Հայաստանի Հանրապետության զինանշան
Ծառայությունների
ազգային հարթակ
ԲԵՏԱ

Հարթակը մշակման փուլում է․ ձեր կարծիքը կօգնի մեզ բարելավել այն:

Աջակցության ծրագիր
Գյուղատնտեսություն և շրջակա միջավայր

Ստանալ ոռոգման ջրի վարձավճարի փոխհատուցում

Ծրագրի նպատակն է գյուղատնտեսական մշակաբույսերով զբաղեցված մինչև 3 հա հողատարածքներում կաթիլային, անձրևացման ոռոգման արդի համակարգերում ներդրում կատարած ջրօգտագործողների ընկերությունների անդամներին 5 տարի ժամկետով ցուցաբերել ոռոգման ջրի վարձավճարի պետական աջակցություն։

Այս ծառայությունը հասանելի է միայն ֆիզիկապես, մենք աշխատում ենք առցանց տարբերակի ստեղծման ուղղությամբ։
Ո՞վ կարող է դիմել
Ֆիզիկական և իրավաբանական անձինք
Դիմելու տևողությունը
15 րոպե

Ներկայացվող պահանջները

Աջակցության ծրագրից օգտվելու համար անհրաժեշտ է՝

  • ունենալ գյուղատնտեսական մշակաբույսերով զբաղեցված հողատարածքներ, որոնք ընդգրկված են ջրօգտագործողների սպասարկման տարածքներում,
  • լինել ջրօգտագործողների ընկերությունների անդամ հանդիսացող ֆիզիկական կամ իրավաբանական անձ (բացառությամբ ջերմատների և ջերմոցային տնտեսությունների տարածքների)։

Պահանջվող փաստաթղթեր

Ծրագրից օգտվելու համար անհրաժեշտ է ներկայացնել՝

  • դիմում (այն ջրօգտագործողների ընկերությանը, որի անդամ է հանդիսանում անձը),
  • անձը հաստատող փաստաթուղթ (իրավաբանական անձի դեպքում՝ գրանցման վկայականը),
  • տվյալ հողամասի սեփականության կամ օգտագործման իրավունքների պետական գրանցման վկայականը կամ տվյալ հողամասի նկատմամբ գույքային իրավունքը հավաստող փաստաթուղթ,
  • ոռոգման ջրի մատակարարման պայմանագիր,
  • կաթիլային, անձրևացման ոռոգման համակարգեր ներդնելու վերաբերյալ փաստաթղթերի փաթեթ։
 

Տրամադրման ժամկետը և կարգը

Ստանալով դիմումը՝ ջրօգտագործողների ընկերությունն ուսումնասիրում է դրա համապատասխանությունը ծրագրին և կազմում համապատասխան եզրակացություն։

 

Փաստաթղթերի ոչ ամբողջական լինելու դեպքում այն վերադարձվում է դիմողին՝ 20 օրվա ընթացքում փաստաթղթերի ամբողջական փաթեթը կրկին ներկայացնելու ջրօգտագործողների ընկերության եզրակացությանը։

Ընկերության կողմից կազմված եզրակացությունը և դիմողի փաստաթղերը 10 օրվա ընթացքում ներկայացվում է Ջրային կոմիտե։

 

Ջրային կոմիտեն 15 օրվա ընթացքում ուսումնասիրում է փաստաթղթերի փաթեթը և պահանջներին բավարարելու պարագայում հավանություն է տալիս դիմողին ծրագրում ընդգրկելու համար և մինչև հաշվետու եռամսյակին հաջորդող ամսվա 25-ը մշակում և ներկայացնում է Կառավարության որոշման նախագիծ՝ վարձավճարների փոխհատուցման մասին։

 

Հղում օրենսդրությանը

  • ՀՀ Կառավարության 2021 թվականի հոկտեմբերի 14-ի N 1695-Լ որոշում

Որոշումը հնարավոր է գտնել arlis.am-ում։

Տեխնիկական աջակցության համար՝
Աշխատանքային ժամեր`
երկ-ուրբ՝ 10:00 - 18:00
 
Շուրջօրյա հեռախոսահամար`
0-8000-2020
(+374) 010 58-59-80
Ծառայության գծով աջակցության համար՝
Աշխատանքային ժամեր`
09:00-18:00
 
Հեռախոսահամար`
(+374) 010 51-13-62
(+374) 010 51-13-54
Ծառայությունը մատուցող՝
ՀՀ տարածքային կառավարման և ենթակառուցվածքների նախարարություն
[email protected]https://www.mtad.am
Այս էջը օգտակա՞ր էր