Սրտի անհետաձգելի վիրահատության ծառայությունից օգտվելու համար անհրաժեշտ է շտապօգնության ծառայության միջոցով կամ սեփական նախաձեռնությամբ մոտենալ հետևյալ բուժհաստատություններից մեկը․

Երևանում՝ 

• «Աստղիկ»
• «Արամյանց» 
• «Սուրբ Գրիգոր Լուսավորիչ»
• «Նորք Մարաշ» 
• «Էրեբունի»
• «Բեսթ Լայֆ»
• «Շենգավիթ» 
• «Արմենիա»
• «Հերացի» թիվ 1 հիվանդանոցային համալիր

ՀՀ մարզերում`

• Վանաձոր ԲԿ (Լոռու մարզ, քաղաք Վանաձոր, Գարեգին Նժդեհի 2/42),
• Գյումրի ԲԿ (Շիրակի մարզ, քաղաք Գյումրի, Գարեգին Նժդեհի 3/3),
• Գորիսի Ֆրանս-հայկական սրտանոթային կենտրոն (Սյունիքի մարզ, գյուղ Ակներ, Խաղաղության 15/1):
  
  

Ծրագրի մասին

Աջակցության այս տեսակը ՀՀ ողջ բնակչությանը տրամադրվում է պետության կողմից երաշխավորված անվճար և համավճարով (արտոնյալ պայմաններով) տրամադրվող բժշկական օգնություն և սպասարկում։   

Ներկայացվող պահանջները

Ծրագրից կարող են օգտվել բոլոր տեսակի ինֆարկտներով հիվանդ ՀՀ քաղաքացիները։
 

Տրամադրման կարգն ու ժամկետը 

Սրտի անհետաձգելի վիրահատությունների կազմակերպումն իրականացվում է իշեմիայի ախտանիշների կլինիկական դրսևորումից 12 ժամվա ընթացքում` ներառյալ ախտորոշումը ճշտելու և պացիենտին բժշկական հաստատություն տեղափոխելու ժամանակահատվածը: