Ինչպե՞ս դիմել

Աշխատող մայրերը մայրության միանվագ նպաստը ստանալու համար պետք է դիմեն իրենց գործատուին։

Չաշխատող մայրերը պետության կողմից մայրության նպաստ ստանալու համար պետք է այցելեն միասնական սոցիալական ծառայության ցանկացած տարածքային կենտրոն։

Պահանջվող փաստաթղթերը

Մայրության նպաստ ստանալու համար դիմումին կից՝ անհրաժեշտ է ներկայացնել.

• անձնագիր կամ նույնականացման քարտ,
• հանրային ծառայությունների համարանիշ՝ սոցիալական քարտի համարը (նույնականացման քարտ ունենալու դեպքում պարտադիր չէ),
• ծննդօգնության պետական հավաստագիրը (այն կտրամադրվի սպասարկող հիվանդանոցում),
• ժամանակավոր անաշխատունակության թերթիկ,
• բանկային հաշվի համար։
  
  

Աջակցության չափը

Չաշխատող կանանց մայրության նպաստը 172,500 դրամ է։

Տրամադրման ժամկետը և կարգը

• Չաշխատող մայրերի համար մայրության նպաստը վճարվում է անկանխիկ եղանակով:
• Նպաստը նշանակվում է, եթե դիմումը ներկայացվել է հղիության և ծննդաբերության արձակուրդի իրավունքի՝ 140 օրվա ընթացքում:
• Մայրության նպաստը տրամադրվում է դիմումից հետո՝ 1 ամսվա ընթացքում։
• Վաղաժամ ծննդաբերության դեպքում միանվագ նպաստ տրամադրվում է նաև այն դեպքերում, երբ երեխան ծնվել է մահացած կամ մահացել է ծնվելուց հետո։
  
  

Ինքնուրույնաբար աշխատանքով ապահովված (ինքնազբաղ) մայրերի համար գործում են մայրության միանվագ նպաստ ստանալու այլ պայմաններ։

Ինքնուրույնաբար աշխատանքով ապահովված մայր լինելու դեպքում մայրության միանվագ նպաստ ստանալու համար անհրաժեշտ է այցելել միասնական սոցիալական ծառայության ցանկացած տարածքային կենտրոն։

Հղում օրենսդրությանը

«Պետական նպաստների մասին» ՀՀ օրենք

Օրենքը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը):