Հարթակը մշակման փուլում է․ ձեր կարծիքը կօգնի մեզ բարելավել այն:
Դիմել անապահովության գնահատման և նպաստ ստանալու համար
Անապահովության գնահատումն իրականացվում է առցանց հարթակի միջոցով, որը հնարավորություն է տալիս գնահատել անձի անապահովության մակարդակն ու տրամադրել նրան նպաստ, աշխատանք, կրթություն կամ անհրաժեշտ այլ աջակցություններ։
Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։
- մուտք գործել համակարգ (եթե անձը գրանցված չէ e-social.am կայքում, ապա անհրաժեշտ է գրանցվել՝ հետևելով հղմամբ նշված քայլերին)
- ընտրել «Կյանքի դժվարին իրավիճակ» բաժինը,
- այնուհետև՝ «Անապահովության գնահատում և ծառայություններ» բաժինը,
- ընտրել, թե ում համար է լրացվում դիմումը,
- բացվող էջում լրացնել պահանջվող բոլոր տվյալները (որոշ տվյալններ լրացվելու են ինքնաշխատ կերպով)
- ընտրել վճարման տարբերակն ու բանկը,
- սեղմել հաստատել։
Ներկայացվող պահանջները
Անապահովության նպաստ ստանալու իրավունք ունի այն ընտանիքը, որի մեկ հաշվարկային անդամի հաշվով ամսական եկամտի չափը ցածր կլինի անապահովության սահմանային շեմից, այսինքն՝ պարենային զամբյուղի արժեքից (Վիճակագրական կոմիտեի 2024 թվականի 3-րդ եռամսյակի հրապարակած պարենային զամբյուղի արժեքը 31,053 դրամ է):
Աջակցության չափը
Անապահովության նպաստի նվազագույն չափը չի կարող ցածր լինել ՀՀ վիճակագրական կոմիտեի՝ նախորդ տարվա երրորդ եռամսյակի համար հրապարակված նվազագույն պարենային զամբյուղի արժեքի 10 տոկոսի արժեքից։
Տրամադրման ժամկետը և կարգը
Անապահովության նպաստ ստանալու իրավունքը ծագում է անապահովության նպաստ նշանակելու օրվա դրությամբ։
Անապահովության նպաստը վճարվում է դիմելու օրվա ամսվան հաջորդող ամսվանից մինչև նպաստի իրավունքի դադարեցման հիմքի առաջացումը, սակայն ոչ ավելի, քան 12 ամիս ժամկետով:
Ուշադրություն
Քանի որ համակարգը նոր է ներդրվելու և դրանից օգտվելիս գուցե առաջացան հարցեր, Միասնական սոցիալական ծառայության տարածքային կենտրոններում կլինեն աշխատակիցներ, ովքեր կօգնեն դիմողներին օգտահաշիվ ստեղծելու և առցանց դիմում ներկայացնելու հարցում:
Հղում օրենսդրությանը
«Պետական նպաստների մասին» ՀՀ օրենք (անհրաժեշտ է կարդալ ամենավերջին փոփոխված տարբերակը)։
09:00-18:00
(+374) 010 56-53-83
09:00-18:00
(+374) 010 56-53-83