Անշարժ գույք

Անշարժ գույքի սեփականատերերի մասին տեղեկատվություն ունենալու համար անհրաժեշտ է ստանալ միասնական տեղեկանք, որում նշվում են տվյալ գույքի բոլոր սեփականատերերի տվյալները։ Բնակարանի հետ կապված գույքային իրավունքների նկատմամբ սահմանափակման կամ արգելանքի դեպքում՝ տեղեկանքում այդ մասին նշում է պարունակում։

Այս ծրագրի շրջանակում յուրաքանչյուր տարի ՀՀ պետական բյուջեից գումար է հատկացվում սահմանամերձ 23 համայնքների 82 բնակավայրերի բնակիչներին, որը կարող է ուղղվել բնական գազի, էլեկտրաէներգիայի և ոռոգման ջրի սակագնի մասնակի փոխհատուցմանը և անշարժ գույքի հարկի ամբողջական փոխհատուցմանը։ 

Պետությունն աջակցում է բնակարանների և տների էներգախնայող վերանորոգմանը: Այս ծրագրով վերանորոգման վարկերի տոկոսները վճարվում են պետության կողմից՝ առավելագույնը 7 տարի ժամկետով: Սա թույլ է տալիս բնակիչներին իրականացնել էներգաարդյունավետ վերանորոգումներ՝ առանց լրացուցիչ տոկոսավճարների բեռի:

Բնակարանի վաճառքի պայմանագիրը (անշարժ գույքի վաճառքի պայմանագիր) կնքվում է 2 գրավոր օրինակից` կողմերի ստորագրությամբ։

Պայմանագիրը ենթակա է հաստատման՝ Կադաստրի կոմիտեի կամ նոտարի կողմից։ 

Բնակարանի նկատմամբ սեփականության իրավունքի պետական գրանցումը կարող է կատարվել ցանկացած նոտարական գրասենյակում: Կնքվում է բնակարանի սեփականության իրավունքի փոխանցման պայմանագիր, որի վավերացման և նոտարի ծառայության համար անհրաժեշտ է վճարել։ 

Արդյունքում բնակարանի սեփականության վկայականը գնորդին տրամադրվում է նոտարական գրասենյակի միջոցով։  

Այս ծրագրի նպատակը երիտասարդ ընտանիքների բնակարանային (բնակելի տան) ձեռքբերման համար աջակցության տրամադրումն է։

Ծրագրի շահառուները կարող են պետության կողմից սուբսիդավորում ստանալ նաև բնակարանը երկրորդային շուկայից ձեռք բերելու դեպքում։

Բնակարանի վաճառքից հետո բնակարանի նկատմամբ սեփականության իրավունքը գնորդի անունով ձևակերպելու համար անհրաժեշտ է դիմել Կադաստրի կոմիտե։

Բնակարանի նկատմամբ (անշարժ գույք) սեփականության իրավունքի պետական գրանցումը Կադաստրի կոմիտեում կարող է իրականացվել առցանց տարբերակով կամ ֆիզիկապես ներկայանալով։   

Նոտարի մոտ բնակարանի գնման իրավունքի ձեռքբերման պայմանագիրը կնքելուց հետո գնման իրավունքը գրանցվում է ՀՀ անշարժ գույքի գրանցման կադաստրի կոմիտեում: 

Դա կատարվում է տվյալ գույքը որպես այլ անձանց սեփականություն գրանցելը կամ գույքի վաճառքը միաժամանակ մեկից ավելի անձանց բացառելու համար։   

Ծրագրի շրջանակում աջակցություն է տրամադրվում սահմանամերձ գյուղական բնակավայրերում անհատական բնակելի տուն կառուցելու նպատակով հիպոթեքային վարկ ստացած շահառուներին, որն ուղղվում է հիպոթեքային վարկի ամենամսյա մայր գումարի և տոկոսագումարների մարմանը։
Աջակցությունը տրամադրվում է ՀՀ բնակչության պետական ռեգիստրում հաշվառում ունեցող ամուսիններին, որոնցից առնվազն մեկը ՀՀ քաղաքացի է։ 

Բնակարանի ձեռքբերումը Կադաստրի պետական կոմիտեում իրականացնելու դեպքում կնքվում է Անշարժ գույքի վաճառքի պայմանագիր։

Անշարժ գույքի վաճառքի պայմանագիրը Կադաստրի կոմիտեում կնքվում է 2 գրավոր օրինակից և հաստատվում կողմերի ստորագրությամբ։

Կոմունալ վճարումները գազի, ջրի և էլեկտրաէներգիայի սպառման պարտադիր վճարներ են, որոնք կատարվում են յուրաքանչյուր ամիս` մինչև ամսի 20-ը։

Նախագծման թույլտվությունը (ճարտարապետահատակագծային առաջադրանք) սահմանում է քաղաքաշինական օբյեկտի նախագծի մշակման պարտադիր պայմանները, պահանջներն ու uահմանափակումները, ներառում է պատմամշակութային ժառանգության, քաղաքաշինական, բնապահպանական, սանիտարահիգիենիկ, հակահրդեհային, բնակչության և սակավաշարժ խմբերի պաշտպանության և այլ պահանջներ։

Այս թույլտվույամբ են սահմանվում նաև նախագծի մշակման փուլերը, նախագծման տեխնիկական պայմանները և նախագծման թույլտվության գործողության ժամկետը:

Նախագծման թույլտվությունը (ճարտարապետահատակագծային առաջադրանք) սահմանում է քաղաքաշինական օբյեկտի նախագծի մշակման պարտադիր պայմանները, պահանջներն ու uահմանափակումները, ներառում է պատմամշակութային ժառանգության, քաղաքաշինական, բնապահպանական, սանիտարահիգիենիկ, հակահրդեհային, բնակչության և սակավաշարժ խմբերի պաշտպանության և այլ պահանջներ։

Այս թույլտվույամբ են սահմանվում նաև նախագծի մշակման փուլերը, նախագծման տեխնիկական պայմանները և նախագծման թույլտվության գործողության ժամկետը:

Տրամադրված շինարարության (քանդման կամ ապամոնտաժման) թույլտվության հիման վրա նախատեսվող աշխատանքները սկսելուց առնվազն 3օր առաջ կառուցապատողը պարտավոր է այդ մասին համապատասխան տեղեկանքով իրազեկել Երևանի քաղաքապետարանին:

Տեղականը չներկայացնելու դեպքում կառուցապատման օբյեկտի համար տրված շինարարության թույլտվությունը Երևանի քաղաքապետարանի կողմից ժամանակավորապես կարող է կասեցվել։ 

Տեղեկանքը հնարավոր է ներկայացնել ֆիզիկապես և առցանց եղանակով։

Ավարտված շինարարական օբյեկտի հաստատված նախագծային փաստաթղթերին և նորմատիվ -տեխնիկական փաստաթղթերի պարտադիր պահանջներին համապատասխանությունը հավաստվում է Ընդունող հանձնաժողովի ակտով և հիմնավորվում է կատարողական փաստաթղթերով կամ կառուցված օբյեկտի տեխնիկական վիճակի (մասնավորապես՝ շահագործման ենթակա լինելու) մասին համապատասխան հետազննության դրական եզրակացությամբ։

Ակտը ստանալու համար հնարավոր է դիմել ֆիզիկապես։

Ավարտական ակտը հավաստում է շենքերի, շինությունների ճարտարապետաշինարարական նախագծային փաստաթղթերով նախատեսված շինարարության թույլտվություն պահանջող բոլոր շինարարական աշխատանքների իրականացման ավարտը:

Ավարտական ակտի բաղկացուցիչ է նաև Շահագործման թույլտվությունը, որը հավաստում է ավարտված շինարարական օբյեկտի՝ ըստ դրա գործառնական նշանակության շահագործման իրավունքը։

Ավարտական ակտը (Շահագործման թույլտվությունը) համարվում է հիմք՝ կառուցված օբյեկտի և դրա կազմում ստորաբաժանված միավորների նկատմամբ գույքային իրավունքների գրանցման կամ ՀՀ օրենսդրությամբ նախատեսված դեպքերում` տվյալ օբյեկտի շահագործման իրավունքի ամրագրված սահմանափակումը դադարեցնելու համար:

Շինարարությունը ավարտելուց հետո անհրաժեշտ է կազմել ավարտված շինարարական օբյեկտի շահագործման ընդունող հանձնաժողով և նրա կազմում ընդգրկել Երևանի քաղաքապետարանի
աշխատակազմի ներկայացուցչին կամ ներկայացուցիչների։

Ընդունող հանձնաժողովը ձևավորում և ղեկավարում է կառուցապատողը կամ նրա օրինական ներկայացուցիչը, իսկ հանձնաժողովի աշխատանքն իրականացվում է կառուցապատողի հաշվին։ 

Բանկում հիպոթեքային վարկի պայմանագիրը հաստատելուց հետո նոտարի մոտ կնքվում է բնակարանի գնման իրավունքի ձեռքբերման վերաբերյալ պայմանագիր։

Պայմանագիրը կնքել հնարավոր է միայն ֆիզիկապես նոտարի գրասենյակ կողմերի այցելության միջոցով։   

Ծրագրի շրջանակում միանվագ դրամական աջակցություն է տրամադրվում մարզային բնակավայրերում հիպոթեքային վարկով բնակարան ձեռք բերելու կամ անհատական բնակելի տուն կառուցելու նպատակով։