Առցանց դիմում ներկայացնելու համար անհրաժեշտ է «Շարունակել» կոճակը սեղմելուց հետո՝

• նշել տվյալների պահպանման պայմանների վերաբերյալ համաձայնության նշավանդակը,

• ընտրել «ԵսԵմ» նույնականացման տարբերակը,

• նույնականացումից հետո անցնել «Հայտարարագրեր» բաժին,

• ընտրել «ԴԻՄՈՒՄ՝ Միասնական հաշվից գումարնեը վերադարձնելու» տողը,

• նշել բանկային հաշիվը ստուգելու վերաբերյալ համաձայնություն տալու նշավանդակը,

• լրացնել բանկային հաշվեհամարը, որին փոխանցվելու է գումարը,

• լրացնել այն գումարի չափը, որն ակնկալվում է հետ ստանալ։

Ներկայացվող պահանջները

Տարվա ընթացքում կատարած սոցիալական ծախսերի փոխհատուցում կարող են ստանալ ՀՀ ռեզիդենտ ՀՀ քաղաքացիները, ովքեր տվյալ տարվա համար ներկայացրել են կամ պետք է ներկայացնեն հայտարարագիր։

Պահանջվող փաստաթղթերը

• Հանրային ծառայությունների համարանիշի համարը (ՀԾՀ),

• Կրթական հաստատության կամ ապահովագրական ընկերության կողմից տրամադրված հաշվարկային փաստաթուղթ (այն ստանալու համար անհրաժեշտ է դիմել կրթական հաստատությանը կամ ապահովագրական ընկերությանը)։

Երբ արդեն ներկայացրվել է հայտարարագիր և դուրս է գրվել հաշվարկային փաստաթուղթ, ապա հայտարարագրի «Սոցիալական ծախսեր»  բաժնում ինքնաշխատ եղանակով կարտացոլվի, թե որքան սոցիալական ծախս է կատարվել, և որքան է փոխհատուցման չափը։

Փոխհատուցման չափը

Առողջապահության գծով սոցիալական ծախսի փոխհատուցման առավելագույն չափը տարեկան 50,000 դրամ է, իսկ կրթության գծով՝ տարեկան առավելագույնը՝ 100,000 դրամ։

Ընդ որում՝ անձի և ընտանիքի անդամների համար կատարված բոլոր ուղղություններով սոցիալական ծախսերի փոխհատուցման առավելագույն չափը կազմում է տարեկան 100,000 դրամ: