Առցանց եղանակով ՀՎՀՀ հնարավոր է ստանալ հետևյալ տարբերակներով․

• «ԵսԵմ» նույնականացում ունենալու դեպքում՝ Ֆիզիկական անձանց էլեկտրոնային ծառայությունների միասնական համակարգի անձնական էջում (մի քանի քայլով և անմիջապես),
•  e-request համակարգում գրանցվելու միջոցով (ընդ որում՝ համակարգ հնարավոր է մուտք գործել նաև «ԵսԵմ» նույնականացմամբ)։

e-request հարթակում գրանցվելու համար անհրաժեշտ է «Շարունակել» կոճակը սեղմելուց հետո՝

• սեղմել բացվող էջի վերին աջ անկյունում գտնվող «Մուտք» կոճակը, այնուհետև անցնել բացվող էջի ներքևում գտնվող «Գրանցվել հիմա» հղումով, 
• նշել քաղաքացիությունը, այնուհետև լրացնել անհրաժեշտ տվյալները,
• մուտքագրել էլեկտրոնային փոստի հասցեին ստացված կոդը, այնուհետև՝ բջջային հեռախոսահամարին ստացված կոդը,
• ստեղծել գաղտնաբառ և հաստատել այն։
  
  

Հարթակում գրանցվելուց հետո ՀՎՀՀ ստանալու համար անհրաժեշտ է՝

• մուտք գործել հարթակ՝ լրացնելով էլեկտրոնային փոստի հասցեն և գաղտնաբառը,
• սեղմել «Ուղարկել դիմում, հարցում կամ բողոք» պատուհանի «Ուղարկել» կոճակը,
• բացվող էջում ընտրել «Դիմում» տարբերակը,
• ընտրել դիմումատուի տեսակը՝ «Անհատ»,
• բացվող էջում ընտրել, թե որ պետական մարմնին է ուղղված դիմումը, այս դեպքում ընտրել Պետական եկամուտների կոմիտե,
• կցել լրացված և ստորագրված ՀՎՀՀ ստանալու դիմումը, անձը հաստատող փաստաթղթի (անձնագիր կամ նույնականացման քարտ) պատճենը և հանրային ծառայության համարանիշը (ՀԾՀ),
• սեղմել «Առաջ» կոճակը։

Ոչ ռեզիդենտները (արտերկրում ապրող) և ՀՀ-ում ապրող օտարերկրյա քաղաքացիները հարթակում գրանցվելուց հետո վերը նշված հաջորդական քայլերը կատարելուց հետո ներկայացնում են ոչ ռեզիդենտ քաղաքացիների համար սահմանված դիմումն ու կցում են պահանջվող փաստաթղթերը։

Հարցման ընթացքին հնարավոր է հետևել անձնական էջում առկա հսկիչ կոդի միջոցով։

Ներկայացվող պահանջները

ՀՎՀՀ ստանալու համար անհրաժեշտ է ունենալ հանրային ծառայությունների համարանիշ (ՀԾՀ) կամ ՀԾՀ չունենալու մասին տեղեկանքի համարը։

Պահանջվող փաստաթղթերը

ՀՎՀՀ ստանալու համար անհրաժեշտ է ներկայացնել․

• անձնագիր կամ նույնականացման քարտ,
• հանրային ծառայությունների համարանիշ (ՀԾՀ),
• կամ ՀԾՀ չունենալու մասին տեղեկանքի համարը։

Տրամադրման ժամկետը և կարգը

• Ֆիզիկական անձանց էլեկտրոնային ծառայությունների միասնական համակարգի անձնական էջով դիմելու դեպքում ՀՎՀՀ-ն տրամադրվում է անմիջապես․ այն հնարավոր կլինի տեսնել անձնական էջում։
• e-request հարթակի միջոցով դիմելու դեպքում ՀՎՀՀ-ն ուղարկվում է դիմումատուի էլեկտրոնային փոստի հասցեին դիմումը ներկայացնելուց հետո 1 աշխատանքային օրվա ընթացքում։
  
  

Հղում օրենսդրությանը

ՀՀ կառավարության՝ 2023 թվականի հուլիսի 8-ի N 922-Ն որոշում

Որոշումը հնարավոր է գտնել arlis.am-ում։