ՀՀ աշխատանքի և սոցիալական հարցերի նախարարության կողմից մատուցվող ծառայությունների ցանկ

Սույն ծրագրի շրջանակներում ԼՂ-ից տեղահանված այն անձինք, ովքեր ԼՂ-ում ստանում էին երեխայի ծննդով պայմանավորված նպաստներ, կարող են դիմել ՀՀ-ում նպաստների նշանակման համար։    

Հրատապ կարիքի հաշվառման շրջանակներում անձանց տրամադրվում է սննդի, կացարանի, կենցաղային պարագաների կամ խնամքի աջակցություն։ 

Ծրագրի շրջանակում տրամադրվում է մինչև 150,000 դրամի չափով ֆինանսական աջակցություն ընտանիքում բռնության ենթարկված անձանց։ 

Երեխայի ծննդյան միանվագ նպաստը պետության կողմից նորածին երեխայի ընտանիքին տրամադրվող ֆինանսական աջակցություն է, որի նպատակը ժողովրդագրական իրավիճակի բարելավումն ու ծնելիության խթանումն է։ 

Աջակցության ծրագիրը նախատեսված է նաև ԼՂ-ից բռնի տեղահանված անձանց համար։

Անապահովության գնահատումն իրականացվում է առցանց հարթակի միջոցով, որը հնարավորություն է տալիս գնահատել անձի անապահովության մակարդակն ու տրամադրել նրան նպաստ, աշխատանք, կրթություն կամ անհրաժեշտ այլ աջակցություններ։ 

Ծրագրի շրջանակներում փոխհատուցվում են զինծառայողների ծնողների բժշկական ծախսերի մի մասը՝ դոնորական ձվաբջիջ կամ փոխնակ մոր ծառայություններ ձեռք բերելու համար: 

Աջակցությունը տրամադրվում է զոհված, մարտական գործողությունների կամ ծառայողական պարտականությունների կատարման ժամանակ անհայտ կորած կամ դատական կարգով մահացած ճանաչված զինծառայողների ծնողներին։ 

Անհուսալի վարկեր ունեցող աշխատող անձինք կարող են մինչև 2026 թվականի հունվարի 31-ը դիմել անհուսալի վարկերի մարման աջակցության ծրագրին։

Ծրագրի շրջանակում ԼՂ-ից բռնի տեղահանված անձանց 6 ամիս շարունակ տրամադրվում է սոցիալական աջակցություն՝ ամսական 40,000-ական դրամ ժամանակավոր կացարաններում բնակվելու + 10,000-ական դրամ՝ կոմունալ ծախսերի վճարման համար։ Դիմումներն ընդունվում են մինչև 2024 թվականի դեկտեմբերի 15-ը։

Ծրագրի նպատակն է աշխատավայրում և ուսումնական հաստատությունում խելամիտ հարմարեցումներ ապահովել հաշմանդամություն ունեցող անձանց համար։

Ժողովրդագրական իրավիճակի բարելավման և ծնելիության խթանման նպատակով պետության կողմից տրամադրվում է ամսական աջակցություն երրորդ և հաջորդ երեխաների ծննդյան դեպքում։

Նպաստը տրամադրվում է մինչև երեխայի վեց տարեկանը լրանալը։

Կենսաթոշակի 12% հետվճարը պետական աջակցության ծրագիր է, ըստ որի՝ եթե կենսաթոշակառուն բացառապես ՀՀ տարածքում կատարում է անկանխիկ վճարումներ, ապա ամսական կտրվածքով ստանում է հետվճար՝ կատարած գործարքների հանրագումարի 12%-ի չափով (առավելագույնը 6,000 ՀՀ դրամ):

Կենսաթոշակառուն ցանկացած պահի կարող է փոխել այն բանկը, որի միջոցով ցանկանում է ստանալ իր կենսաթոշակը։

Հաշմանդամության նպաստ նշանակվում է կենսաթոշակ ստանալու իրավունք չունեցող հաշմանդամություն ունեցողին, ինչպես նաև հաշմանդամություն ունեցող երեխա ճանաչված անձին: 

Մայրության նպաստը նորածին երեխայի ծնողներին տրամադրվող միանվագ օգնություն է։ Այս նպաստի միջոցով հղիության և ծննդաբերության արձակուրդի ընթացքում հատուցվում է առաջացած ժամանակավոր անաշխատունակության հետևանքով կորցրած աշխատավարձը (եկամուտը)։ Աշխատող կանանց մայրության նպաստը վճարում է գործատուն, իսկ չաշխատողներին՝ պետությունը։

Ծրագրի շրջանակներում ՀՀ կառավարությունը Լեռնային Ղարաբաղից բռնի տեղահանված անձանց տալիս է մասնագիտական հմտություններն ու կարողությունները զարգացնելու, ինչպես նաև աշխատանք և փորձ ձեռք բերելու հնարավորություն։

Թաղման նպաստը միանվագ դրամական աջակցություն է, որը տրամադրվում է բացառապես հուղարկավորությունը կազմակերպած անձին մահվան վկայականի առկայության դեպքում:

Մշտական, ժամանակավոր կամ փաստացի բնակության վայր չունեցող անօթևան, կյանքի դժվարին իրավիճակում հայտնված անձինք կարող են դիմել ժամանակավոր օթևան ստանալու համար։

Ժամանակավոր կացարանում անօթևան անձանց տրամադրվում են սոցիալական ծառայություններ՝ շուրջօրյա լրիվ խնամք, սոցիալական սպասարկում և երկարաժամկետ կացարանով (90 օր) ապահովում։

Ժողովրդագրական իրավիճակի բարելավման և ծնելիության խթանման նպատակով պետության կողմից տրամադրվում է ամսական աջակցություն մինչև երկու տարեկան երեխայի խնամքի համար։

Աջակցության ծրագիրը նախատեսված է նաև ԼՂ-ից բռնի տեղահանված անձանց համար:

Ծրագրի միջոցով ԼՂ-ից բռնի տեղահանված ընտանիքները կարող են ստանալ ֆինանսական աջակցություն տուն կամ բնակարան ձեռք բերելու կամ գործող հիպոթեքային վարկը մարելու նպատակով։

Ծրագրի շրջանակում հիպոթեքային վարկով բնակարան ձեռք բերած ընտանիքում երեխա ծնվելիս տրամադրվում է միանվագ դրամական աջակցություն, որն ուղղվում է վարկի մայր գումարի մարմանը։ 

Եթե հիպոթեքային վարկը տրամադրել է համագործակցող բանկերից որևէ մեկը, ապա Աշխատանքի և սոցիալական հարցերի նախարարություն դիմում ներկայացնելու կարիք չկա․ բանկն ինքը դիմողի տվյալները կփոխանցի նախարարություն։

Իսկ եթե հիպոթեքային վարկը տրամադրվել է ցանկում չներառված բանկի կողմից, ապա անհրաժեշտ է ներկայացնել դիմում ստորև նկարագրված եղանակով։

Ծրագրի շրջանակում միանվագ դրամական աջակցություն է տրամադրվում մարզային բնակավայրերում հիպոթեքային վարկով բնակարան ձեռք բերելու կամ անհատական բնակելի տուն կառուցելու նպատակով։ 

Եթե հիպոթեքային վարկը տրամադրել է համագործակցող բանկերից որևէ մեկը, ապա Աշխատանքի և սոցիալական հարցերի նախարարություն դիմում ներկայացնելու կարիք չկա․ բանկն ինքը դիմողի տվյալները կփոխանցի նախարարություն։

Իսկ եթե հիպոթեքային վարկը տրամադրվել է ցանկում չներառված բանկի կողմից, ապա անհրաժեշտ է ներկայացնել դիմում ստորև նկարագրված եղանակով։

Ծրագրի շրջանակներում տրամադրվում է հավաստագիր, որի միջոցով հնարավոր է ստանալ փոխհատուցում աջակցող միջոցներ (անվասայլակ, քայլակ, հենակ, ձեռնափայտ, լսողական սարք և այլն) ձեռք բերելու համար։

Ծրագրի շրջանակներում աջակցություն է տրամադրվում սահմանամերձ գյուղական բնակավայրերում և Վայոց Ձորի մարզի Գոմք բնակավայրում բնակելի տուն կառուցելու համար հիպոթեքային վարկ ստացած շահառուներին։ Աջակցությունն ուղղվում է հիպոթեքային վարկի ամենամսյա մայր գումարի և տոկոսագումարների մարմանը։

Ծրագրի նպատակն է տրամադրել միանվագ 250,000 դրամ ֆինանսական աջակցություն թրաֆիքինգի և շահագործման, սեռական բռնության ենթարկված անձանց։

Ծրագիրը նպատակ ունի աջակցել կյանքի դժվարին իրավիճակում հայտնված 0-18 տարեկան երեխաներին՝ ապահովելով նրանց ընտանիքում ապրելու իրավունքը և սոցիալական ներառումը: Այն գնահատում է երեխաների սոցիալական կարիքները և տրամադրում համապատասխան սոցիալ-հոգեբանական ծառայություններ՝ կանխարգելելու կամ հաղթահարելու երեխայի դժվարին իրավիճակը:

Ծրագրի շրջանակներում աջակցություն է տրամադրվում ռազմական գործողություններին մասնակցած, ինչպես նաև ժամկետային պարտադիր զինվորական ծառայությունից զորացրված գործազուրկ անձանց, որպեսզի վերջիններս ձեռք բերեն գործատուի կողմից ներկայացված պահանջներին համապատասխան մասնագիտական հմտություններ և կարողություններ՝ գործատուի մոտ առկա թափուր աշխատատեղը համալրելու համար։

Անհատական դեպքերը քննարկելու և խորհրդատվություն ստանալու համար անհրաժեշտ է այցելել Միասնական սոցիալական ծառայության տարածքային կենտրոն (տարածված է նաև սոցապ անվանումը)։

Ծառայության նպատակն է աջակցելու հաշմանադամություն ունեցող անձնանց, ստեղծելու նրանց համար անկախ և լիաժեք կյանք՝ ներգրավելով նրանց իրենց բնակության համայնքում, ինչպես նաև՝ ստեղծելով սոցիալական շփման համար բնականոն միջավայր։

Ծրագրի նպատակն է սոցիալական աջակցություն տրամադրել 2020 թվականի սեպտեմբերի 27-ից ԼՂ-ի ուղղությամբ սկսված պատերազմական գործողությունների հետևանքով քաղաքացիական անձանց շրջանում անհայտ կորածների ընտանիքներին։ 

Աշխատանք չունենալու կամ այն կորցնելու դեպքում անձը կարող է դիմել գործազուրկի կարգավիճակ ստանալու և որպես աշխատանք փնտրող անձ հաշվառվելու համար։ Արդյունքում անձը տեղեկացվում է մասնագիտական որակավորումներին համապատասխանող թափուր աշխատատեղերի մասին։

Իսկ աշխատանք ունեցող այն անձինք, ովքեր փնտրում են նոր աշխատանք, նույնպես կարող են հաշվառվել և ծանուցվել թափուր հաստիքների մասին։

Ծրագրի շահառուներն են հաշմանդամություն ունեցող, առողջական և/կամ տարբեր խնդիրներ ունեցող, ինչպես նաև՝ ընտանիքների անապահովության գնահատման համակարգում հաշվառված ընտանիքների երեխաները և երիտասարդները: 

Ծրագրի շրջանակում իրականացվում է աուտիզմ ունեցող անձանց սոցիալ-վերականգնողական ծառայությունների մատուցում ցերեկային կենտրոնում` ապահովելով աուտիզմ ունեցող անձանց` համայնքում և ընտանիքում ապրելու իրավունքը։

Ծրագիրը նպատակ ունի բարելավել տարեցների և 18 տարին լրացած հաշվանդամություն ունեցող անձանց կյանքի որակը՝ ապահովելով նրանց հիմնական կարիքները և իրավունքները շուրջօրյա խնամք ապահովող կենտրոններում (տուն-ինտերնատ):

Ծրագրի շրջանակում իրականացվում է 18-ից բարձր տարիքի մտավոր և հոգեկան խնդիրներով հաշմանդամություն ունեցող անձանց սոցիալ-վերականգնողական ծառայությունների մատուցում ցերեկային կենտրոնում։

Արձակուրդն աշխատանքային օրերով հաշվարկվող ժամանակահատված է, որը տրամադրվում է աշխատողին՝ հանգստանալու և աշխատունակությունը վերականգնելու համար: Այդ ընթացքում պահպանվում է նրա աշխատատեղը և վճարվում է միջին աշխատավարձը:

ՀՀ-ում սոցիալապես անապահով ճանաչված անձանց հնարավոր է տրամադրել ոչ միայն դրամական, այլև կենցաղային, սննդի, կացարանի, աջակցող միջոցների, իրավաբանական և հոգեբանական աջակցություն։ 

Այս ծրագրի շրջանակներում տրամադրվում է մարդկանց թրաֆիքինգի և շահագործման զոհերի նույնացման հանձնաժողովի կողմից զոհ/կամ հատուկ կատեգորիայի զոհ ճանաչված անձանց աջակցություն, նրանց սոցիալ-հոգեբանական վերականգնման աշխատանքների կազմակերպում:

Ծրագրի շրջանակներում տնային պայմաններում աջակցություն է տրամադրվում խնամքի կարիք ունեցող, կյանքի դժվարին իրավիճակում հայտնված անձանց։

Աշխատանքային կենսաթոշակի չափը ենթակա է վերահաշվարկման։ Դրա համար անհրաժեշտ է ՀՀ աշխատանքի և սոցիալական հարցերի նախարարություն առցանց դիմում ներկայացնել։

Եթե անձը համաձայն չէ հաշմանդամության ֆունկցիոնալության գնահատման հետ, ապա հնարավորություն ունի բողոքարկել գնահատումը՝ ներկայացնելով համապատասխան դիմումն ու պահանջվող փաստաթղթերը։

ՀՀ-ում անձի ֆունկցիոնալության գնահատումը կատարվում է «e-disability» էլեկտրոնային համակարգի միջոցով։ E-disability կայքը ՀՀ աշխատանքի և սոցիալական հարցերի նախարարության միասնական սոցիալական ծառայության էլեկտրոնային համակարգ է։ 

Ծրագրի նպատակն է լրացուցիչ հրատապ սոցիալական աջակցություն տրամադրել Լեռնային Ղարաբաղից բռնի տեղահանված կարիքավոր ընտանիքներին: Աջակցությունը տրամադրվում է ամենամսյա դրամական վճարումների ձևով 2025 թվականի ապրիլ ամսից մինչև դեկտեմբեր ամիսը ներառյալ:

Խնամատար ընտանիքում երեխայի խնամքը և դաստիարակությունն իրականացվում են ՀՀ օրենսդրությամբ սահմանված պահանջներին համապատասխան: Խնամատար ծնողն իրականացնում է հոգեզավակի իրավունքների և օրինական շահերի պաշտպանությունը: 

Ծրագրի շահառուներն են՝ տեսողության խնդիրներով հաշմանդամություն ունեցող անձիք։ Ծրագրի շրջանակում իրականացվում է սպիտակ ձեռնափայտով տեղաշարժվելու հմտությունների ուսուցանում: 

Աշխատանքային կենսաթոշակը հաշվարկվում է աշխատանքային ստաժի տարիների, կենսաթոշակառուի անձնական գործակցի և այլ գործակիցների հիման վրա։ Աշխատանքային կենսաթոշակը տրամադրվում է յուրաքանչյուր ամիս կանխիկ կամ անկախիկ եղանակով։ 

Ծերության նպաստը պետական աջակցության ծրագիր է։ Նշանակվում է 65 տարեկանը լրացած քաղաքացուն ցմահ։

Աշխատանքային կենսաթոշակը տրամադրվում է ՀՀ աշխատանքի և սոցիալական հարցերի նախարարության կողմից՝ քաղաքացու աշխատանքային ստաժի համար։ Որքան մեծ է աշխատանքային ստաժը, այնքան մեծ է աշխատանքային կենսաթոշակի չափը։

ՀՀ-ում երեխաների խնամք և պաշտպանություն իրականացնող հաստատություններում խնամվող երեխաներին կենսաբանական ընտանիք վերադարձնելու, ինչպես նաև նրանց մուտքը սահմանափակելու հետ կապված ծառայությունները (բեռնաթափման ծրագիր) տրամադրվում են հատուկ ծրագրերի շրջանակներում։ 

E-social.am-ը ՀՀ սոցիալական պաշտպանության ծառայությունների միասնական հարթակն է, որի միջոցով հնարավոր է դիմել բնակարանային, աշխատանքի, կենսաթոշակի, անապահովության գնահատման, նպաստի ստացման, անհուսալի վարկերի մարման, հրատապ կարիքների, ֆունկցիոնալության խնդիրների աջակցությունների համար։ 

Կայքում հնարավոր է գրանցվել «ԵսԵմ» նույնականացման հարթակի միջոցով կամ գրանցման, որը ներկայացված է ստորև։  

Վերջնահաշվարկը աշխատանքի ընթացքում չօգտագործված արձակուրդային օրերի վճարն է, որը տրվում է աշխատողին աշխատանքից դուրս գալուց հետո։