ՀՀ-ում հաշմանդամության նպաստ ստանալու համար անհրաժեշտ է դիմում ներկայացնել միասնական սոցիալական ծառայության (ՄՍԾ) տարածքային կենտրոն։

Ներկայացվող պահանջները

Հաշմանդամության նպաստը նշանակվում է, եթե դիմումը ներկայացվել է բժշկասոցիալական փորձաքննություն անցնելու օրվանից հետո 3 ամսվա ընթացքում։

Պահանջվող փաստաթղթերը

Հաշմանդամության նպաստ ստանալու համար անհրաժեշտ է ներկայացնել հետևյալ փաստաթղթերը՝

• դիմում,
• նույնականացման քարտ կամ անձնագիր,
• սոցիալական քարտ (նույնականացման քարտի առկայության դեպքում անհրաժեշտ չէ) կամ ՀԾՀ չունենալու մասին տեղեկանք,
• բժշկասոցիալական փորձաքննության արդյունքի քաղվածքը՝ տրված բժշկական հաստատության կողմից,
• օտարերկրյա քաղաքացիների և քաղաքացիություն չունեցող անձանց դեպքում՝ ացության կարգավիճակը հաստատող փաստաթուղթ։
• փախստականի կարգավիճակ ունեցող անձի դեպքում՝ կոնվենցիոն ճամփորդական փաստաթուղթ։
  
  

Աջակցության չափը

Կախված հաշմանդամության կարգից (ֆունկցիոնալության աստիճան)՝ նպաստի չափը կարող է կազմել․

• ամսական 39,000 դրամ՝ ֆունկցիոնալության խորը աստիճանի սահմանափակումով (1-ին խմբի հաշմանդամություն) հաշմանդամություն ունեցող անձի համար,
• ամսական 37,500 դրամ՝ ֆունկցիոնալության ծանր աստիճանի սահմանափակումով (2-րդ խմբի հաշմանդամություն) հաշմանդամություն ունեցող անձի համար,
• ամսական 36,000 դրամ՝ ֆունկցիոնալության միջին աստիճանի սահմանափակումով (3-րդ խմբի հաշմանդամություն) հաշմանդամություն ունեցող անձի համար։
  
  

Տրամադրման ժամկետը և կարգը

• Դիմումը ուսումնասիրվում է սոցիալական ծառայության աշխատակցի կողմից։ 
• 10 աշխատանքային օրվա ընթացքում դիմումատուն ծանուցվում է նպաստի հաստատման կամ մերժման մասին։ 
  
  

Հղում օրենսդրությանը

• «Պետական նպաստների մասին» ՀՀ օրենք

Օրենքը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)։