Աջակցություն ստանալու դիմում ներկայացնելու համար անհրաժեշտ է «Շարունակել» կոճակը սեղմելուց հետո՝

• լրացնել պահանջվող տվյալները,
• սեղմել անձնական տվյալների նույնականացման համար նախատեսված կոճակը, ինչից հետո որոշ տվյալներ ինքնաշխատ եղանակով կլրացվեն, 
• լրացնել այն դաշտերը, որոնք ինքնաշխատ եղանակով չեն լրացվել, 
• անչափահաս երեխաներ ունենալու դեպքում լրացնել նաև նրանց տվյալները՝ նշելով ազգակցական կապը (անչափահաս երեխայի ծնողը լինելու դեպքում անհրաժեշտ է ընտրել «Զավակ» տարբերակը, իսկ խնամակալը լինելու դեպքում՝ «Խնամարկյալ» տարբերակը), 
• բոլոր տվյալները լրացնելուց և պահպանելուց հետո տալ համաձայնություն՝ անձնական տվյալները Աշխատանքի և սոցիալական հարցերի նախարարությանը տրամադրելու համար,
• այնուհետև նշել տվյալների հավաստիությունը հաստատող նշավանդակը։

Ներկայացվող պահանջները

Ծրագրից կարող են օգտվել՝

• 2020 թվականից հետո Լեռնային Ղարաբաղից տեղահանված ընտանիքները,
• ԼՂ-ից տեղահանված ընտանիքներում նոր ծնված կամ նոր ծնվող երեխաները,
• մինչև 2023 թվականի դեկտեմբերի 1-ը տրամադրվող միանվագ 100,000 դրամ աջակցության ծրագրի շահառուները։

Ծրագրի շահառու չեն կարող լինել

• բնակչության սոցիալական պաշտպանության հաստատությունում ժամանակավոր բնակվող անձինք,
• պետական կամ համայնքային սեփականություն հանդիսացող տարածքներում ժամանակավոր բնակվող անձինք,
• հյուրանոցներում կամ հյուրատներում պետության աջակցությամբ ժամանակավոր բնակվող անձինք,
• այն անձինք, ովքեր արդեն օգտվել են բնակարանային աջակցության ծրագրից։  
  
  

Աջակցության չափը

Ծրագրի աջակցության չափը կազմում է՝

• ամսական 40,000-ական դրամ ժամանակավոր կացարաններում բնակվելու համար (6 ամիս)
• ամսական 10,000-ական դրամ կոմունալ ծախսերը հոգալու համար (6 ամիս)

Տեղահանված այն անձինք, ովքեր ՀՀ-ում ունեն տուն, նախատեսված 40,000-ական դրամ աջակցությունը չեն ստանա․ կստանան միայն կոմունալ վճարների համար նախատեսված 10,000-ական դրամները։

Այն անձինք, ովքեր ՀՀ-ում չունեն սեփականություն կամ ունեն բաժնային կամ համատեղ սեփականություն հանդիսացող տուն, և այդ բաժնեմասին համապատասխան մակերեսը փոքր է 20 քառակուսի մետրից, կստանան ամսական 50 հազար դրամ աջակցություն։ Այլ դեպքերում աջակցությունը կտրամադրվի 10 հազար դրամի չափով։