E-mark.am համակարգից օգտվելու ուղեցույց

Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

Ապրանքների դրոշմավորում ստանալու համար անհրաժեշտ է՝

• մուտք գործել կամ գրանցվել համակարգում,
• գրանցել համապատասխան աշխատակիցներ համակարգից օգտվելու համար,
• գրանցել ապրանքները համակարգում,
• համալրել հաշիվն ու պատվիրել ծածկագիր (մինչև ապարանքի օտարելը անհրաժեշտ է փակցնել Դատա մատրիքս ծածկագիրը ապրանքի վրա),
• Е-mark համակարգում փոխել ապրանքի կարգավիճակները,
• կատարել ապրանքի մակնշում և ապրանքի դրոշմավորում։

Հասանելի է նաև E-mark բջջային հավելվածը IOS և Android համակարգերի օգտատերերի համար, որի միջոցով սպառողը կարող է սկանավորել Դատա մատրիքս ծածկագիրը և ստուգել ապրանքի վերաբերյալ տվյալները։

ՀՀ-ում դրոշմավորման ենթակա են հետևյալ ապրանքները՝ 

• 2023 թվականից՝ ծխախոտային և ալկոհոլային արտադրանք։
• 2024 թվականի մայիսից՝ փաթեթավորված խմելու ջուր։
• 2025 թվականի մարտի 1-ից՝ գազավորված և ոչ գազավորված ըմպելիքներ, ոչ ալկոհոլային խմիչքներ, մակարոնեղեն, թեյ և սուրճ, կենդանական և բուսական յուղեր, շոկոլադ և կակաո պարունակող սննդամթերք, պահածոյացված մթերք, գարեջուր և գարեջրային խմիչքներ։
• 2025 թվականի հունիսի 1-ից՝ կաթնամթերք, մսամթերք, երշիկեղեն և կենդանիների կեր։
• 2025 թվականի սեպտեմբերի 1-ից՝ նավթավերամշակման արտադրանք, ներկանյութեր, լաքեր և չորարարներ։
• 2026 թվականի հունվարի 1-ից՝ դեղեր, վիտամիններ, oծանելիք, կոսմետիկա, հիգիենայի և խնամքի միջոցներ։

Ներկայացվող պահանջները

• ունենալ ԵսԵմ նույնականացում,
• գրանցված լինել ՀՀ պետական ռեգիստրում,
• հանդիսանալ ՀՀ ռեզիդենտ և գործել ՀՀ-ում,

Եթե տնտեսվարողը ՀՀ ռեզիդենտ չէ, համակարգից կարող է օգտվել միայն ՀՀ ռեզիդենտ ներկայացուցչի միջոցով։

Վճարման չափը և կարգը

Ապրանքների դրոշավորման իրականացման գործընթացն անվճար է, սակայն դրոշմավորված ապրանքները վաճառելու համար անհրաժեշտ է գնել երկչափ շտրիխ կոդեր կարդացող սկաներներ, որոնք անհրաժեշտ է համակցել մանրածախ վաճառքի կետի առևտրային ծրագրի կամ ՀԴՄ սարքի հետ։ Սարքերը հնարավոր է ձեռք բերել այս ընկերություններից որևէ մեկից։

Ուշադրություն
Նախքան պարտադիր դրոշմավորմանն անցնելը յուրաքանչյուր ապրանքախմբի համար իրականացվում է փորձնական ծրագիր, այնուհետև միայն դրոշմավորումը դառնում է պարտադիր։

Հղում օրենսդրությանը 

• ՀՀ կառավարության 2025 թվականի փետրվարի 6-ի N 125-Ն որոշում 
• ՀՀ կառավարության 2022 թվականի մարտի 10-ի N 312-Լ որոշում
  (անհրաժեշտ է կարդալ որոշումների ամենավերջին փոփոխված տարբերակները)

Որոշումները հնարավոր է գտնել arlis.am կայքում։