Եկամտային հարկի և սոցիալական վճարի տարեկան հաշվարկ ներկայացնելու համար անհրաժեշտ է «Շարունակել» կոճակը սեղմելուց հետո՝

• մուտք գործել համակարգ (գրանցված չլինելու դեպքում՝ գրանցվել),
• «Հաշվետվություններ» բաժնից ընտրել «162․ պարզեցված հաշվարկ՝ եկամտային հարկի և սոցիալական վճարի ամսական» ձևը,
• ընտրել այն տարին և ամիսը, որի համար ներկայացվում է հաշվետվությունը,
• լրացնել պահանջվող տեղեկությունները հարկ վճարողի, գործատուի և աշխատանքային պայմանագրի վերաբերյալ,
• զբաղմունքների դասակարգչում լրացնել հարկ վճարողի պաշտոնը, օրինակ՝ մենեջեր,
• լրացնել ստացված եկամուտները,
• սեղմելով հաշվիչին՝ հաշվարկել եկամտային հարկի և սոցիալական վճարի չափը,
• սեղմել «Գրանցել» կոճակը,
• էլեկտրոնային եղանակով ստորագրել հաշվետվությունը և սեղմել «Հանձնել ՊԵԿ» կոճակը։

Ներկայացվող պահանջները

Պարզեցված հաշվարկն առցանց եղանակով ներկայացնելու համար անհրաժեշտ է ունենալ՝

• «ԵսԵմ» բջջային ID SIM քարտ 

կամ

• նույնականացման քարտ և քարտն ընթերցող սարք,
• ՀՀ քաղաքացի չլինելու դեպքում՝ Cosign ստորագրություն։

Վճարման չափը և կարգը

Հաշվարկված հարկերը մինչև յուրաքանչյուր ամսվա 20-ը անհրաժեշտ է փոխանցել ՀՀ պետական բյուջեի 900008000490 հաշվեհամարին՝ փոխանցման նպատակ դաշտում նշելով «անուն, ազգանուն, հարկ վճարողի հաշվառման համար՝ ՀՎՀՀ»։

Եթե բանկային հավելվածում չի ստացվում ուղիղ փոխանցում կատարել 900008000490 հաշվեհամարին, ապա կարող ես հավելվածում ընտրել «Փոխանցում պետական բյուջե» տարբերակը։

Հղում օրենսդրությանը

ՀՀ հարկային օրենսգիրք

Օրենսգիրքը հնարավոր է գտնել Arlis.am-ում։