Ինչպե՞ս դիմել

Աղիների քաղցկեղի կանխարգելման ծրագրին մասնակցելու համար պետք է դիմել տեղամասային թերապևտին կամ ընտանեկան բժշկին։ 

Ընդ որում՝ բժիշկն ինքն է պատահականության սկզբունքով իրեն կցագրված բնակիչներից ընտրում սքրինինգի շահառուին և նրան հրավիրում խորհրդատվության։ 

Ծրագրի մասին

Այս ծառայությունը բնակչությանը տրամադրվում է առողջապահական ոլորտի փորձարարական ծրագրերի շրջանակում։

Այս ծրագիրն իրականացվում է հետևյալ բժշկական հաստատություններում․  

• Երևանի «Սուրբ Գրիգոր Լուսավորիչ» բժշկական կենտրոն (Նոր Նորքի 3-րդ զանգված, Գյուրջյան փողոց, 10 շենք, հեռախոսահամար՝ +374 11 60 00 03),

• Երևանի քաղաքապետարանի «Արաբկիր առողջության կենտրոն» (Երևան Հրաչյա Քոչարի փող., 21 շենք, հեռախոսահամար՝ +374 10 27 57 94),

• Երևանի քաղաքապետարանի «Ավան առողջության կենտրոն» (Երևան, Մարշալ Խուդյակովի փողոց, 153 շենք, հեռախոսահամա՝ +374 10 61 07 32),

• Գյումրու «Բեռլին պոլիկլինիկա» (Շիրակի մարզ, Գյումրի, Հաղթանակի պողոտա, 25 շենք, հեռախոսահամար՝ +374 312 55 13 3),

• Գյումրու «Էնրիկո Մատտեի անվան պոլիկլինիկա» (Շիրակի մարզ, Գյումրի, Շիրակացու փողոց, 13 շենք, հեռախոսահամար՝ +374 312 33 17 8),

• Գյումրու «Ն.Ա. Մելիքյանի անվան թիվ 2 պոլիկլինիկա» (Շիրակի մարզ, Գյումրի
  Մազմանյան փողոց, 3 շենք, հեռախոսահամար՝ +374 312 54 06 5)։ 

Ներկայացվող պահանջները

• Ծրագրին կարող են դիմել ՀՀ 50-75 տարեկան քաղաքացիները, եթե նրանք սպասարկվում են վերը նշված բժշկական հաստատությունների կողմից (բացառություն են աղու պոլիպոզի կամ քաղցկեղի պատճառով դիսպանսերային հսկողության դեպքերը)։
• Դիմողի մոտ քաղցկեղի հայտնաբերման դեպքում կարող են հետազոտվել նաև նրա՝ նույն հաստատություններում սպասարկվող 35-75 տարեկան ազգականները (կենսաբանական ծնողներ, երեխաներ, հարազատ քույրեր և եղբայրներ)։ 

Պահանջվող փաստաթղթերը

Ծրագրի շահառու դառնալու համար անհրաժեշտ է ներկայացնել անձնագիր կամ նույնականացման քարտ։