ՀՀ-ում կրթական ծրագրեր իրականացնող ուսումնական հաստատություններ հայտագրվելու համար անհրաժեշտ է «Շարունակել» կոճակը սեղմելուց հետո՝

• ընտրել «ԲՈՒՀԵՐ» բաժինը, 
• նշված ցանկից ընտրել նախընտրելի հաստատությունը, 
• բացված էջում ընտրել մասնագիտությունը,
• սեղմել «Ընդունելություն» կոճակը, 
• լրացնել հայտը, 
• ներբեռնել անհրաժեշտ փաստաթղթերը, 
• պահպանել հայտը։ 

Հնարավոր է հայտագրվել նաև՝ ըստ մասնագիտության, որի համար անհրաժեշտ է «Շարունակել» կոճակը սեղմելուց հետո՝

• ընտրել «Կրթական ծրագրեր» բաժինը, 
• նշված ցանկից ընտրել ոլորտներից մեկը,
• բացված էջում ընտրել մասնագիտությունը,
• սեղմել «Ընդունելություն» կոճակը (եթե տվյալ մասնագիտությամբ այլ հայտ ներայացված չէ, կբացվի հայտի էջը),
• լրացնել հայտը, 
• ներբեռնել անհրաժեշտ փաստաթղթերը, 
• պահպանել հայտը։ 

Պահանջվող փաստաթղթերը

• անձնագրի պատճենը,
• սփյուռքահայ դիմորդների համար` ծննդյան վկայականի պատճենը` նոտարով վավերացված կամ մկրտության վկայականի պատճենը,
• կրթական աստիճանի վերաբերյալ ավարտական փաստաթղթի պատճենը (գնահատականներով)` թարգմանված և նոտարական, իսկ առանձին երկրների դեպքում` նաև միջազգային վավերացմամբ (ապոստիլ),
• բժշկական տեղեկանք` ընդհանուր առողջական վիճակի մասին (սույն տեղեկանքը կարող է տրված լինել նաև ՀՀ բժշկական կազմակերպությունների կողմից),
• միասնական քննությունների վկայագիր,
• 3x4 չափսի 4 լուսանկար,
• ինքնակենսագրություն (CV)` հայերենով, ռուսերենով կամ անգլերենով,
• դոկտորական կրթություն ստանալու համար՝ ընտրած մասնագիտության թեմայով գիտական ռեֆերատ` 20 էջի սահմաններում, հայերենով, ռուսերենով կամ անգլերենով:

Տրամադրման ժամկետը և կարգը

Փաստաթղթերի ընդունումն իրականացվում է հետևյալ ժամկետներում՝ 

• Անվճար առկա ուսուցմամբ բակալավրի կրթական ծրագրով (հայագիտական, մանկավարժական և արվեստի բնագավառի մասնագիտություններ) օտարերկրյա քաղաքացիների համար՝ 2026թ. հունիսի 22-ից մինչև օգոստոսի 24-ը ներառյալ,
• Վճարովի առկա ուսուցմամբ բակալավրի ու անընդհատ և ինտեգրացված կրթական ծրագրով՝ այդ թվում նախապատրաստական դասընթացում դիմելու համար՝ 2026թ. հունիսի 22-ից մինչև սեպտեմբերի 30-ը ներառյալ,
• Վճարովի առկա ուսուցմամբ մագիստրոսի կրթական ծրագրով՝ այդ թվում նախապատրաստական դասընթացում, ընդունելության համար՝ 2026թ. հունիսի 22-ից մինչև հոկտեմբերի 15-ը ներառյալ,
• Վճարովի հեռակա ուսուցմամբ բակալավրի և մագիստրոսի կրթական ծրագրերով ընդունելության համար՝ 2026թ. հունիսի 22-ից մինչև հոկտեմբերի 16-ը ներառյալ,
• Վճարովի դոկտորական կրթական ծրագրով ընդունելության համար՝ 2026թ. հունիսի 22-ից մինչև նոյեմբերի 13-ը ներառյալ:

Հղում օրենսդրությանը

ՀՀ կառավարության 2011 թվականի ապրիլի 28-ի «ՀՀ բարձրագույն ուսումնական հաստատություններ օտարերկրյա քաղաքացիների, ինչպես նաև օտարերկրյա պետություններում գործող ՀՀ դիվանագիտական ծառայության մարմիններում աշխատող դիվանագետների ընտանիքների անդամների ընդունելության կարգը հաստատելու մասին» N 700-Ն որոշում