Հարթակը մշակման փուլում է․ ձեր կարծիքը կօգնի մեզ բարելավել այն:
Ստանալ անվճար դասագրքեր
Ծրագրի շրջանակում ՀՀ պետական և ոչ պետական հանրակրթական դպրոցների 1-4-րդ դասարանների աշակերտներին դասագրքերը տրամադրվում են անվճար։
Դիմելու համար անհրաժեշտ է
Անվճար դասագրքեր ստանալու համար հանրակրթական ուսումնական հաստատությունները Կրթական տեխնոլոգիաների ազգային կենտրոնի (ԿՏԱԿ) «Դասագրքեր» բաժին են ներկայացնում դպրոցներում առկա դասագրքերի պահանջարկը։
Ներկայացվող պահանջները
Ծրագրին կարող են դիմել ՀՀ պետական և ոչ պետական հանրակրթական ծրագրեր իրականացնող ուսումնական հաստատությունների 1-4-րդ դասարաններում սովորող այն աշակերտները, որոնք ՀՀ ազգային փոքրամասնությունների են պատկանում կամ ունեն տեսողական խնդիրներ։
Պահանջվող փաստաթղթերը
- աշակերտի ազգային փոքրամասնության ներկայացուցիչ լինելը հաստատող փաստաթուղթ,
- Բրալյան դասագրքով (տեսողական խնդիրներ ունեցող աշակերտների համար) ուսումնառության կազմակերպման անհրաժեշտությունը հավաստող փաստաթուղթ։
Անվճար դասագրքերի տրամադրման կարգը
Դասագրքերը մինչև օգոստոսի 15-ը առաքվում են ՀՀ մարզպետարաններ և Երևանի քաղաքապետարան, որտեղից իրականացվում է դասագրքերի բաշխումը ուսումնական հաստատություններին, որոնք էլ դասագրքերը տրամադրում են սովորողներին։
Յուրաքանչյուր տարվա պարապմունքների ավարտից հետո՝ մեկ շաբաթվա ընթացքում, սովորողները վերադարձնում են իրենց հատկացված բոլոր դասագրքերը՝ բացառությամբ քննություն և վերաքննություն ունեցող սովորողների, ովքեր դասագրքերը հանձնում են մինչև տվյալ ուսումնական տարվա ավարտը:
Հղում օրենսդրությանը
ՀՀ կառավարության՝ 2021 թվականի նոյեմբերի 11-ի N 81-Ն հրաման։
Հրամանը հնարավոր է գտնել arlis.am-ում։
(+374) 010 59-96-00
(+374) 010 52-73-43
(+374) 010 59-96-00
(+374) 010 52-73-43