Ներկայացվող պահանջները

Օգտակար հանածոների արդյունահանման թույլտվություն ստանալու համար անհրաժեշտ է՝

• ունենալ ընդերքաբանական փորձաքննության արդյունքներով օգտակար հանածոյի պաշարների առկայության վերաբերյալ հաստատում,
• ստանալ օգտակար հանածոների արդյունահանման նպատակով ընդերքի երկրաբանական ուսումնասիրության իրավունք,
• համապատասխանել շրջակա միջավայրի վրա ազդեցության փորձաքննական դրական եզրակացության (ՇՄԱԳ հաշվետվություն) պահանջներին։

Պահանջվող փաստաթղթերը

Թույլտվությունը ստանալու համար անհրաժեշտ է ներկայացնել՝

• դիմում (ընդ որում` և՛ թղթային և՛ էլեկտրոնային տարբերակով),
• դիմողի պետական գրանցման համարը, նշում իրավաբանական անձի կանոնադրական կապիտալի չափի մասին,
• հանքավայրի շահագործման ակնկալվող ժամկետը,
• հաստատված օգտակար հանածոների ցանկը,
• օգտակար հանածոյի արդյունահանման նախագիծը,
• հանքի փակման ծրագիրը,
• մետաղական օգտակար հանածոյի արդյունահանման դեպքում` իրական շահառուների վերաբերյալ տեղեկություններ բովանդակող քաղվածք՝ դիմումը ներկայացնելուց 5 օր առաջ,
• ֆինանսական և տեխնիկական կարողությունների ու միջոցների մասին տեղեկություն (ներկայացվող պահանջները սահմանում է կառավարությունը),
• ֆինանսական առաջարկներ և երաշխիքներ, որոնք պետք է ներառեն մանրամասներ հանքի աշխատանքի, կապիտալ և գործառնական ծախսերի վերաբերյալ,
• ընդերքօգտագործման թափոնների կառավարման պլանը և համապատասխան ֆինանսական երաշխիքը, կախված դեպքից՝ նաև ընդերքօգտագործման թափոնների վերամշակման պլանը և անհրաժեշտ ֆինանսական երաշխիքները,
• շրջակա միջավայրի վրա ազդեցության փորձաքննության իրականացման համար պետական տուրքի վճարման անդորրագիրը,
• սահմանային հողերում սահմանային գետերի ափերին գտնվող գետաողողատային տիպի հանքավայրերից ավազի և ավազակոպճային խառնուրդի վերականգնվող պաշարների արդյունահանման դեպքում սահմանային շերտի հողամասերի կառավարման մարմնի համաձայնությունը,
• պետական տուրքի վճարման անդորրագիրը։

Ուշադրություն

Օգտակար հանածոների արդյունահանման թույլտվություն ստանալու նպատակով անհրաժեշտ է դիմում ներկայացնել այն հանքավայրի համար, որտեղ նախորդող 10 տարվա ընթացքում ընդերքաբանական փորձաքննության արդյունքներով հաստատվել են օգտակար հանածոյի պաշարներ։

Տրամադրման ժամկետը և կարգը

Արդյունահանման թույլտվություն համար դիմումը ներկայացնելուց հետո 45 օրվա ընթացքում ուսումնասիրվում է ներկայացված նախագիծը և ներկայացնում տեխնիկական անվտանգության փորձաքննության և 2 ամսվա ընթացքում տրամադրում համապատասխան եզրակացություն։

Դրական եզրակացության դեպքում նախարարությունը 45 օրվա ընթացքում փաստաթղթերն ուղարկում է շրջակա միջավայրի վրա ազդեցության փորձաքննական եզրակացության (ՇՄԱԳ հաշվետվություն), որը տրամադրվում է 40-80 աշխատանքային օրվա ընթացքում։

ՇՄԱԳ դրական եզրակացությունը ստանալուց հետո նախարարությունը 20 օրվա ընթացքում տալիս է համաձայնությունը և դիմողին հրավիրում 10 օրվա ընթացքում վավերացնելու ընդերքի երկրաբանական ուսումնասիրության պայմանագիրը։

Վճարման չափը և կարգը

Կախված գործունեության տեսակից և առանձնահատկություններից՝ վճարման չափը կարող է լինել տարբեր։ Վճարումը հնարավոր է կատարել առցանց եղանակով կամ բանկային փոխանցմամբ 900005017026 հաշվեհամարին։

Հղում օրենսդրությանը

• ՀՀ ընդերքի մասին օրենսգիրք
• Կառավարության 2012 թվականի մարտի 22-ի N 437-Ն որոշում

Իրավական ակտերը հնարավոր է գտնել arlis.am-ում։