Ավտոմոբիլային հաղորդակցության միջազգային համաձայնագրերի պահանջներին համապատասխան Հայաստանի Հանրապետության տարածքից բեռնատար ավտոմոբիլային տրանսպորտով բեռների միջպետական փոխադրումներ իրականացնող կազմակերպություններին և անհատ ձեռնարկատերերին տրամադրվում է թույլտվություն, միջպետական բեռնափոխադրումներ իրականացնելու համար, որը իրավունք է վերապահում համաձայնագրի կողմ պետության բեռնատար ավտոտրանսպորտային միջոցի մուտքը, ելքը մյուս կողմի տարածք, տարանցումը նրանց տարածքով, ինչպես նաև դեպի երրորդ երկիր և երրորդ երկրից: Համաձայնագրի կողմ երկրները փոխանակում են սահմանված թվով ձևաթղթեր, որոնք տրամադրվում են երկրների բեռնափոխադրողներին. թույլտվություն տրվում է բեռնատար ավտոտրանսպորտային միջոցին` բեռը նշանակման վայր հասցնելու և հետադարձ ուղղությամբ մեկ երթ կամ կաբոտաժային փոխադրումներ կատարելու համար:
ՀՀ-ում օգտակար հանածոների արդյունահանման նպատակով անհրաժեշտ է նախևառաջ ստանալ ընդերքի երկրաբանական ուսումնասիրության իրավունք և Տարածքային կառավարման և ենթակառուցվածքների նախարարության հետ կնքել պայմանագիր։
ՀՀ-ում օգտակար հանածոների արդյունահանման իրավունք ստանալու նպատակով անհրաժեշտ է դիմում ներկայացնել Տարածքային կառավարման և ենթակառուցվածքների նախարարություն և կնքել պայմանագիր։
Հայաստանի Հանրապետությունում գրանցված օդանավ շահագործողների և օդանավ շահագործող չհանդիսացող իրավաբանական կամ ֆիզիկական անձանց կողմից դեպի Հայաստանի Հանրապետության տարածք, տարածքի ներսում և տարածքից դուրս ուղևորային, բեռնային, փոստային կամ համակցված մեկանգամյա ոչ կանոնավոր օդային հաղորդակցությունների (տեխնիկական, ոչ առևտրային, առևտրային, մասնավոր չվերթ և այլն) իրականացման թույլտվություններ տալու գործընթացի ապահովումը, դրանց իրականացման համար պահանջների և պայմանների սահմանումը:
Քաղաքացիական ավիացիայի կոմիտեի կողմից հայտատուին տրամադրվում է հավաստագիր և կանոնավոր օդային հաղորդակցություններ իրականացնող փոխադրողի նշանակում՝ կանոնավոր առևտրային օդային փոխադրումների իրականացման նպատակով։
Հայաստանի Հանրապետությունում սեղմված բնական կամ հեղուկացված նավթային գազով աշխատելու համար ավտոտրանսպորտային միջոցների վրա գազաբալոնային սարքավորումների տեղադրման և (կամ) գազաբալոնների պարբերական վկայագրման գործունեությամբ կարող ենք զբաղվել այն իրավաբանական անձինք և անհատ ձեռնարկատերերը, ովքեր ունեն համապատասխան լիցենզիա (այսուհետ՝ լիցենզիա) և լիցենզիայի ներդիր (ներդիրներ):
Միջպետական բեռնափոխադրումներ իրականացնող կազմակերպություններին կամ անհատ ձեռնարկատերերին կարող են տրամադրվել հսկիչ սարքեր (թվային տախոգրաֆներ)
ՀՀ-ում սեղմված բնական կամ հեղուկացված նավթային գազով աշխատելու համար ավտոտրանսպորտային միջոցների վրա գազաբալոնային սարքավորումների տեղադրման և (կամ) գազաբալոնների պարբերական վկայագրման գործունեությամբ կարող են զբաղվել այն իրավաբանական անձինք և անհատ ձեռնարկատերերը, ովքեր ունեն համապատասխան լիցենզիա և լիցենզիայի ներդիր (ներդիրներ):
Հայաստանից Վրաստան և հակառակ ուղղությամբ ոչ կանոնավոր ուղևորափոխադրումներ իրականացնող ՀՀ համարանիշներով մասնավոր ավտոբուսների, տաքսիների, ինչպես նաև ընտանիքով և անձնական մեքենայով ճամփորդելիս պետք է լրացնել ուղևորների պարտադիր ցանկ։
Ուղևորների ցանկը պարտադիր է լրացնել 5-ից ավելի ուղևոր ունենալու դեպքում՝ անկախ քաղաքացիությունից։
ՀՀ-ում երկաթուղային տրանսպորտի գործունեություն, մասնավորապես՝ երկաթուղու կառույցների, սարքավորումների և շարժակազմի պահպանման ու շահագործման, գնացքների երթևեկության և ազդանշանային համակարգերի կազմակերպման, երկաթուղային տրանսպորտով ուղևորների, բեռների, ուղեբեռների, բեռնածանրոցների փոխադրումների նախապատրաստման ու իրականացման հետ կապված գործունեություն կարող են իրականացնել ՀՀ-ում գրանցված իրավաբանական անձինք և անհատ ձեռնարկատերերը` լիազոր մարմնի կողմից տրված համապատասխան լիցենզիայի հիման վրա:
Հայաստանի Հանրապետության ընդհանուր օգտագործման պետական ավտոմոբիլային ճանապարհների օտարման շերտերում և պաշտպանական գոտիներում, ինչպես նաև բնակավայրերով անցնող միջպետական և հանրապետական նշանակության ճանապարհահատվածներին տրամադրվում են գովազդի տեղադրման թույլտվություններ, որը տրամադրվում է ՀՀ տարածքային կառավարման և ենթակառուցվածքների նախարարության կողմից՝ համաձայնեցնելով Հայաստանի Հանրապետության ոստիկանության հետ:
ՀՀ կառավարությունը որոշմամբ՝ տրամադրվում են անվճար երթևեկության վկայականներ որոշ քաղաքացիների՝ քաղաքային, մերձքաղաքային և միջքաղաքային հանրային տրանսպորտից օգտվելու համար՝ բացառությամբ տաքսիների: Այս արտոնությունը գործում է բոլոր տեսակի հանրային տրանսպորտի համար, անկախ սեփականության ձևից։
Ծանրաքաշ բեռներ փոխադրելու համար օգտագործվող կամ ճանապարհային երթևեկության կանոններով սահմանված եզրաչափերը գերազանցող կամ երկու և ավելի կցորդների հետ միասին ավտոգնացքի կազմում շահագործվող տրանսպորտային միջոցների երթևեկության կանոնները և չմասնատվող բեռներ փոխադրող տրանսպորտային միջոցներին թույլտվություն կամ հատուկ թույլտվության տրամադրվում է կազմակերպություններին և անհատ ձեռնարկատերերին, անկախ նրանց կազմակերպական-իրավական ձևերից: Թույլտվություն տրամադրվում է Հայաստանի Հանրապետության ընդհանուր օգտագործման պետական ավտոմոբիլային ճանապարհներով 36-44 տոննա ընդհանուր զանգվածով և (կամ) մեծ եզրաչափերով տրանսպորտային միջոցով բեռ փոխադրելու, իսկ հատուկ թույլտվություն՝ Հայաստանի Հանրապետության ընդհանուր օգտագործման պետական ավտոմոբիլային ճանապարհներով` 44 տոննա ընդհանուր զանգվածը կամ մեկ սռնու վրա ընկնող բեռնվածքը 11.5 տոննան գերազանցող ծանրաքաշ տրանսպորտային միջոցով չմասնատվող բեռ փոխադրելու համար:
Թույլտվություն տրամադրվում է ՀՀ ընդհանուր օգտագործման պետական ավտոմոբիլային ճանապարհներով 36-44 տոննա ընդհանուր զանգվածով և (կամ) մեծ եզրաչափերով տրանսպորտային միջոցով բեռ փոխադրելու, իսկ հատուկ թույլտվություն՝ ՀՀ ընդհանուր օգտագործման պետական ավտոմոբիլային ճանապարհներով` 44 տոննա ընդհանուր զանգվածը կամ մեկ սռնու վրա ընկնող բեռնվածքը 11.5 տոննան գերազանցող ծանրաքաշ տրանսպորտային միջոցով չմասնատվող բեռ փոխադրելու համար:
Ինքնագնաց ճանապարհաշինարարական, շինարարական և այլ մեքենամեխանիզմների, երկաթուղային տրանսպորտային միջոցների, թռչող և լողացող ապարատների ու սարքավորումների և դրանց բաղկացուցիչ մասերի կադաստրի վարման լիազոր մարմինը Հայաստանի Հանրապետության տարածքային կառավարման և ենթակառուցվածքների նախարարության է, որը իրականացնում է Հայաստանի Հանրապետության կառավարության կողմից հաստատված` Հայաստանի Հանրապետությունում հաշվառման ենթակա ինքնագնաց ճանապարհաշինարարական, շինարարական և այլ մեքենամեխանիզմների ցանկում ընդգրկված ճանապարհաշինարարական, շինարարական տեխնիկայի հաշվառումը, որից հետո տրամադրվում է պետհամարանիշ և տեխնիկական վկայագիր:
ՀՀ-ում ընդերքի որոշակի տեղամասում երկրաբանական, քարտեզագրման, գիտահետազոտական և այլ տիպի ուսումնասիրություններ ու աշխատանքներ կատարելու նպատակով անհրաժեշտ է Տարածքային կառավարման և ենթակառուցվածքների նախարարությունից ստանալ համապատասխան իրավունք և կնքել պայմանագիր։
Կոմունալ վճարումները գազի, ջրի և էլեկտրաէներգիայի սպառման պարտադիր վճարներ են, որոնք կատարվում են յուրաքանչյուր ամիս` մինչև ամսի 20-ը։
Այս ծրագրի շրջանակում յուրաքանչյուր տարի ՀՀ պետական բյուջեից գումար է հատկացվում սահմանամերձ 23 համայնքների 82 բնակավայրերի բնակիչներին, որը կարող է ուղղվել բնական գազի, էլեկտրաէներգիայի և ոռոգման ջրի սակագնի մասնակի փոխհատուցմանը և անշարժ գույքի հարկի ամբողջական փոխհատուցմանը։
Պետությունն աջակցում է բնակարանների և տների էներգախնայող վերանորոգմանը: Այս ծրագրով վերանորոգման վարկերի տոկոսները վճարվում են պետության կողմից՝ առավելագույնը 7 տարի ժամկետով: Սա թույլ է տալիս բնակիչներին իրականացնել էներգաարդյունավետ վերանորոգումներ՝ առանց լրացուցիչ տոկոսավճարների բեռի:
Ծրագրի նպատակն է գյուղատնտեսական մշակաբույսերով զբաղեցված մինչև 3 հա հողատարածքներում կաթիլային, անձրևացման ոռոգման արդի համակարգերում ներդրում կատարած ջրօգտագործողների ընկերությունների անդամներին 5 տարի ժամկետով ցուցաբերել ոռոգման ջրի վարձավճարի պետական աջակցություն։
