Գույքահարկը հարկատեսակ է, որը տարեկան կտրվածքով վճարվում է տների, բնակարանների, հողատարածքների, շենքերի, շինությունների և տրանսպորտային միջոցների համար գույքի սեփականատերերի կողմից։
Գույքահարկն անհրաժեշտ է վճարել մինչև յուրաքանչյուր տարվա դեկտեմբերի 1-ը։
Միկրոձեռնարկատիրության հարկման կարգով բիզնես գործունեություն իրականացնելու համար անհրաժեշտ է առցանց եղանակով դրա մասին հայտարարություն ներկայացնել հարկային մարմին։
Հայտարարությունն անհրաժեշտ է ներկայացնել բիզնեսի գրանցումից հետո 20-օրյա ժամկետում և ամեն տարի՝ մինչև փետրվարի 20-ը։ Նշված ժամկետում հայտարարություն չներկայացնելու դեպքում բիզնեսը չի կարող օգտվել միկրոձեռնարկատիրությանը տրվող արտոնություններից։
Միկրոձեռնարկատիրություն համարվելու դեպքում բիզնեսը ազատվում է պետական հարկերից՝ բացառությամբ՝
Հսկիչ դրամարկղային մեքենան ձեռք բերելուց հետո այն անհրաժեշտ է գրանցել հարկային մարմնի hաշվետվությունների ներկայացման էլեկտրոնային համակարգում, որպեսզի հնարավոր լինի ինտեգրել սարքը առևտրային ծրագրերի (ԱԾ) հետ և ապահովել տվյալների փոխանակման հնարավորությունը բիզնեսի և հարկային մարմնի միջև։
Հայաստանում հարկային հաշվետվությունները ներկայացվում են միայն առցանց եղանակով հարկային մարմնի Հաշվետվությունների ներկայացման էլեկտրոնային համակարգում։
Համակարգը հաշվետվությունների լրացման ընթացքում կատարում է անհրաժեշտ ստուգումները և ապահովում դաշտերի լրացման ու մաթեմատիկական հաշվարկների ճշտությունը։ Համակարգում հնարավոր է ժամանակավորապես պահպանել հաշվետվությունները, գրանցել կամ արխիվացնել դրանք։
Ավելացված արժեքի հարկով (ԱԱՀ) բիզնես գործունեություն իրականացնելու համար անհրաժեշտ է առցանց եղանակով դրա մասին հայտարարություն ներկայացնել հարկային մարմին։
Ավելացված արժեքի հարկ հիմնականում վճարում են այն կազմակերպությունները, որոնք չեն ընտրել հարկման այլ համակարգ, կամ դրանց տարեկան իրացման շրջանառությունը գերազանցել է 115 միլիոն դրամը։ Հարկի դրույքաչափը 20% է, արտահանման դեպքում՝ 0%։
ԱԱՀ վճարող համարվելու այլ դեպքերը, դրույքաչափերի վերաբերյալ մանրամասները ներկայացված են Հարկային օրենսգրքում (օրենսգիրքը հնարավոր է գտնել arlis.am-ում)։
Տարվա ընթացքում սոցիալական ծախսեր կատարած քաղաքացիները կարող են ներկայացնել առցանց դիմում և ստանալ ֆինանսական փոխհատուցում։
Սոցիալական ծախս են համարվում առողջության ապահովագրության կամ կրթության համար կատարված ծախսերը։ Ընդ որում՝ կրթական ծախսերը կարող են կատարված լինել ինչպես նախադպրոցական, այնպես էլ տարրական, հիմնական, միջնակարգ, նախնական մասնագիտական (արհեստագործական), միջին, բարձրագույն և հետբուհական մասնագիտական կրթական ծրագրերի համար։
Անշարժ գույքը վարձակալության հանձնելու դեպքում հաշվետու տարվա համար անհրաժեշտ է ներկայացնել տարեկան հաշվարկ-հայտարարագիր և վճարել անշարժ գույքի վարձակալությունից հաշվարկված եկամտային հարկը։
Ավտոմեքենայի բացթողումն իրականացվում է այն մաքսազերծելիս, որը հնարավոր է իրականացնել Գյումրիում գտնվող Հյուսիսային մաքսատանը։ Գործընթացին մասնակցելու համար հերթերից խուսափելու նպատակով հնարավոր է նախապես այց ամրագրել։
Շրջանառության հարկով բիզնես գործունեութուն իրականացնելու համար անհրաժեշտ է առցանց եղանակով դրա մասին հայտարարություն ներկայացնել հարկային մարմին։
Հայտարարությունն անհրաժեշտ է ներկայացնել բիզնեսի գրանցումից հետո 20-օրյա ժամկետում և ամեն տարի՝ մինչև փետրվարի 20-ը։ Նշված ժամկետում հայտարարություն չներկայացնելու դեպքում բիզնեսը կհամարվի Ավելացված արժեքի հարկ (ԱԱՀ) վճարող։
Առք ու վաճառքի գործունեությունից ստացվող եկամտի շրջանառության հարկի դրույքաչափը 10% է։ Շրջանառության հարկ վճարող համարվելու այլ դեպքերը, դրույքաչափերի վերաբերյալ մանրամասները ներկայացված են «Վճարել հարկերը» ուղեցույցում։
Ծառայությունը նախատեսված է ֆիզիկական, իրավաբանական անձանց և կազմակերպությունների համար, որոնք ցանկանում են ստանալ պաշտոնական հաստատում, որ չունեն չկատարված հարկային պարտավորություններ ՀՀ պետական բյուջեի նկատմամբ։
Ավտոմեքենայի մաքսազերծման ձևակերպումն իրականացվում է Գյումրիում գտնվող Հյուսիսային մաքսատանը։ Գործընթացին մասնակցելու համար հերթերից խուսափելու նպատակով հնարավոր է նախապես այց ամրագրել։
Հայաստանում հարկային հաշվետվությունները ներկայացվում են միայն առցանց եղանակով՝ հարկային մարմնի Հաշվետվությունների ներկայացման էլեկտրոնային համակարգում, որը նախատեսված է պարզեցնելու հարկային հաշվետվությունների հանձնման գործընթացը և ավտոմատացնելու հարկային հաշվետվությունների լրացումն ու ստուգումը։
Համակարգը հաշվետվությունների լրացման ընթացքում կատարում է անհրաժեշտ ստուգումները՝ դաշտերի լրացումն ու մաթեմատիկական հաշվարկների ճշտությունն ապահովելու նպատակով։
Այստեղ օգտատերերին հասանելի են հաշվետվությունների ժամանակավոր պահպանման, դրանց գրանցման և արխիվի բաժինները։
Շրջանառության հարկով գործունեություն իրականացնողները մինչև յուրաքանչյուր հաշվետու եռամսյակին հաջորդող ամսվա 20-ը ներառյալ պետք է հարկային մարմին ներկայացնեն շրջանառության հարկի հաշվետվություն։
Հաշվետվությունը ներկայացվում է առցանց եղանակով՝ հարկային մարմնի Հաշվետվությունների ներկայացման էլեկտրոնային համակարգի միջոցով։ Համակարգը թույլ է տալիս անմիջապես ներկայացնել հաշվետվությունը, ժամանակավորապես պահպանել կամ արխիվացնել այն։
Անշարժ գույքը վարձակալության հանձնելիս անհրաժեշտ է կնքել պայմանագիր, որը պետք է ստանա պետական գրանցում։ Սակայն եթե պայմանագիրը չի ստացել պետական գրանցում, ապա անհրաժեշտ է հարկային մարմին ներկայացնել անշարժ գույքը վարձակալության հանձնելու կամ վարձակալությունը դադարեցնելու վերաբերյալ հայտարարություն։
Դիմում-հայտարարությունն անհրաժեշտ է ներկայացնել՝
Հիպոտեքային վարկով բնակարան ձեռք բերած քաղաքացիները եկամտային հարկի գումարների վերադարձման դիմումները ներկայացնում են յուրաքանչյուր 3 ամիսը մեկ անգամ՝ բացառապես էլեկտրոնային եղանակով։
Ծառայությունը նախատեսված է իրավաբանական անձի գործադիր մարմնի ղեկավարի կողմից ֆիզիկական անձին լիազորելու հանդես գալ ՀՀ արդարադատության նախարարության պետական ռեգիստրի գործակալությունում և ներկայացնել իրական շահառուների վերաբերյալ հայտարարագիր։
Ֆիզիկական անձինք յուրաքանչյուր տարվա կտրվածքով ստացած եկամուտների համար պետք է մինչև հաջորդ տարվա նոյեմբերի 1-ը ներկայացնեն հայտարարագիր։ Հայտարարագիրը ներկայացվում է էլեկտրոնային եղանակով։
Բնապահպանական հարկ և բնօգտագործման վճար վճարողները յուրաքանչյուր հաշվետու ժամանակաշրջանի համար կազմում և Կառավարության սահմանած կարգով բնապահպանության և ընդերքի տեսչական մարմին և հարկային մարմին են ներկայացնում բնապահպանական հարկի և բնօգտագործման վճարների միասնական հարկային հաշվարկներ:
Թվային դրոշմավորումը ապրանքի վրա նույնականացման միջոցի՝ Դատա մատրիքս (Data Matrix) թվային ծածկագիր փակցնելն է։ Դատա մատրիքսը նման է QR կոդի, բայց կարող է պարունակել ավելի մեծ ծավալի տվյալներ:
Օտարերկրյա պետությունից ՀՀ մշտական բնակության տեղափոխվող հայերը կարող են իրենց անձնական իրերն ու ապրանքները Հայաստան ներմուծել առանց մաքսատուրք վճարելու։
Այս արտոնությունից օգտվելու համար հնարավոր է դիմել 2 եղանակով՝
Հարկ վճարողի հաշվառման համարը յուրաքանչյուր հարկ վճարողին տրվող եզակի նույնականացման համարն է։ Այն տրամադրվում է ՀՀ Պետական եկամուտների կոմիտեի կողմից։
Հայաստան ապրանքներ ներմուծելու կամ Հայաստանից ապրանքներ արտահանելու համար հարկային մարմնի հաշվետությունների ներկայացման էլեկտրոնային հարթակում անհրաժեշտ է ներկայացնել ներմուծման կամ արտահանման հայտարարագրեր։
Ծառայության միջոցով օրինական կարգով հնարավոր է բողոքարկել հարկային գնահատումները, տույժերը կամ տուգանքները, անճշտությունները հաշվարկներում՝ ներկայացնելով հիմնավորող փաստաթղթեր: Բողոքը հնարավոր է ներկայացնել էլեկտրոնային հարցումների միասնական հարթակի՝ e-request-ի միջոցով։
Շահութահարկով գործունեություն իրականացնողները յուրաքանչյուր հաշվետու տարվա համար մինչև այդ տարվան հաջորդող փետրվարի 1-ը ներառյալ պետք է հարկային մարմին ներկայացնեն շահութահարկի հաշվետվություն։
Հաշվետվությունը ներկայացվում է առցանց եղանակով՝ հարկային մարմնի Հաշվետվությունների ներկայացման էլեկտրոնային համակարգի միջոցով։ Համակարգը թույլ է տալիս անմիջապես ներկայացնել հաշվետվությունը, ժամանակավորապես պահպանել կամ արխիվացնել այն։
Ֆիզիկական անձը եկամտային հարկը և սոցիալական վճարը հաշվարկում և վճարում է անձամբ, եթե՝
հարկվող եկամուտը ստանում է հարկային գործակալ չհանդիսացող անձից,
հարկվող եկամուտ վճարող անձն ազատված է հարկը հաշվարկելու և վճարելու պարտավորությունից:
Այս դեպքում յուրաքանչյուր ամսվա համար մինչև դրան հաջորդող ամսվա 20-ը առցանց եղանակով ներկայացվում է պարզեցված հաշվարկ և նույն ժամկետում վճարվում է հարկը։
Աջակցության ծրագրի շրջանակներում փոխհատուցում կստանան այն առևտրային կազմակերպությունները, որոնք 2025 թվականի դրությամբ դեռևս ունեն 2024 թվականին գնված և չվաճառված ապրանքներ։
Այս ձեռնարկատերերի համար շրջանառության հարկը 2025 թվականի 1-ին կիսամյակում կհաշվարկվի նախկին դրույքաչափերով՝ հաշվի չառնելով 2025 թվականի հունվարի 1-ից ՀՀ հարկային օրենսգրքում կատարված փոփոխությունները։
Ակցիզային դրոշմանիշերը և (կամ) դրոշմապիտակները տրամադրվում են էլեկտրոնային եղանակով ներկայացված հայտի և հայտի ներկայացման օրվա դրությամբ նախկինում ստացված ակցիզային դրոշմանիշերի և դրոշմապիտակների օգտագործման մասին հաշվետվության հիման վրա։
Դրոշմանիշերն ու դրոշմապիտակները ստանալ կարող է հայտը ներկայացրած կազմակերպության լիազորած ֆիզիկական անձը, անհատ ձեռնարկատերը կամ նրա կողմից լիազորված անձը։
Յուրաքանչյուր նոր աշխատողի ընդունելիս անհրաժեշտ է նրա տվյալները գրանցել ՀՀ պետական եկամուտների կոմիտեի հարկային հաշվետվությունների ներկայացման էլեկտրոնային հարթակում, որպեսզի գործատուն կարողանա կատարել աշխատողներին առնչվող իր հարկային պարտավորությունները։
Հայաստանում հարկային հաշվետվությունները ներկայացվում են միայն առցանց եղանակով՝ հարկային մարմնի Հաշվետվությունների ներկայացման էլեկտրոնային համակարգում, որը նախատեսված է պարզեցնելու հարկային հաշվետվությունների հանձնման գործընթացը և ավտոմատացնելու հարկային հաշվետվությունների լրացումն ու ստուգումը։
Համակարգը հաշվետվությունների լրացման ընթացքում կատարում է անհրաժեշտ ստուգումները՝ դաշտերի լրացումն ու մաթեմատիկական հաշվարկների ճշտությունն ապահովելու նպատակով։
Այստեղ օգտատերերին հասանելի են հաշվետվությունների ժամանակավոր պահպանման, դրանց գրանցման և արխիվի բաժինները։
Հարկերի վճարումը անձի հարկային պարտավորությունների կատարումն է, որոնք նա ստանձնում է որպես անհատ ձեռնարկատեր կամ իրավաբանական անձ գրանցվելու կամ որպես ֆիզիկական անձ հարկ վճարողի հաշվառման համար (ՀՎՀՀ) ստանալու պահին։
Լինելով պետության եկամուտների գլխավոր աղբյուրը՝ հարկն օգտագործվում է պետական և հասարակական կարիքների բավարարման նպատակով կամ ուղղվում է նրա գործառույթների իրականացման համար պահանջվող ծախսերի ֆինանսավորմանը:
Առցանց հարկերի վճարումն ու հարկային հաշվետվությունների ներկայացումը բիզնեսի զարգացմանը, հարմարավետությանն ու պետության հետ նրա համագործակցության ամրապնդմանն ուղղված ծառայություններ են։
Ծրագրի շրջանակներում նախատեսվում է աջակցություն տրամադրել մշակող արդյունաբերության ոլորտում գործող կազմակերպություններին և անհատ ձեռնարկատերերին, որոնք աշխատանքի են ընդունել ՀՀ քաղաքացիների և Լեռնային Ղարաբաղից բռնի տեղահանված անձանց:
