Աջակցություն ստանալու դիմում ներկայացնելու համար անհրաժեշտ է «Շարունակել» կոճակը սեղմելուց հետո՝

• լրացնել պահանջվող տվյալները,
• սեղմել անձնական տվյալների նույնականացման համար նախատեսված կոճակը, ինչից հետո որոշ տվյալներ ինքնաշխատ եղանակով կլրացվեն, 
• լրացնել այն դաշտերը, որոնք ինքնաշխատ եղանակով չեն լրացվել, 
• անչափահաս երեխաներ ունենալու դեպքում լրացնել նաև նրանց տվյալները՝ նշելով ազգակցական կապը (անչափահաս երեխայի ծնողը լինելու դեպքում անհրաժեշտ է ընտրել «Զավակ» տարբերակը, իսկ խնամակալը լինելու դեպքում՝ «Խնամարկյալ» տարբերակը), 
• բոլոր տվյալները լրացնելուց և պահպանելուց հետո տալ համաձայնություն՝ անձնական տվյալները Աշխատանքի և սոցիալական հարցերի նախարարությանը տրամադրելու համար,
• այնուհետև նշել տվյալների հավաստիությունը հաստատող նշավանդակը։
  
  

Ներկայացվող պահանջները

Ծրագրից կարող են օգտվել՝

• կարիքավոր ընտանիքները, որոնց անդամները՝ ներառված են միանվագ դրամական աջակցության շահառուների ցուցակում, կամ Լեռնային Ղարաբաղից տեղահանված և ՀՀ-ում գրանցված անձինք են, կամ ստացել են շահառուի կարգավիճակ,

• այն ընտանիքները, որոնց մեկ անդամի ամսական եկամուտը 55,000 դրամից պակաս է։
  
  

Ծրագրի շահառու չեն կարող լինել

• սոցիալական հաստատություններում ժամանակավոր բնակվողները,
• պետական/համայնքային տարածքներում ժամանակավոր բնակվողները,
• պետական աջակցությամբ հյուրանոցներում կամ հյուրատներում ժամանակավոր բնակվողները,
• ընտանիքները, որոնց անդամը բնակելի անշարժ գույքի միակ սեփականատերն է, կամ ընտանիքի անդամները միասին ունեն 50% և ավելի բաժնեմաս բնակելի անշարժ գույք,
• ընտանիքները, որոնց անդամը ունի 2017 թվականից հետո արտադրված ավտոմեքենա, կամ առհասարակ ունի ավտոմեքենա, որի գույքահարկը գերազանցում է 15,000 դրամը։
  
  

Աջակցության չափը

• Ընտանիքի առաջին բռնի տեղահանված անդամի համար աջակցության չափը ամսական 40,000 դրամ է։
• Սկսած ընտանիքի բռնի տեղահանված երկրորդ անդամից՝ յուրաքանչյուր բռնի տեղահանված անդամի համար աջակցության չափը ամսական 10,000 դրամ է։

Օրինակ՝ եթե ընտանիքում կա 3 բռնի տեղահանված անդամ, ապա ամսական աջակցության չափը կկազմի՝ 40,000 (առաջին անձի համար) + 10,000 (երկրորդ անձի համար)  + 10,000 (երրորդ անձի համար) = 60,000 դրամ:

Տրամադրման ժամկետը և կարգը

• Դրամական աջակցությունը վճարվում է սկսած դիմելու ամսվանից (բացառություն՝ մայիս ամսվա ընթացքում ներկայացված դիմումների դեպքում աջակցությունը տրամադրվում է նաև ապրիլ ամսվա համար)։
• Աջակցությունը վճարվում է անկանխիկ եղանակով՝ դիմումում նշված քարտային հաշվին փոխանցելու միջոցով։
• Դրամական աջակցության գումարը չի կարող արգելադրվել, բռնագանձվել կամ հաշվանցվել հաճախորդի պարտավորությունների դիմաց և ենթակա չէ ժառանգման։
• Դիմելու վերջնաժամկետն է մինչև 2025 թվականի դեկտեմբերի 15-ը ներառյալ։
  
  

Հղում օրենսդրությանը

ՀՀ կառավարության՝ 2025 թվականի ապրիլի 10-ի N 417-Լ որոշում։

Որոշումը հնարավոր է գտնել Arlis.am-ում։