Ովքե՞ր կարող են դիմել

• անհատ ձեռնարկատերերը,
• ռեզիդենտ առևտրային կազմակերպությունները,
• այն ֆիզիկական անձինք, որոնք անհատ ձեռնարկատեր չեն, սակայն ունեն ՀՎՀՀ, 

եթե՝ 

• նախորդ հարկային տարվա ընթացքում գործունեության բոլոր տեսակների մասով
  ապրանքների կամ ծառայությունների իրացումից հասույթը չի գերազանցել 24 մլն․ դրամը,
• չեն մատուցում խորհրդատվական, իրավաբանական, հաշվապահական,
  աուդիտորական, ինժեներական, գովազդային, դիզայներական, մարկետինգային,
  թարգմանչական, փորձագիտական, բժշկական, ատամնատեխնիկական ծառայություններ,
  տեղեկատվության մշակման և փոխանցման, գիտահետազոտական, փորձարարական, կոնստրուկտորական և տեխնոլոգիական աշխատանքներ, ինչպես նաև վերոնշյալ
  ծառայություններին համանման այլ ծառայությունների մատուցողներ,
• չեն զբաղվում Երևան քաղաքում առևտրային գործունեությամբ (առք և վաճառք) կամ
  Երևանից դուրս գտնվող առևտրային կենտրոններում առևտրական գործունեությամբ (առք և վաճառքով),
• Երևանի վարչական սահմանների մեջ չեն ծավալում հանրային սննդի ոլորտում
  գործունեություն,
• համատեղ գործունեության պայմանագրի, ապրանքների մատակարարման՝ կոմիսիայի
  կամ ապրանքների մատակարարման՝ գործակալի անունից հանդես գալու պայման
  նախատեսող գործակալության պայմանագրի կողմ չեն,
• չեն կատարել հարկային տարվա ընթացքում ՀԴՄ շահագործման կանոնների երրորդ
  խախտում,
• ռեզիդենտ առևտրային կազմակերպության կանոնադրական (բաժնեհավաք) կապիտալի
  20% և ավելի փայաբաժինը (բաժնետոմսը, բաժնեմասը) չի պատկանում այլ ռեզիդենտ
  առևտրային կազմակերպությանը, անհատ ձեռնարկատիրոջը կամ նոտարին,
• ռեզիդենտ առևտրային կազմակերպության կանոնադրական (բաժնեհավաք) կապիտալի
  20% և ավելի փայաբաժինը (բաժնետոմսը, բաժնեմասը) չի պատկանում անհատ
  ձեռնարկատեր չհանդիսացող այն ֆիզիկական անձին, որին միաժամանակ պատկանում է
  այլ ռեզիդենտ առևտրային կազմակերպությանը, անհատ ձեռնարկատիրոջը կամ նոտարին կանոնադրական կապիտալի 20% և ավելի բաժնեմասը, 
• օպերատիվ-հետախուզական գործողությունների արդյունքում ձեռք բերված
  տեղեկությունների հիման վրա` փոխկապակցված կազմակերպությունների կամ ֆիզիկական անձանց իրացման շրջանառությունների հանրագումարը չի գերազանցել (գերազանցում) 24 միլիոն դրամը,
• Չեն գործում, որպես բանկեր, վարկային կազմակերպություններ, ապահովագրական
  ընկերություններ, ներդրումային ընկերություններ, արժեթղթերի շուկայի
  մասնագիտացված մասնակիցներ, գրավատներ, արտարժույթի առք և վաճառքի,
  դիլերային-բրոկերային գործունեություն իրականացնողներ, ներդրումային ֆոնդեր,
  ֆոնդերի կառավարիչներ, վճարահաշվարկային կազմակերպություններ, նոտարներ,
  խաղատների շահումով խաղերի կամ վիճակախաղերի կազմակերպման գործունեության
  իրականացնողներ:

Դիմելու համար անհրաժեշտ է՝

Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո

• գրանցված չլինելու դեպքում գրանցվել (հաշվառման կանգնել) հարկային մարմնի՝ Հաշվետվությունների ներկայացման էլեկտրոնային համակարգում, իսկ գրանցված լինելու դեպքում՝ մուտք գործել,
• «Հաշվետվություններ» բաժնում ընտրել «Հայտարարություն` Միկրոձեռնարկատիրության սուբյեկտ համարվելու վերաբերյալ» թիվ 257 ձևը, 
• լրացնել տվյալները (կազմակերպության կամ անհատի տվյալներ, ՀՎՀՀ և այլ մանրամասներ),
• գրանցել հայտարարությունը։ 

Ուշադրություն

Դիմել հարկավոր է գրանցումից հետո 20 օրվա ընթացքում։ Եթե գրանցումից անցել է ավելին քան 20 օր, ապա տվյալ տարվա համար հնարավոր չէ դիմել միկրոձեռնարկատիրության սուբյեկտ համարվելու համար։

Ընդ որում՝ հայտարարությունը ներկայացնել պետք է յուրաքանչյուր տարվա հունվարի 1-ից փետրվարի 20-ը ընկած ժամանակահատվածում՝ անկախ նախկինում այդ համակարգում հաշվառված լինելու փաստից։ 

Յուրաքանչյուր տարի սահմանված ժամկետներում հայտարարություն չտալու դեպքում տվյալ տարվա համար անձը չի կարող համարվել միկրոձեռնարկատիրության սուբյեկտ։ 

Հղում օրենսդրությանը՝

• ՀՀ պետական եկամուտների կոմիտեի նախագահի 2019 թվականի օգոստոսի 27-ի 558-Ն հրաման 
• ՀՀ հարկային օրենսգիրք 

Իրավական ակտերը հնարավոր է գտնել arlis.am-ում։