Պատվաստումներ ստանալու համար պետք է դիմել․

• տեղամասային պոլիկլինիկա՝ թերապևտին, ընտանեկան բժշկին կամ մանկաբույժին,
• կամ անհետաձգելի իրավիճակներում՝ բժշկական կենտրոնների ընդունարաններ:
  
  

Ծրագրի մասին

Պետական պատվերի միջոցով հնարավորություն է ընձեռնվում ՀՀ բժշկական օգնություն և սպասարկում իրականացնող կազմակերպություններում օգտվելու պետության կողմից երաշխավորված անվճար մատուցվող բժշկական օգնության և սպասարկման ծառայություններից, մասնավորապես՝ կանխարգելիչ պատվաստումներից։ 

Ներկայացվող պահանջները 

Կանխարգելիչ պատվաստումներն իրականացվում են պլանային կարգով՝ համաձայն ՀՀ Պատվաստումների ազգային օրացույցի, ՀՀ քաղաքացիություն ունեցող անձանց և համաճարակաբանական ցուցումով՝ անկախ քաղաքացիությունից և բժշկական կազմակերպությունում հաշվառումից։

Պատվաստումների ցանկը ներառում է հետևյալ պատվաստումները։

Պահանջվող փաստաթղթերը

Կանխարգելիչ պատվաստումներ ստանալու համար անհրաժեշտ է ներկայացնել․

• անձնագիր կամ նույնականացման քարտ,
• եթե անձը ՀՀ-ում ունի կացության հատուկ կարգավիճակ, անհրաժեշտ է ներկայացնել կարգավիճակը հավաստող փաստաթուղթ:

Տրամադրման կարգն ու ժամկետը

Պատվաստումներ ստանալու համար պետք է այցելել տեղամասային բժշկին, ով կնշանակի համապատասխան կանխարգելիչ պատվաստումներ՝ համաձայն պատվաստումների օրացույցի կամ համաճարակաբանական ցուցումով:  
 

Հղում օրենսդրությանը

ՀՀ կառավարության՝ 2026 թվականի հունվարի 15-ի N 58-Ն որոշում 

Որոշումը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)։