյանում մշակութային արժեքի մասին տվյալները և տեղափոխման հնարավորության մասին
• լիազորված պետական մարմնի որոշման պատճենը, որով թույլատրվում է մշակութային արժեքների արտահանումը:

Վճարման չափը և կարգը

Մշակութային արժեքների արտահանման Լիցենզիա (եզրակացություն) կամ մշակութային արժեքների պահպանական ցուցակում չգրանցված կամ գրանցման ոչ ենթակա մշակութային արժեքների՝ ժամանակավոր արտահանման նպատակով եզրակացություն (թույլատրող փաստաթուղթ) ստանալու համար անհրաժեշտ է վճարել 5,000 դրամ պետական տուրք։

Վճարումն իրականացվում է հետևյալ եղանականերից մեկով՝

• E-Payments համակարգի միջոցով,
• բանկային փոխանցման միջոցով,
• վճարային տերմինալի միջոցով։

Անհրաժեշտ է վճարումն իրականացնել ՀՀ պետական բյուջեի 900005016192 հաշվեհամարին՝ նպատակ դաշտում նշելով՝ «Մշակութային արժեքների արտահանման լիցենզիա /եզրակացություն/» կամ «Մշակութային արժեքների ժամանակավոր արտահանման իրավունքի եզրակացություն (թույլատրող փաստաթուղթ)» տալու համար (եթե բանկային հավելվածում չի ստացվում փոխանցում կատարել այս հաշվեհամարին, ապա խնդրում ենք ընտրել «Փոխանցում պետական բյուջե» տարբերակը)։

Տրամադրման ժամկետը և կարգը

Մշակութային արժեքների արտահանման լիցենզիան /եզրակացություն/» կամ «Մշակութային արժեքների ժամանակավոր արտահանման իրավունքի եզրակացությունը (թույլատրող փաստաթուղթ)» տրամադրվում է հայտը ներկայացնելուց հետո 2 աշխատանքային օրվա ընթացքում։ 

Հղում օրենսդրությանը

• 2004 թվականի դեկտեմբերի 6-ի ՀՕ-176-Ն
• ՀՀ կառավարության՝ 2025 թվականի հունիսի 26-ի N 864-Ն որոշում
• ՀՀ կառավարության՝ 2025 թվականի հունիսի 5-ի N 721-Ն որոշում

Իրավական ակտերը հնարավոր է գտնել arlis.am-ում։