Հայաստանի Հանրապետության զինանշան
Ծառայությունների
ազգային հարթակ
ԲԵՏԱ

Հարթակը մշակման փուլում է․ ձեր կարծիքը կօգնի մեզ բարելավել այն:

Ուղեցույց

Ի՞նչ է «ԵսԵմ» նույնականացման հարթակը, և ինչպե՞ս մուտք գործել

Թվային նույնականացման ազգային «ԵսԵմ» հարթակը մուտքի մեկ միասնական միջոց է թվային բոլոր ծառայություններից օգտվելու համար, որոնք մատուցվում են ինչպես պետական, այնպես էլ մասնավոր հատվածի կողմից։ 

Հասանելի է «ԵսԵմ» մուտքի 2 տարբերակ՝

Նույնականացում բջջային ID SIM քարտով (Mobile ID)

«ԵսԵմ» բջջային ID SIM քարտը թվային նույնականացման և էլեկտրոնային ստորագրության ծառայություններից օգտվելու ամենապարզ միջոցն է։ Այս դեպքում կարող եք թվային ծառայություններից օգտվել բջջային հեռախոսով՝ առանց հավելյալ սարքերի։

«ԵսԵմ» բջջային ID SIM քարտ ձեռք բերելու համար կատարեք հետևյալ քայլերը․

  1. Քայլ 1

    Ստացեք նույնականացման քարտ

    Նույնականացման քարտ ստանալու մանրամասն քայլերը ներկայացված են ուղեցույցում։

  2. Քայլ 2

    Այցելեք բջջային օպերատորի գրասենյակ

    Նույնականացման քարտով մոտեցեք ձեզ սպասարկող օպերատորի գրասենյակ (Team Telecom, Ucom, Viva) և վերաթողարկեք SIM քարտը՝ վճարելով 500 դրամ։ Նոր SIM քարտ գնելու դեպքում անհրաժեշտ է վճարել նաև սակագնային փաթեթի համար։

  3. Քայլ 3

    Ստեղծեք ծածկագիր և օգտվեք ծառայություններից

    Օպերատորի գրասենյակում ստեղծեք 6-նիշանոց ծածկագիր, որը պետք է հայտնի լինի միայն ձեզ։ Այն օգտագործելու եք նույնականացվելու և էլեկտրոնային փաստաթղթեր ստորագրելու համար։

Ուշադրություն
eSIM տեսակի քարտերով աշխատող հեռախոսների համար թվային նույնականացման լուծումը հասանելի կլինի շուտով։

«ԵսԵմ» բջջային ID SIM քարտ ձեռք բերելուց հետո ամեն անգամ թվային ծառայություններից օգտվելիս կամ էլեկտրոնային փաստաթղթեր ստորագրելիս պարզապես անհրաժեշտ է՝

  • ծառայության էջում ընտրել «ԵսԵմ» մուտքի բջջային նույնականացման քարտով տարբերակը,
  • լրացնել հեռախոսահամարը,
  • հեռախոսի էկրանին բացված պատուհանում լրացնել 6-նիշանոց ծածկագիրը, որը ստեղծել էիք բջջային օպերատորի գրասենյակում,
  • հաստատել գործողությունը։

Նույնականացում ID քարտով և քարտն ընթերցող սարքով

«ԵսԵմ» նույնականացման հարթակ հնարավոր է մուտք գործել նաև համակարգչով՝ նույնականացման քարտի և քարտն ընթերցող սարքի միջոցով, եթե քարտը տրամադրվել է մինչև 2023 թվականի փետրվարի 15-ը (պարունակում է չիպ), և հիշում եք դրա PIN և PUK ծածկագրերը։ 

Նույնականացման և ստորագրության հնարավորություններն ակտիվացնելու համար անհրաժեշտ է համակարգչում ներբեռնել անհրաժեշտ ծրագրերը, որոնք ներկայացված են ուղեցույցում։

Ուշադրություն
Առայժմ միայն Google Chrome և Microsoft EDGE 10 դիտարկիչներով է հնարավոր մուտք գործել «ԵսԵմ» հարթակ նույնականացման քարտի և քարտն ընթերցող սարքի միջոցով։

Էլեկտրոնային (CoSign) ստորագրություն օտարերկրյա քաղաքացիների համար

Օտարերկրյա քաղաքացիերը Հայաստանում էլեկտրոնային փաստաթղթերն առցանց վավերացնելու համար կարող են ձեռք բերել CoSign ստորագրություն, որը տրամադրվում է հետևյալ տարբերակներից որևէ մեկով`

  • Հանրային ծառայությունների համարանիշի (ՀԾՀ) միջոցով,
  • Հարկ վճարողի հաշվառման համարանիշի (ՀՎՀՀ) միջոցով։

ՀԾՀ-ի միջոցով էլեկտրոնային ստորագրություն ստանալու համար անձը պետք է գտնվի ՀՀ-ում, իսկ ՀՎՀՀ-ի միջոցով էլեկտրոնային ստորագրություն ստանալու համար անձը կարող է դիմել լիազորված անձի միջոցով։

CoSign ստորագրություն՝ ՀԾՀ-ի հիման վրա

Ուշադրություն
Հանրային ծառայությունների համարանիշի (ՀԾՀ) միջոցով էլեկտրոնային ստորագրություն չի տրամադրվի, եթե օտարերկրյա քաղաքացին չի գտնվում ՀՀ-ում։

ՀԾՀ-ի միջոցով տրամադրված Cosign ստորագրությունը տրամադրվում է հետևյալ դեպքերում կիրառելու համար՝

  • էլեկտրոնային փաստաթղթեր ստորագրելիս (word, excel, pdf),
  • self-portal.taxservice.am կայքում, օրինակ՝ հայտարարագիր ներկայացնելիս,
  • file-online.taxservice.am կայքում, օրինակ՝ հայտարարագիր ներկայացնելիս,
  • e-request.am կայքում, օրինակ՝ պետական մարմիններին ուղղված դիմումներ ներկայացնելիս։
Դիմել էլեկտրոնային ստորագրություն ստանալու համար
Սկսել

CoSign ստորագրություն՝ ՀՎՀՀ-ի հիման վրա

ՀՎՀՀ-ի միջոցով տրամադրված Cosign ստորագրությունը կիրառվում է միայն self-portal.taxservice.am կայքում, օրինակ՝ հայտարարագիր ներկայացնելիս։

Դիմել էլեկտրոնային ստորագրություն ստանալու համար
Սկսել

Տեխնիկական խնդիրներ ունենալու դեպքում ի՞նչ է անհրաժեշտ անել

Դիմեք ձեզ սպասարկող բջջային օպերատորին (Team Telecom, Ucom, Viva), եթե՝

  • մոռացել եք բջջային ID SIM քարտի ծածկագիրը,
  • մի քանի անգամ սխալ եք հավաքել ծածկագիրը, և քարտը բլոկավորվել է,
  • ճիշտ եք լրացնում տվյալները, սակայն չի հաջողվում մուտք գործել «ԵսԵմ» նույնականացման հարթակ։


Դիմեք ԷԿԵՆԳ-ին, եթե տեխնիկական խնդիրն առաջանում է նույնականացման քարտով «ԵսԵմ» նույնականացման հարթակ մուտք գործելիս։

Ուղեցույցը կազմվել է Հայաստանի տեղեկատվական համակարգերի գործակալության կողմից
Այս էջը օգտակա՞ր էր