Ինչպե՞ս դիմել

Կենսաթոշակը կամ նպաստը վճարող բանկը փոխելու համար անհրաժեշտ է «Շարունակել» կոճակը սեղմելուց հետո՝

• գրանցվել կայքում՝ լրացնելով պահանջվող տվյալները, կամ մուտք գործել «ԵսԵմ» ազգային նույնականացման հարթակի միջոցով,

• այցելել «Կենսաթոշակի և նպաստների առցանց դիմումներ» բաժին,

• ընտրել «Մուտքագրել վճարող կազմակերպության (բանկի) ընտրության դիմում» դաշտը,

• լրացնել դիմումատուի տվյալները,

• ընտրել բանկը,

• ստեղծել առցանց հայտը։
  
  

Նպաստառուն կամ կենսաթոշակառուն բանկը փոխելիս կարող է օգտվել նաև 12% հետվճարի հնարավորությունից, եթե տվյալ բանկը մասնակցում է այդ ծրագրին։ 

12% հետվճարի ծրագրին մասնակցում են հետևյալ բանկերը՝

• «Ակբա բանկ» ԲԲԸ
• «ԱՄԻՕ բանկ» ՓԲԸ
• «ԱյԴի բանկ» ՓԲԸ  
• «Արարատբանկ» ԲԲԸ
• «Արդշինբանկ» ՓԲԸ
• «Արցախ բանկ» ՓԲԸ
• «Էվոկաբանկ» ՓԲԸ
• «Ինեկոբանկ» ՓԲԸ
• «Կոնվերս բանկ» ՓԲԸ
• «Հայէկոնոմբանկ» ԲԲԸ
• «Յունիբանկ» ԲԲԸ
  
  

Ուշադրություն
Հետվճարը չի գործում կոմունալ վճարումներ (գազի, էլեկտրաէներգիայի, խմելու ջրի, ֆիքսված և բջջային հեռախոսի մատակարարման), առցանց գնումներ կատարելիս և անկախիկ եղանակով վարկը մարելիս։

Այս ծրագրին կարող են միանալ միայն ՀՀ քաղաքացի կենսաթոշակառուներն ու նպաստառուները, որոնք իրենց կենսաթոշակը կամ նպաստը ստանում են ծրագրի գործընկեր բանկերի միջոցով։

Տրամադրման ժամկետը և կարգը

Հայտն ուղարկելուց հետո 10 աշխատանքային օրվա ընթացքում դիմողը կստանա էլեկտրոնային փոստի հաղորդագրություն առցանց հայտի հաստատման կամ մերժման մասին։ 

Հայտի հաստատման դեպքում կենսաթոշակը կամ նպաստը վճարող բանկը կփոխվի, և գումարն ամեն ամիս կփոխանցվի թոշակառուի կամ նպաստառուի նախընտրելի բանկային հաշվեհամարին։

Հետվճարների փոխանցումները կկատարվեն առցանց հայտ ներկայացնելու ամսվան հաջորդող ամսվանից:

Հղում օրենսդրությանը

«Պետական կենսաթոշակների մասին» ՀՀ օրենք 

Օրենքը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)