Աջակցություն ստանալու համար կազմակերպության ղեկավարը արշավախմբի կամ գործուղման մեկնելուց 30 օր առաջ գրավոր դիմում է ՀՀ ԿԳՄՍ նախարարության բարձրագույն կրթության և գիտության կոմիտե (hասցե՝ ք. Երևան, Օրբելի եղբայրների 22):

Ծրագրի մասին

Արշավախմբերի կազմակերպման դեպքում աջակցություն տրամադրվում է դաշտային հնագիտական գիտահետազոտական աշխատանքներ կատարելու համար՝ հնագիտական տարածքը տեղազննելու, հետախուզելու կամ պեղելու նպատակով:

Գիտական գործուղման դեպքում աջակցություն տրամադրվում է գիտաշխատողներին՝ առավելապես բանավոր զեկույցով մասնակցելու միջազգային հետևյալ միջոցառումներին՝

• գիտաժողով,
• գիտական կոնֆերանս,
• սիմպոզիում,
• սեմինար։
  
  

Ներկայացվող պահանջները

• Ե՛վ արշավախմբի կազմակերպման, և՛ գիտական գործուղման նպատակով աջակցություն
  ստանալու համար գիտաշխատողը պետք է ընդգրկված լինի Հայաստանում գիտական և
  գիտատեխնիկական գործունեություն իրականացնող պետական կազմակերպություններում և բուհերում բազային ֆինանսավորմամբ իրականացվող գիտական ծրագրերում:
• Գիտական գործուղման դեպքում՝ անձը պետք է ներակայացնի գիտական միջոցառման
  կազմակերպիչի հրավերը կամ իր զեկույցն ընդունելու մասին ծանուցումը:

Պահանջվող փաստաթղթերը

Արշավախմբերի կազմակերպման համար՝

• hնագիտական տարածքներում գիտահետազոտոկան աշխատանքներ կատարելու համար
  սահմանված կարգով տրված թույլտվությունը (բաց թերթիկ, այլ)
• դաշտային պայմաններում հնագիտական գիտահետազոտական աշխատանքներ կատարելու հաստատված ծրագիրը, այդ թվում՝ արշավախմբի անվանումը/թեման, բնակավայրը/երթուղին, աշխատանքների նպատակներն ու խնդիրները, բնույթն ու ցանկը, իրականացման ժամկետները,
• արշավախմբի ղեկավարի տվյալները, այդ թվում՝ ազգանուն, անուն, հայրանուն, ծննդյան
  ամսաթիվ, զբաղեցրած պաշտոն, գիտական աստիճան, կոչում, բջջային հեռախոսահամար,
  էլեկտրոնային փոստի հասցե, https://grants.hesc.am համակարգում նույնականացման
  անհատական կոդ, ծախսերի նախահաշիվը, արշավախմբի մասնակիցների ցուցակը:

Գիտական գործուղման դեպքում՝ 

• դիմում,
• գիտական միջոցառման կազմակերպչի հրավերը կամ զեկույցն ընդունելու մասին ծանուցում,
• գործուղվող գիտաշխատողի գիտական արդյունավետության բնութագիրը։

Ուշադրություն
Արշավախմբի աշխատանքներն ավարտվելուց հետո 10-օրյա ժամկետում պետք է Կոմիտե ներկայացնել դաշտային աշխատանքների գիտական հաշվետվության պատճենը՝ կցելով տրամադրված ֆինանսական միջոցներով իրականացված ծախսերը հաստատող փաստաթղթերի պատճենները:

Գործուղման ավարտից հետո 10-օրյա ժամկետում պետք է Կոմիտե ներկայացնել գիտաշխատողի գործուղման արդյունքների մասին հաշվետվության պատճենը և գործուղվող գիտաշխատողի նստեցման կտրոնների (boarding pass) պատճենները։