ՀՀ առողջապահության նախարարության կողմից մատուցվող ծառայությունների ցանկ

Աջակցության այս ծրագրով պետության կողմից երաշխավորված անվճար կամ արտոնյալ պայմաններով բժշկական օգնության և սպասարկման շրջանակում (պետական պատվեր) տրամադրվում է գինեկոլոգիական և մանկաբարձական սպասարկում կանանց կոնսուլտացիաներում և առողջության կենտրոններում։

Արտահիվանդանոցային պայմաններում բժշկական օգնությունը և սպասարկումը ներառում է բժշկական օգնության այն տեսակները, որոնց իրականացումը չի պահանջում շուրջօրյա բժշկական հսկողություն և բուժում (այդ թվում` տնային կանչը)։ Այն ընդգրկում է.

• կանխարգելիչ,
• ախտորոշիչ, 
• բուժական,
• վերականգնողական միջոցառումներ:

Ծրագրի շրջանակում բնակչության առողջության պահպանման և բարելավման ծրագրերի, առողջության համընդհանուր ապահովագրության շրջանակներում ՀՀ ամբողջ բնակչության համար կազմակերպվում է նորագույն և թանկարժեք տեխնոլոգիաներով մատուցվող աորտայի անևրիզմաների պատռվածքների և շերտազատումների անվճար վիրահատություններ: 

Լեռնային Ղարաբաղից բռնի տեղահանված անձանց բժշկական սպասարկումը, այդ թվում` հիվանդանոցային բժշկական օգնությունը և սպասարկումը, հատուկ հետազոտությունների, նորագույն և թանկարժեք տեխնոլոգիաներով մատուցող ծառայությունների իրականացումը բժշկական ցուցման դեպքում կազմակերպվում է պետական պատվերի շրջանակներում՝ անվճար: 

Առողջության համընդհանուր ապահավոագրության շրջանակներում ՀՀ տարածքում գործող բժշկական կազմակերպություններում իրականացվում է մանկաբարձական և գինեկոլոգիական բժշկական սպասարկում։

Հիվանդանոցային բժշկական օգնությունը տրամադրվում է այն դեպքերում, երբ հնարավոր չէ իրականացնել բուժում կամ ախտորոշում արտահիվանդանոցային պայմաններում, պացիենտի առողջացումը հնարավոր է ապահովել միայն հիվանդանոցում, կամ նա ունի շրջապատի համար վտանգ ներկայացնող հիվանդություն:

Առողջության ապահովման և բարելավման ծրագրերի շրջանակներում հնարավորություն է տրվում օգտվել բժշկական օգնության և սպասարկման լրացուցիչ ծառայություններից: 

Պետական պատվերի միջոցով հնարավորություն է տրվում ՀՀ բժշկական օգնություն և սպասարկում իրականացնող կազմակերպություններում ստանալ կանխարգելիչ պատվաստումներ՝ պլանային կարգով և համաճարակաբանական ցուցումով։

Ծրագրի շրջանակում անվճար կարգով սրտամկանի սուր ինֆարկտ ախտորոշման դեպքում իրականացվում է դեղապատ ստենտի տեղադրում և համավճարով աորտա-կորոնար շունտավորում` բացառությամբ առողջության համընդհանուր ապահովագրության շրջանակներում ապահովագրված, ինչպես նաև լրացուցիչ բժշկական ծառայություններ ստանալու իրավունք ունեցող քաղաքացիների, որոնց համար աորտո-կորոնար շունտավորումն իրականացվում է անվճար:

Ծրագրի շրջանակում իրականացվում է հիվանդների դեղորայքի արժեքի փոխհատուցում որոշ հիվանդությունների դեպքում։

Ծրագրի շրջանակում առանձին սոցիալական կամ հատուկ խմբերի դեղորայքը հատկացվում է լրիվ կամ մասնակի փոխհատուցմամբ։

Պալիատիվ բժշկական օգնությունը կյանքին վտանգ սպառնացող կամ անբուժելի հիվանդություն ունեցող պացիենտի և նրա ընտանիքի կյանքի որակի բարելավմանն ուղղված բժշկական օգնություն է, որը տրամադրվում է նրանց ֆիզիկական, սոցիալ-հոգեբանական և այլ խնդիրների լուծման համար։

Առողջության համընդհանուր ապահովագրության և բնակչության առողջության պահպանման և բարելավման ծրագրերի շրջանակներում տրամադրվում են մինչև 18 տարեկան անձանց անվճար` հիվանդանոցային պայմաններում բժշկական օգնություն և սպասարկում։

Պետության կողմից երաշխավորված անվճար և արտոնյալ պայմաններով ստոմատոլոգիական բժշկական օգնության ծառայություններից կարող են օգտվել բնակչության սոցիալապես անապահով  և հատուկ խմբերում ընդգրկված անձինք:

Ծրագրի շրջանակում ԼՂ-ից բռնի տեղահանված բուժաշխատողները կարող են դիմել բուժաշխատողի հավաստագիր ստանալու և հետագայում մասնագիտական աշխատանք գտնելու համար։

Ծրագրի շրջանակում շաքարային դիաբետի, սիրտանոթային հիվանդությունների և զարկերակային գերճնշման կանխարգելման նպատակով իրականացվում է անվճար հետազոտում՝ վաղ փուլում շաքարային դիաբետը և զարկերակային գերճնշումը հայտնաբերելու և կանխարգելելու նպատակով։ 

Հիվանդության հայտնաբերման դեպքում անվճար տրամադրվում է անհրաժեշտ դեղորայքը կամ բժշկական հսկողություն։ 

Ծրագրի շրջանակում իրականացվում է 30-60 տարեկան կանանց արգանդի վզիկի անվճար հետազոտություն։ 13-14 տարեկան դեռահաս աղջիկների շրջանում իրականացվում է մարդու պապիլոմավիրուսային (ՄՊՎ) վարակի դեմ պատվաստում՝ որպես արգանդի պարանոցի քաղցկեղի կանխարգելիչ միջոցառում։

Աջակցության նպատակն է արգանդի պարանոցի քաղցկեղի վաղ հայտնաբերումն ու կանխարգելումը։  

Ծրագիրը հնարավորություն է տալիս անվճար կամ համավճարով օգտվելու վերարտադրողական օժանդակ տեխնոլոգիաներով տրամադրվող բժշկական օգնությունից և սպասարկումից։

• Ծրագրով բնակչությանը պետության կողմից երաշխավորված անվճար և արտոնյալ պայմաններով բժշկական օգնության և սպասարկման շրջանակներում տրամադրվում է հատուկ և դժվարամատչելի ախտորոշիչ հետազոտություններ կատարելու հնարավորություն։
• Հատուկ ու դժվարամատչելի են համարվում այն բժշկական հետազոտությունները, որոնք Հայաստանում տարածքային առումով հասանելի չեն և ընդգրկված չեն պոլիկլինիկաներում ամբողջ ՀՀ բնակչության համար անվճար կատարվող լաբորատոր-գործիքային ախտորոշիչ հետազոտությունների փաթեթում։ 

Առողջության համընդհանուր ապահովագրության, առողջության պահպանման և բարելավման ծրագրերի շրջանակներում ապահովվում է հեմոդիալիզային (արյան մաքրում) բժշկական օգնություն և սպասարկում։

Այս ծրագրով բնակչության առողջության պահպանման և բարելավման ծրագրերի, առողջության համընդհանուր ապահովագրության շրջանակներում տրամադրվող թմրաբանական բժշկական օգնության և սպասարկման շրջանակում կազմակերպվում է արտահիվանդանոցային շարունակական (դիսպանսեր) հսկողություն։

Ծրագրի շրջանակում հաստատված չարորակ նորագոյացության ախտորոշման դեպքում բժշկական  օգնության և սպասարկման ծառայությունների շրջանակներում բնակչության առողջության պահպանման և բարելավման ծրագրերի, առողջության համընդհանուր ապահովագրության ծրագրի շրջանակում տրամադրվում են պետության կողմից երաշխավորված անվճար բժշկական որոշ հետազոտություններ ու ծառայություններ։

Ծրագրի շրջանակում կազմակերպվում է վիրուսային հեպատիտ Ց-ով պացիենտներին անվճար տրամադրվող բուժում՝ ուղղակի ազդող հակավիրուսային դեղերով: 

Ծրագրի շրջանակում հոգեկան առողջության խնդիր ունեցող անձանց բնակչության առողջության պահպանման և բարելավման ծրագրերի, առողջության համընդհանուր ապահովագրության շրջանակներում տրամադրվում է անհետաձգելի հոգեբուժական օգնություն և սպասարկում, ինչպես նաև հիվանդանոցային և արտահիվանդանոցային պայմաններում հոգեբուժական օգնություն և սպասարկում:

Ծրագրի շրջանակում ՀՀ-ում հաշվառված 0-28 տարիքային խմբի պացիենտներին ըստ պահանջի անվճար տրամադրվում են ինսուլինային անալոգներ։

Ծրագրի շրջանակում բժշկական ցուցման առկայության դեպքում բոլոր պացիենտներին ուռուցքային հիվանդության բուժման համար տրամադրվում է Մվասի (Բևացիզումաբ) դեղորայք։

Աջակցության ծրագրի շրջանակում անձի նյարդաբանական վիճակի և գլխուղեղի իշեմիկ կաթվածի կլինիկական նշանների արտահայտման ժամանակահատվածը հաշվի առնելով՝ իրականացվում է ներերակային թրոմբոլիտիկ բուժում, կամ թրոմբէկտոմիա՝ թրոմբի մեխանիկական հեռացում։

Ծառայությունները մատուցվում են գլխուղեղի սուր և ենթասուր իշեմիկ կաթվածների դեպքում: 

• ՀՀ ամբողջ տարածքում պետության կողմից երաշխավորված անվճար պայմաններով շտապ բժշկական օգնությունն և սպասարկումը և պացիենտի տեղափոխումը (այդ թվում՝ հոսպիտալացումը) կազմակերպվում է շտապ բժշկական օգնության ծառայության, ինչպես նաև արտագնա անհետաձգելի բժշկական օգնության արագ արձագանքման ծառայության (սանավիա) միջոցով:
• Այս ծառայությունը գործում է հիվանդի բժշկասանիտարական տեղափոխման անհնարինության դեպքում, կամ, եթե ախտորոշման ճշտման կամ բուժօգնության համար պահանջվում է նեղ մասնագիտական խորհրդատվություն։ 

Ծրագրի շրջանակում 1-ից 3-րդ փուլի կրծքագեղձի քաղցկեղ ունեցող հիվանդներին տրամադրվում է տրաստուզումաբ դեղորայքը։

ՀՀ բուժհաստատություններում ներդրվել է աղիների քաղցկեղի վաղ հայտնաբերման սքրինինգային փորձարարական ծրագիրը, որի նպատակն է աղիների (հաստաղու, ուղիղ աղու, սիգմայաձև աղու և հետանցքի) քաղցկեղի (կոլոռեկտալ քաղցկեղ) չարորակ նորագոյացությունների վաղ հայտնաբերումը։ 

Դեղատնային գործունեություն (դեղերի ձեռքբերում, պահպանում, մանրածախ վաճառք, պատրաստում կամ առաքում) իրականացնելու համար անհրաժեշտ է ունենալ համապատասխան լիցենզիա:

Լիցենզիան տրամադրվում է ՀՀ Առողջապահության նախարարության լիցենզավորման գործակալության կողմից։

Դեղերի արտադրությամբ կամ դրա առանձին փուլերով (փաթեթավորում, պիտակավորում) զբաղվելու համար անհրաժեշտ է ունենալ համապատասխան լիցենզիա:

Լիցենզիան տրամադրվում է ՀՀ Առողջապահության նախարարության լիցենզավորման գործակալության կողմից։

Սահմանվում են բուժաշխատողների լիցենզավորման 2 տեսակներ՝ անհատական և անհատական անցումային, որոնք տարբերվում են նպատակով և շահառուների խմբով։
Անհատական բժշկական լիցենզիան թույլ է տալիս ավագ բժշկական աշխատողներին իրականացնել ինքնուրույն մասնագիտական գործունեություն՝ անկախ աշխատանքի վայրից և տրվում է 5 տարի ժամկետով։ Անցումային անհատական լիցենզիան տրվում է կլինիկական օրդինատորներին (ռեզիդենտներին) և ռազմաբժշկական ուսանողներին՝ ուսումնառության ժամանակահատվածի համար։

Հայաստանում բժշկական օգնության և սպասարկման ծառայություններ (խորհրդատվություն, ախտորոշում, բուժում, վերականգնում կամ հարբժշկական ծառայություններ) մատուցելու համար անհրաժեշտ է ունենալ համապատասխան լիցենզիա:

Լիցենզիան տրամադրվում է ՀՀ Առողջապահության նախարարության լիցենզավորման գործակալության կողմից։

Ծրագրի շրջանակում առողջության համընդհանուր ապահովագրություն չունեցող անձանց համար առողջության պահպանման և բարելավման ծրագրերի շրջանակներում պետության կողմից հատուցման ենթակա բժշկական օգնության ու սպասարկման հիվանդանոցային ծառայությունների փաթեթը ներառում է նորագույն և թանկարժեք տեխնոլոգիաների կիրառմամբ բժշկական ծառայություններ։

Թմրամիջոցների, հոգեմետ նյութերի կամ դրանց պրեկուրսորների արտադրության լիցենզիա ստանալու համար անհրաժեշտ է դիմել ՀՀ Առողջապահության նախարարության լիցենզավորման գործակալություն։

Բժշկական ծառայություններ ստանալու համար հայրենադարձները և Հայաստանում մշտական կացության կարգավիճակ ունեցող անձինք կարող են գրանցվել Հայաստանում տարածքային պոլիկլինիկայում:

Պոլիկլինիկայում գրանցված լինելու դեպքում հնարավոր է օգտվել անվճար առողջապահական ծառայություններից, այդ թվում՝

• առաջին անհրաժեշտության բուժօգնություն,
• հղիների նախածննդյան և հետծննդյան մշտադիտարկում,
• մինչև 18 տարեկան երեխաներին տրամադրվող բժշկական օգնություն։

Ծառայությունը նախատեսված է այն քաղաքացիների համար, ովքեր աշխատում են միաժամանակ երկու հաստատությունում և երկու աշխատավայրում էլ աշխատավարձի չափը գերազանցում է 200,001 դրամը։ Այս դեպքում երկու աշխատավարձից էլ գանձվում է ապահովագրության վճարը, որը համապատասխան հայտ ներկայացնելու դեպքում հնարավոր է հետ ստանալ։

Դեղերի, դեղանյութերի և դեղաբուսական հումքի մեծածախ իրացումը կազմակերպելու համար անհրաժեշտ է ձեռք բերել համապատասխան լիցենզիա: 

Լիցենզիան տրվում է ՀՀ Առողջապահության նախարարության կողմից:

Հայաստանում առողջապահության ոլորտում աշխատանքը շարունակելու համար յուրաքանչյուր 5 տարին մեկ բուժաշխատողները պետք է դիմեն շարունակական մասնագիտական զարգացման հավաստագիր ստանալու համար։ 

Երևանում գործարկվել է «Պաշտպանված սրտի քաղաք» նախաձեռնությունը, որի շրջանակում Փոքր Կենտրոնում տեղադրվում են ավտոմատացված արտաքին դեֆիբրիլյատորներ (ԱԱԴ)։ 

Դեֆիբրիլիացիան սրտին տրվող էլեկտրական ցնցում է, որն օգնում է սիրտը վերագործարկել, երբ այն կանգ է առնում կամ սկսում է անկանոն աշխատել։ Այդ ցնցման շնորհիվ կարող է վերականգնվել սրտի բնականոն աշխատանքը։

Նախաձեռնության շրջանակներում իրականացվում է կամավորների ակտիվ ներգրավում։

ՀՀ քաղաքացի ծնողները կարող են առցանց գրանցել նորածնին իր հաշվառման հասցեի տարածքում գտնվող առողջության առաջնային պահպանման ծառայություններ մատուցող բժշկական կազմակերպությունում (այսուհետ՝ բժշկական կազմակերպություն)։

Առողջության պետական ապահովագրություն ունեցող քաղաքացիները կարող են ամրագրել այցեր բժշկական ծառայություններից օգտվելու համար, այդ թվում՝ բժշկական խորհրդատվություն և սքրինինգներ։