Ծառայությունից օգտվելու համար անհրաժեշտ է պահանջվող փաստաթղթերով դիմել միասնական սոցիալական ծառայության տարածքային կենտրոն կամ երեխաների ցերեկային խնամք իրականացնող հասարակական կազմակերպություններ։

Ծրագրի մասին

Ծրագրի շրջանակներում շահառուները կարող են անվճար օգտվել լոգոպեդի, հոգեբանի և մի շարք այլ ծառայություններից։

Երեխաների խնամքի ցերեկային ծառայությունները մատուցվում են ինչպես Երևանում, այնպես էլ Արարատի, Կոտայքի, Տավուշի, Գեղարքունիքի, Լոռու, Սյունիքի, Արագածոտնի, Վայոց ձորի, Արմավիրի և Շիրակի մարզերում։

Ծրագիրը ներառում է՝

• երեխաների սոցիալ-հոգեբանական կարողությունների և կյանքի հիմնական հմտությունների զարգացում,
• խոսքային խնդիրների հաղթահարմանն ուղղված ծառայություններ,
• արտթերապիա,
• անձի զարգացում,
• սոցիալական աշխատանք ընտանիքի հետ՝ շահագրգիռ կողմերի ներգրավմամբ՝ կյանքի դժվարին իրավիճակում հայտնված երեխաների իրավունքների՝ այդ թվում ընտանիքում ապրելու իրավունքի իրացման համար նպաստավոր պայմանների ստեղծման նպատակով,
• առողջապահական, սոցիալական և կրթական հարցերի շուրջ իրավաբանական խորհրդատեղեկատվական և ուղղորդման ծառայություններ,
• ցերեկային կենտրոն հաճախող երեխաներին սննդային փաթեթի տրամադրում,
• առնվազն մեկ շահառուի անձնական օգնականի ծառայության տրամադրում՝ ելնելով տվյալ երեխայի կարիքներից և այլն։

Կենտրոնում խնամքը տրամադրվում է՝

• երեխայի ծնողի կամ այլ օրինական ներկայացուցչի գրավոր դիմումի հիման վրա,
• կենտրոնի նախաձեռնությամբ:

Երեխաների ցերեկային խնամքի ծառայությունները տրամադրվում են շաբաթական 5 օր՝ երկուշաբթիից ուրբաթ։

Պահանջվող փաստաթղթերը

ՀՀ քաղաքացի լինելու դեպքում անհրաժեշտ է ներկայացնել․

Տրամադրման ժամկետը և կարգը

• Ծառայության տրամադրման ժամկետը և կարգը անհրաժեշտ է ճշտել այն հասարակական կազմակերպության հետ, որտեղ ուղղորդվել է դիմողը միասնական սոցիալական ծառայության կենտրոնի կողմից։

Հղում օրենսդրությանը

• «Սոցիալական աջակցության մասին» ՀՀ օրենք,
• «Երեխաների իրավունքների մասին» ՀՀ օրենք։ 

Իրավական ակտերը հնարավոր է գտնել arlis.am-ում (անհրաժեշտ է կարդալ իրավական ակտերի ամենավերջին փոփոխված տարբերակները)։