Անհուսալի վարկերի մարման աջակցությունը ստանալու համար անհրաժեշտ է «Շարունակել» կոճակը սեղմելուց հետո՝

• ընտրել «Կյանքի դժվարին իրավիճակ» բաժինը,
• բացվող էջում ընտրել «Անհուսալի վարկերի միջոցառում»-ը,
• անցնել թվային նույնականացում (Ի՞նչ է «ԵսԵմ» նույնականացումը),
• լրացնել դիմողի հեռախոսահամարը և էլեկտրոնային փոստի հասցեն,
• նշել 2 նշավանդակները, որոնցով դիմողը հավաստիացնում է, որ ներկայացված տվյալները ճիշտ են, 
• հաստատել և ներկայացնել դիմումը։

Այս գործողությունները կատարելուց անմիջապես հետո էկրանին կհայտնվի ծանուցում դիմումի հաստատման կամ մերժման վերաբերյալ։

Ներկայացվող պահանջները

Աջակցությունից օգտվելու համար՝

• վարկի անհուսալիության ժամկետը պետք է լինի նվազագույնը 3 տարի,
• վարկի մայր գումարի չափը պետք է լինի առավելագույնը 1 միլիոն դրամ,
• դիմողը պետք է լինի գրանցված աշխատող,
• դիմողը չպետք է արդեն հանդիսանա ծրագրի շահառու։

Աջակցության տեսակները և չափերը

Շահառու դառնալու դեպքում աջակցությունը կտրամադրվի հետևյալ կերպով․

• անձի եկամտային հարկը կուղղվի նրա վարկային պարտավորության մարմանը,

• աշխատավարձից նախկին 50%-ի փոխարեն կբռնագանձվի 20%-ը (հարկադիր բռնագանձվող գումարներ),

• բանկերը մինչև 80%-ի չափով կզիջեն վարկերի գծով առաջացած տույժերը և տուգանքները:

Տրամադրման ժամկետը և կարգը

Դիմումը հաստատվում կամ մերժվում է անմիջապես՝ դրանում ներկայացված և տվյալների տարբեր բազաներից ստացված տեղեկությունների ստուգման հիման վրա։ Անհամապատասխանություն հայտնաբերվելու դեպքում այն մերժվում է։ 

Անհամապատասխանություններ չհայտնաբերվելու դեպքում դիմումը բավարարվում է, ինչի մասին քաղաքացին էլեկտրոնային փոստի միջոցով ծանուցում է ստանում։  

Աջակցությունը տրամադրվում է դիմելուն հաջորդող ամսվա 1-ից՝ առավելագույնը 24 ամիս ժամկետով։

Հղում օրենսդրությանը

ՀՀ կառավարության՝ 2024 թվականի դեկտեմբերի 12-ի N 1990-Լ որոշում

Որոշումը հնարավոր է գտնել arlis.am-ում։