Ներկայացվող պահանջները

Եկամտային հարկի և սոցիալական վճարի միասնական հաշվետվություն ներկայացնելու համար անհրաժեշտ է ունենալ՝ 

• նույնականացման քարտ,
• նույնականացման քարտն ընթերցող սարք,
• էլեկտրոնային ստորագրություն։  

Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո

Դիմելու համար անհրաժեշտ է

• մուտք գործել անձնական էջ,
• «Հաշվետվություններ» բաժնից ընտրել թիվ 189 «Եկամտային հարկի և սոցիալական վճարի ամսական հաշվարկ» ձևը,
• լրացնել հաշվետու տարին ու հաշվետու ժամանակաշրջանի ամիսը,
• հաշվետվությունը լրացնելուց հետո սեղմել «Հաշվել ամփոփ տվյալները», հետո՝ «Գրանցել» կոճակները,
• այնուհետև ներբեռնել լրացված հաշվետվությունը, ստորագրել թվային ստորագրությամբ, վերբեռնել և հանձնել։  

Հաշվետվությունը բաղկացած է 3 մասից՝ գործատուի եկամտային հարկի հաշվարկը ըստ աշխատողների, սահմանափակ օգտագործման ենթակա տեղեկատվության ներքո գտնվող անձինք և ամփոփ տվյալներ:

Առաջին բաժնում լրացվում են աշխատողի նույնականացման տվյալները, հաշվետու ժամանակաշրջանում ստացման ենթակա կամ ստացված եկամտի գումարը. աշխատավարձը և դրան հավասարեցված այլ վճարումները, վճարված աշխատավարձը (ներառում է՝ պարգևատրում, արձակուրդային վճար և այլ գումար)։

Քաղաքացիաիրավական պայմանագրով աշխատանքի վարձատրություն բաժինը լրացվում է ըստ այդ պայմանագրի վճարված գումարների դեպքում։ Այնուհետև նշվում են փաստացի աշխատած ժամերը, որոնք քաղաքացիաիրավական պայմանագրի դեպքում չեն լրացվում։  

Եկամտային հարկը, սոցիալական վճարը և դրոշմանիշային վճարը էլեկտրոնային համակարգում հաշվարկվում են ինքնաշխատ կերպով։

Ուշադրություն
Համակարգից օգտվելիս դժվարություններ առաջանալու դեպքում կարելի է սեղմել գլխավոր էջում գտնվող «Ինչպե՞ս օգտվել համակարգից» կոճակը։