Դիմելու կարգ

Ծրագրի շահառու դառնալու համար անհրաժեշտ է.

• դիմումը և անհարժեշտ փաստաթղթերը ներկայացնել այն ջրօգտագործողների ընկերությանը, որի անդամ է կաթիլային, անձրևացման ոռոգման համակարգ ներդրած գյուղատնտեսությամբ զբաղվող անձը,
• ստանալով դիմումը՝ ջրօգտագործողների ընկերությունն ուսումնասիրում է դրա համապատասխանությունը ծրագրին և կազմում համապատասխան եզրակացություն,
• ջրօգտագործողների ընկերությունը դիմումը մերժում է, եթե շահառուի դիմումին կից փաստաթղթերն ամբողջական չեն, և մինչև 10-օրյա ժամկետում վերադարձնում է շահառուին, իսկ շահառուն մինչև 20-օրյա ժամկետում փաստաթղթերի ամբողջական փաթեթը կրկին ներկայացնում է ջրօգտագործողների ընկերության եզրակացությանը,
• ջրօգտագործողների ընկերությունը կազմում է եզրակացություն և շահառուի դիմումին կից փաստաթղթերը էլեկտրոնային տարբերակով 10-օրյա ժամկետում ներկայացնում է Ջրային կոմիտե,
• Ջրային կոմիտեն 15-օրյա ժամկետում ուսումնասիրում է փաստաթղթերի փաթեթը և պահանջներին բավարարելու պարագայում հավանություն է տալիս շահառուին ծրագրում ընդգրկելու և հետագա գործընթացը կազմակերպելու համար, իսկ պահանջների լիարժեք չբավարարելու դեպքում՝ մերժում։

Անհրաժեշտ փաստաթղթեր

• Դիմում՝ N2 հավելվածին համապատասխան,
• անձը հաստատող փաստաթուղթը (իրավաբանական անձի դեպքում՝ գրանցման վկայականը),
• տվյալ հողամասի սեփականության կամ օգտագործման իրավունքների պետական գրանցման վկայականը կամ տվյալ հողամասի նկատմամբ իր գույքային իրավունքը հավաստող փաստաթուղթը,
• ոռոգման ջրի մատակարարման պայմանագիրը,
• կաթիլային, անձրևացման ոռոգման համակարգեր ներդնելու վերաբերյալ փաստաթղթերի փաթեթը։

Խորհրդատվություն, օգտակար հղումներ

ՀՀ ՏԿԵՆ թեժ գիծ՝ (+374)10 511-379

Էլ. նամակ ուղարկել ՀՀ ՏԿԵՆ

ՀՀ Կառավարության 2021 թվականի հոկտեմբերի 14-ի N 1695-Լ որոշման