Ծերության նպաստ ստանալու համար անհրաժեշտ է դիմել տարածքային սոցիալական ծառայության ցանկացած բաժին (տարածված է նաև Սոցապ անվանումը)՝ ներկայացնելով պահանջվող փաստաթղթերը։

Ներկայացվող պահանջները

Ծերության նպաստը տրամադրվում է, եթե քաղաքացին չունի 10 տարվա աշխատանքային ստաժ, այսինքն՝ սահմանված 63 տարեկանում չի կարող ստանալ աշխատանքային կենսաթոշակ։

Պահանջվող փաստաթղթերը

Ծերության նպաստ ստանալու համար անհրաժեշտ է ներկայացնել՝

• դիմում,

• նույնականացման քարտ կամ անձնագիր,

• սոցիալական քարտ (նույնականացման քարտի առկայության դեպքում անհրաժեշտ չէ) կամ այն չստանալու մասին տեղեկանք։
  
  

Տրամադրման ժամկետը և կարգը

Դիմումը ուսումնասիրվում է սոցիալական ծառայության աշխատակցի կողմից։ 10 աշխատանքային օրվա ընթացքում դիմումատուն ծանուցվում է նպաստի հաստատման կամ մերժման մասին։ 

Հղում օրենսդրությանը

«Պետական նպաստների մասին» ՀՀ օրենք։
Օրենքը հնարավոր է գտնել arlis.am-ում։