Պահանջվող փաստաթղթերը

Մինչև 18 տարեկան անձանց բուժօգնություն ստանալու համար անհրաժեշտ է ներկայացնել․

• անձը հաստատող փաստաթուղթ կամ ծննդյան վկայական,
• բժշկի կողմից տրված ուղեգիրը, իսկ անհետաձգելի դեպքերում` շտապ բժշկական օգնության ծառայության կողմից տրված ուղեգիրը կամ բժշկական կազմակերպության ընդունարանի (հերթապահ) բժշկի եզրակացությունը։

Տրամադրման կարգը 

• Հիվանդանոցային պայմաններում (այդ թվում` սուր և ենթասուր վերականգնողական) բժշկական օգնության և սպասարկման կազմակերպումն իրականացվում ցանկում ներառված բժշկական ծառայությունների միջոցով:
• Պլանային դեպքերում պացիենտը բժշկական կազմակերպություն է դիմում իր բժշկի ուղեգրմամբ։
• Անհետաձգելի բժշկական օգնություն պահանջող դեպքերում պացիենտները բժշկական հաստատություն են ընդունվում շտապօգնության ծառայության միջոցով:  
• Անհետաձգելի բժշկական օգնություն պահանջող դեպքերում, եթե նրանք սեփական կամ հարազատների նախաձեռնությամբ են ընդունվում հիվանդանոց, բժշկական օգնությունը և սպասարկումը կազմակերպվում է տվյալ հիվանդանոցի ընդունարանի հերթապահ բժշկի եզրակացության հիման վրա:

• ՀՀ կառավարության` 2025 թվականի դեկտեմբերի 25-ի N 1979-Ն որոշում
• ՀՀ կառավարության` 2025 թվականի դեկտեմբերի 25-ի N 1974-Ն որոշում
• ՀՀ առողջապահության նախարարի՝ 2022 թվականի հունիսի 2-ի N 34 Ն հրաման

Օրենսդրական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակները)։