Անվճար բժշկական սպասարկում ստանալու համար ԼՂ-ից բռնի տեղահանված անձը կարող է դիմել բնակության վայրին մոտ գտնվող հետևյալ հաստատություններից որևէ մեկը՝ պոլիկլինիկա, գյուղական բժշկական ամբուլատորիա, առողջության կենտրոն, առողջության առաջնային պահպանման կենտրոն, կանանց կոնսուլտացիոն կենտրոն։

Պահանջվող փաստաթղթերը

Անվճար բժշկական սպասարկում ստանալու համար անհրաժեշտ է ներկայացնել՝

• անձը հաստատող փաստաթուղթ,
• բժշկի ցուցում։

Տրամադրման ժամկետը և կարգը

Բժշկական հաստատությունում գրանցվելուց հետո հնարավոր կլինի օգտվել պետական պատվերի շրջանակներում տրամադրվող անվճար բժշկական օգնությունից՝ ներառյալ ամբուլատոր պայմաններում անվճար տրամադրվող դեղերը:

Բժշկական օգնություն ստանալու վերաբերյալ տեղեկատվության համար բռնի տեղահանված անձինք կարող են զանգահարել 8003 թեժ գծին, կամ մարզպետարաններ՝ ըստ կեցության վայրի։

Աջակցող միջոցների կարիք ունեցողները, այդ թվում՝ քայլակ, սայլակ, հենակ, ձեռնափայտ և այլն, կարող են զանգահարել 114 թեժ գիծ (Միասնական սոցիալական ծառայություն, տարածված է նաև «Սոցապ» անվանումը) և դիմել անհրաժեշտ միջոցները ստանալու համար։