Հայաստանի Հանրապետության զինանշան
Ծառայությունների
միասնական հարթակ
Իմ Տվյալները
Լիցենզիաներ

Չմասնատվող բեռներ փոխադրող, թույլատրելի առավելագույն զանգվածը գերազանցող և (կամ) մեկ սռնու վրա ընկնող բեռնվածքը գերազանցող ծանրաքաշ և (կամ) մեծ եզրաչափերը գերազանցող տրանսպորտային միջոցներով փոխադրումների իրականացման թույլտվություն կամ հատուկ թույլտվություն

Ծանրաքաշ բեռներ փոխադրելու համար օգտագործվող կամ ճանապարհային երթևեկության կանոններով սահմանված եզրաչափերը գերազանցող կամ երկու և ավելի կցորդների հետ միասին ավտոգնացքի կազմում շահագործվող տրանսպորտային միջոցների երթևեկության կանոնները և չմասնատվող բեռներ փոխադրող տրանսպորտային միջոցներին թույլտվություն կամ հատուկ թույլտվության տրամադրվում է կազմակերպություններին և անհատ ձեռնարկատերերին, անկախ նրանց կազմակերպական-իրավական ձևերից: Թույլտվություն տրամադրվում է Հայաստանի Հանրապետության ընդհանուր օգտագործման պետական ավտոմոբիլային ճանապարհներով 36-44 տոննա ընդհանուր զանգվածով և (կամ) մեծ եզրաչափերով տրանսպորտային միջոցով բեռ փոխադրելու, իսկ հատուկ թույլտվություն՝ Հայաստանի Հանրապետության ընդհանուր օգտագործման պետական ավտոմոբիլային ճանապարհներով` 44 տոննա ընդհանուր զանգվածը կամ մեկ սռնու վրա ընկնող բեռնվածքը 11.5 տոննան գերազանցող ծանրաքաշ տրանսպորտային միջոցով չմասնատվող բեռ փոխադրելու համար:

Ծառայության մասին բովանդակությունը մշակման փուլում է
Ո՞վ կարող է դիմել
Իրավաբանական անձ, անհատ ձեռնարկատեր և ֆիզիկական անձ
Դիմելու տևողությունը
10-15 րոպե
Ծառայության արժեքը
10,000 ՀՀ դրամ
Տրամադրման տևողությունը
Մինչև 3 աշխատանքային օր

Դիմելու եղանակը`

 

Հայաստանի Հանրապետության տարածքային կառավարման և ենթակառուցվածքների նախարարության կողմից թույլտվությունները տրամադրվում են Հայաստանի ավտոմոբիլային ճանապարհների տնօրինություն ՊՈԱԿ-Ի եզրակացության և ՀՀ կառավարության 2006 թվականի հուլիսի 20-ի թիվ 1106-Ն որոշմամբ հաստատված կարգով սահմանված փաստաթղթեր և համապատասխան հայտ ներկայացնելու միջոցով:
 

Անհրաժեշտ փաստաթղթերի ցանկը`

 

Թույլտվություն ստանալու նպատակով բեռնափոխադրողը կարող է ընտրել հետևյալ տարբերակներից մեկը՝
1) լրացնում է դիմումը՝ համաձայն ՀՀ կառավարության 2006 թվականի հուլիսի 20-ի թիվ 1106-Ն որոշմամբ հաստատված կարգի N 1 ձևի, և առձեռն կամ էլեկտրոնային եղանակով ներկայացնում լիազոր մարմին, որի դեպքում տվյալ երթուղիով բեռի փոխադրման բոլոր համաձայնեցումներն իրականացվում են լիազոր մարմնի կողմից, կամ՝
2) լրացնում է դիմումը համաձայն ՀՀ կառավարության 2006 թվականի հուլիսի 20-ի թիվ 1106-Ն որոշմամբ հաստատված կարգի և դիմումին կից ներկայացնում է տվյալ երթուղիով բեռի փոխադրման համար համաձայնություն տված բոլոր կազմակերպությունների (մարմինների) համաձայնեցումները՝ բացառությամբ ճանապարհային ոստիկանության:
3) պետական տուրքի վճարման անդորրագիրը,
4) բեռնատար ավտոտրանսպրտային միջոցների (ավտոմոբիլ, քարշակ, կցորդ, կիսակցորդ) հաշվառման վկայագրի պատճենը, իսկ օրենքով սահմանված կարգով օգտագործման իրավունքով պատկանող տրանսպորտային միջոցի համար համապատասխան պայմանագրի պատճենը.
 
 

Վճարման եղանակը՝

 

Անկանխիկ
• Բանկային փոխանցման միջոցով
• Վճարային տերմինալի միջոցով
• E-Payments Պետական վճարումների էլեկտրոնային համակարգի միջոցով
 
Անհրաժեշտ է վճարումն իրականացնել ՀՀ պետական բյուջեի հաշվեհամարին՝ 900005027017
 
Նպատակ դաշտում նշելով՝
Չմասնատվող բեռ փոխադրող թույլատրելի առավելագույն զանգվածը գերազանցող և (կամ) մեկ սռնու վրա ընկնող բեռնվածքը գերազանցող ծանրաքաշ և (կամ) մեծ եզրաչափերը գերազանցող տրանսպորտային միջոցին օրենքով սահմանված դեպքերում Հայաստանի Հանրապետության ընդհանուր օգտագործման ավտոմոբիլային ճանապարհներով փոխադրման իրականացման մեկանգամյա երթուղու թույլտվություն տալու համար

Ծառայությունը ստանալու հիմքերը՝

 

Չմասնատվող բեռներ փոխադրող, թույլատրելի առավելագույն զանգվածը գերազանցող և (կամ) մեկ սռնու վրա ընկնող բեռնվածքը գերազանցող ծանրաքաշ և (կամ) մեծ եզրաչափերը գերազանցող տրանսպորտային միջոցներով փոխադրումների իրականացման թույլտվություն կամ հատուկ թույլտվություն տալու համար դիմումները մուտքագրվում են ՀՀ տարածքային կառավարման և ենթակառուցվածքների նախարարության լիցենզիաների և թույլտվությունների վարչություն, որը՝
1) ապահովում է դիմողի նույնականացումը.
2) իրականացնում է հայտի ուսումնասիրություն.
3) դիմումը և դրան կից ներկայացված փաստաթղթերի ցանկն ամբողջական չլինելու դեպքում դիմողին առաջարկել համալրել դրանք.
4) անհրաժեշտության դեպքում դիմողին տրամադրել խորհրդատվություն՝ փաստաթղթերի ամբողջականության վերաբերյալ.
5) Հայաստանի ավտոմոբիլային ճանապարհների տնօրինություն ՊՈԱԿ-ից ստանում է եզրակացություն.
Որից հետո՝
1. Թույլտվության բնօրինակի պատրաստում,
2. Տրամադրված թույլտվության վերաբերյալ տեղեկատվության գրանցում համակարգում.
3. Տրամադրված թույլտվության վերաբերյալ սահմանված տեղեկատվության տրամադրում.
 
 

Ծառայության մատուցումը մերժելու հիմքերը՝

 

Չմասնատվող բեռներ փոխադրող, թույլատրելի առավելագույն զանգվածը գերազանցող և (կամ) մեկ սռնու վրա ընկնող բեռնվածքը գերազանցող ծանրաքաշ և (կամ) մեծ եզրաչափերը գերազանցող տրանսպորտային միջոցներով փոխադրումների իրականացման թույլտվություն կամ հատուկ թույլտվություն տալու համար դիմումը մերժվում է, եթե`
1) փոխադրողի կողմից ներկայացված փաստաթղթերը թերի են, և մատնանշված թերությունները 3 աշխատանքային օրվա ընթացքում չեն վերացվել.
2) հայտատուի կողմից որպես չմասնատվող ներկայացված բեռը հնարավոր է մասնատել.
3) փոխադրվող բեռի զանգվածը գերազանցում է արտադրողի կողմից տվյալ տրանսպորտային միջոցի համար սահմանված բեռնատարողությունը.
4) չմասնատվող բեռ փոխադրող հայտատուն չի վճարել «Պետական տուրքի մասին» Հայաստանի Հանրապետության օրենքով սահմանված պետական տուրքը.
5) հայտատուն չի վճարել «Ճանապարհային վճարի մասին» Հայաստանի Հանրապետության օրենքով սահմանված ճանապարհային վճարը (բացառությամբ Հայաստանի Հանրապետության օրենքներով սահմանված այլ դեպքերի).
6) ավտոճանապարհների, արհեստական կառույցների և հաղորդակցության ուղիների տեխնիկական վիճակը հնարավորություն չի տալիս իրականացնելու նման փոխադրում:
 
Տեխնիկական աջակցության համար՝
Աշխատանքային ժամեր`
երկ-ուրբ՝ 10:00 - 18:00
 
Շուրջօրյա հեռախոսահամար`
0-8000-2020
(+374) 010 58-59-80
Ծառայության գծով աջակցության համար՝
Աշխատանքային ժամեր`
09:00-18:00
 
Հեռախոսահամար`
(+374) 010 51-13-62
(+374) 010 51-13-54
Ծառայությունը մատուցող՝
ՀՀ տարածքային կառավարման և ենթակառուցվածքների նախարարություն
[email protected]https://www.mtad.am
Այս էջը օգտակա՞ր էր