Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

Երեխայի ծննդյան միանվագ նպաստ ստանալու համար նախ անհրաժեշտ է առցանց դիմում ներկայացնել, որի հաստատումից հետո այցելել բանկ և ստանալ նպաստը։ 

Առցանց դիմում ներկայացնելու համար անհրաժեշտ է՝ 

• գրանցվել online.ssa.am-ում,

• այցելել «Կենսաթոշակի և նպաստների առցանց դիմումներ» բաժին,

• ընտրել «Մուտքագրել երեխայի միանվագ նպաստի դիմում» ենթաբաժինը,

• լրացնել անհրաժեշտ տվյալները և ներկայացնել դիմում։
  
  

Դիմումի գործընթացն ավարտելու համար անհրաժեշտ է՝

• բացել գրանցումը հաստատող հաղորդագրությունը և անցնել հղումով,
• մուտք գործել անձնական էջ՝ մուտքագրելով էլեկտրոնային փոստի հասցեն և գաղտնաբառը,
• բացվող պատուհանում լրացնել անհրաժեշտ տվյալները,
• «Վճարող կազմակերպություններ» դաշտում ընտրել այն բանկը, ուր ցանկալի է այցելել նպաստը ստանալու համար,
• սեղմել «Ուղարկել» կոճակը։
  
  

Դիմումը ուղարկելուց հետո էլեկտրոնային փոստին կուղարկվի հաղորդագրություն դիմումի հաստատման կամ մերժման մասին։ 

Ներկայացվող պահանջները

Երեխայի ծննդյան միանվագ նպաստը տրամադրվում է, եթե ծնողը և նոր ծնված երեխան հաշվառված են ՀՀ բնակության վայրի հասցեով ու դիմելու օրվա դրությամբ գտնվում են ՀՀ-ում։

Պահանջվող փաստաթղթերը

Նպաստը ստանալու համար անհրաժեշտ է ֆիզիկապես այցելել բանկ՝ ներկայացնելով անձը հաստատող փաստաթուղթ։

Ուշադրություն
Կարևոր է փաստաթղթերը ներկայացնել երեխայի ծննդյան ամսվան հաջորդող 12 ամիսների ընթացքում (մինչև երեխայի 1 տարին լրանալը), այլապես դիմումը կմերժվի։

Աջակցության չափը

Երեխայի ծննդյան միանվագ նպաստը կազմում է՝

• 300,000 դրամ՝ առաջին և երկրորդ երեխաների ծննդյան դեպքում,
• 1,000,000 դրամ՝ երրորդ և չորրորդ երեխաների ծննդյան դեպքում,
• 1,500,000 դրամ՝ հինգերորդ և հաջորդ երեխաների ծննդյան դեպքում։

Տրամադրման ժամկետը և կարգը

Դիմումը հաստատվում կամ մերժվում է ներկայացնելուց հետո 10 աշխատանքային օրվա ընթացքում։  Դիմումի հաստատոիւմից հետո 1 տարվա ընթացքում կարելի է անձը հաստատող փաստաթղթով այցելել բանկ և ստանալ նպաստը։

Հղում օրենսդրությանը

«Պետական նպաստների մասին» ՀՀ օրենք

Օրենքը հնարավոր է գտնել Arlis.am-ում։