Էլեկտրոնային փոստի միջոցով դիմելու համար անհրաժեշտ է․ 

• ուղարկել դիմում-նամակ Պետական եկամուտների կոմիտեի [email protected] էլեկտրոնային փոստի հասցեին,

• կցել անհրաժեշտ փաստաթղթերը։
  
  

Ներկայացվող պահանջները

Առանց մաքսային վճարների անձնական օգտագործման իրերը Հայաստան տեղափոխելու համար անհրաժեշտ է․ 

• լինել ազգությամբ հայ, ով մշտական բնակության նպատակով տեղափոխվում է Հայաստան,
• ունենալ ՀՀ քաղաքացիություն, Հայաստանում մշտական կամ հատուկ կացության կարգավիճակ,
• վերջին 7 տարիների ընթացքում գտնված լինել օտարերկրյա պետությունում առնվազն 1280 օր և առավելագույնը 2550 օր,
• գրանցված լինել ՀՀ որևէ հասցեում,
• նախկինում օգտված չլինել նշված արտոնությունից։

Ուշադրություն
Նախքան Պետական եկամուտների կոմիտե դիմելն անհրաժեշտ է դիմել նախընտրելի անձնագրային բաժանմունք՝ ՀՀ-ում մշտական բնակության տեղափոխվելու վերաբերյալ տեղեկանք ստանալու համար։

Պահանջվող փաստաթղթերը

Անձնական օգտագործման ապրանքները առանց մաքսատուրքի Հայաստան ներմուծելու համար անհրաժեշտ է դիմում-նամակ ուղարկել Պետական եկամուտների կոմիտեի [email protected] էլեկտրոնային փոստի հասցեին՝ կցելով հետևյալ փաստաթղթերը․

• Հայաստան մշտական բնակության տեղափոխվելու վերաբերյալ տեղեկանք, որն անհրաժեշտ է նախապես ստանալ նախընտրելի անձնագրային բաժանմունքից,

• ՀՀ-ում մշտական բնակության իրավունքը հավաստող փաստաթուղթ, մասնավորապես՝

  • ՀՀ քաղաքացիություն ունենալու դեպքում՝ ՀՀ քաղաքացու անձնագրի պատճենը,

  •  ՀՀ-ում մշտական կացության կարգավիճակ ունենալու դեպքում՝ մշտական կացության քարտը,

  • ՀՀ-ում հատուկ կացության կարգավիճակ ունենալու դեպքում՝ հատուկ անձնագիրը,

  • փախստական լինելու դեպքում՝ փախստականի վկայականը,

  • տեղահանված անձ լինելու դեպքում՝ տեղահանվածի կարգավիճակը հավաստող փաստաթուղթը,

• օտարերկրյա պետության անձնագիրը կամ կացության քարտը,

• տեղափոխվող ապրանքների ցուցակը՝ դրանց անվանումները, քաշը, քանակը, հաշիվ-ապրանքագիր՝ ապրանքների արժեքներով,

• բեռնափոխադրող ընկերության հետ կնքված գույքի տեղափոխության պայմանագիրը և վճարման անդորրագիրը,

• տրանսպորտային միջոց տեղափոխելու դեպքում՝ տրանսպորտային միջոցի՝ ֆիզիկական անձի անունով գրանցման և սեփականության փաստաթղթերը՝ տրամադրված օտարերկրյա պետության լիազոր մարմնի կողմից։
  
  

Տրամադրման ժամկետը և կարգը

Արտոնյալ պայմաններով ապրանքներ ներմուծելու դիմումն ուսումնասիրվում է 10 աշխատանքային օրվա ընթացքում, որից հետո դիմողն էլեկտրոնային փոստի միջոցով ծանուցվում է Պետական եկամուտների կոմիտեի որոշման մասին։

• Դիմումը հաստատվելու դեպքում անձը կարող է այցելել Արարատյան տարածքային մաքսատուն և ստանալ իր ապրանքները՝ առանց մաքսատուրք վճարելու։
• Եթե դիմումը չի հաստատվում, ապա դիմողն ապրանքները ստանալու համար պետք է վճարի սահմանված մաքսատուրքը։

Հղում օրենսդրությանը

«Մաքսային կարգավորման մասին» ՀՀ օրենք

Օրենքը հնարավոր է գտնել arlis.am-ում։