Ծառայությունից հնարավոր է օգտվել ֆիզիկապես՝ անձամբ այցելելով գրասենյակ։
ԲԵՏԱ
Հարթակը մշակման փուլում է․ ձեր կարծիքը կօգնի մեզ բարելավել այն:
Աջակցության ծրագիր
Կրթություն
Ստանալ հանրակրթական դպրոցների աշակերտների անվանական կրթաթոշակ
Ծրագրի շրջանակներում պետությունը հանրակրթական ուսումնական հաստատությունների դիպլոմակիրներին տրամադրում է անվանական կրթաթոշակ։
Ո՞վ կարող է դիմել
ՀՀ քաղաքացիներ
Տրամադրման տևողությունը
2 շաբաթ
Անվանական կրթաթոշակի տրամադրման պայմանները
Անվանական կրթաթոշակը տրվում է հանրակրթական ծրագրեր իրականացնող ուսումնական հաստատությունների այն աշակերտներին, որոնք բավարարում են հետևյալ չափանիշներից առնվազն մեկին՝
- ՀՀ դպրոցականների առարկայական օլիմպիադաների հանրապետական փուլերի դիպլոմակիրներ են,
- դպրոցականների միջազգային առարկայական օլիմպիադաների եզրափակիչ փուլերի մրցանակակիրներ կամ մասնակիցներ են,
- դպրոցականների միջազգային այլ օլիմպիադաների (առնվազն 15 երկրներից մասնակիցներ ունեցող) եզրափակիչ փուլերի մրցանակակիրներ են։
Օլիմպիադաների առարկաների ցանկը
Օլիմպիադաները անցկացվում են հանրակրթական 16 առարկաներից․
- հայոց լեզու,
- հայ գրականություն,
- ռուսաց լեզու,
- անգլերեն,
- ֆրանսերեն,
- գերմաներեն,
- պատմություն,
- աշխարհագրություն,
- մաթեմատիկա,
- ֆիզիկա,
- քիմիա,
- կենսաբանություն,
- ինֆորմատիկա,
- աստղագիտություն,
- հայ առաքելական եկեղեցու պատմություն,
- նախնական զինվորական պատրասություն։
Անվանական կրթաթոշակի չափը
ՀՀ դպրոցականների առարկայական օլիմպիադաների հանրապետական փուլերի դիպլոմակիրներին տրվում է անվանական կրթաթոշակ՝ ամսական հետևյալ չափով.
- առաջին կարգի դիպլոմակիրներին՝ 10,000 դրամ,
- երկրորդ կարգի դիպլոմակիրներին՝ 7,500 դրամ,
- երրորդ կարգի դիպլոմակիրներին՝ 5,000 դրամ,
Դպրոցականների միջազգային առարկայական օլիմպիադաների եզրափակիչ փուլերի մրցանակակիրներին կամ մասնակիցներին տրվում է անվանական կրթաթոշակ՝ ամսական հետևյալ չափով.
- առաջին կարգի դիպլոմակիրներին (ոսկե մեդալակիր)՝ 25,000 դրամ,
- երկրորդ կարգի դիպլոմակիրներին (արծաթե մեդալակիր)՝ 20,000 դրամ,
- երրորդ կարգի դիպլոմակիրներին (բրոնզե մեդալակիր)՝ 15,000 դրամ,
- գովասանագրով պարգևատրվածներին՝ 12,000 դրամ,
- եզրափակիչ փուլի այլ մասնակիցներին՝ 10,000 դրամ։
Դպրոցականների միջազգային այլ օլիմպիադաների (առնվազն 15 երկրներից մասնակիցներ ունեցող) եզրափակիչ փուլերի մրցանակակիրներին տրվում է անվանական կրթաթոշակ՝ ամսական հետևյալ չափով.
- առաջին կարգի դիպլոմակիրներին (ոսկե մեդալակիր)՝ 15,000 դրամ,
- երկրորդ կարգի դիպլոմակիրներին (արծաթե մեդալակիր)՝ 10,000 դրամ,
- երրորդ կարգի դիպլոմակիրներին (բրոնզե մեդալակիր)՝ 7,500 դրամ։
Անվանական կրթաթոշակի տրամադրման ժամկետները և եղանակները
Անվանական կրթաթոշակը սովորողներին տրամադրվում է ուսումնական հաստատությունների միջոցով 1 տարվա հաշվարկով, ընդ որում, անկախ հաստատության կազմակերպական-իրավական ձևից՝ հաստատությունները կրթաթոշակը սովորողին են փոխանցում անկանխիկ եղանակով։
Անվանական կրթաթոշակ ստացողի ուսումնառությունը տվյալ հաստատությունում դադարելու դեպքում 1 տարվա համար նախատեսված անվանական կրթաթոշակի չվճարված մասը սովորողին վճարվում է միանվագ։
Անվանական կրթաթոշակի հաստատման ընթացակարգը
ՀՀ ԿԳՄՍ նախարարության հանրակրթության վարչությունը նշված չափանիշներին բավարարելու վերաբերյալ համապատասխան տեղեկատվությունը ստանալուց հետո 2 շաբաթվա ժամկետում նախարարի ստորագրմանն է ներկայացնում անվանական կրթաթոշակ տրամադրելու մասին հրամանի նախագիծ։
Կրթաթոշակը ստանում են ՀՀ կրթության, գիտության, մշակույթի և սպորտի նախարարի՝ անվանական կրթաթոշակ տրամադրելու մասին հրամանի նախագիծը հաստատվելուց հետո։
Հղում օրենսդրությանը
-
ՀՀ կառավարության՝ 2003 թվականի մայիսի 12-ի N 52-Ն որոշում։
- ՀՀ կառավարության՝ 2011 թվականի ապրիլի 5-ի N 280-Ն հրաման։
Իրավական ակտերը հնարավոր է գտնել arlis.am-ում։
Օգտակար հղումներ
ՀՀ ԿԳՄՍՆ հանրակրթության վարչություն, հեռախոսահամար՝ (374 10) 59-96-17:
Տեխնիկական աջակցության համար՝
(+374) 010 59-96-00
Ծառայության գծով աջակցության համար՝
(+374) 010 52-73-43
Ծառայությունը մատուցող՝
ՀՀ կրթության, գիտության, մշակույթի և սպորտի նախարարություն
Ո՞վ կարող է դիմել
ՀՀ քաղաքացիներ
Տրամադրման տևողությունը
2 շաբաթ
Տեխնիկական աջակցության համար՝
(+374) 010 59-96-00
Ծառայության գծով աջակցության համար՝
(+374) 010 52-73-43
Այս էջը օգտակա՞ր էր