Դիմելու համար անհրաժեշտ է

Կադաստրի պետական կոմիտեում անշարժ գույքի վաճառքի պայմանագիրը կնքելու համար անհրաժեշտ է ներկայանալ ֆիզիկապես; 

Ներկայացվող պահանջները

Բնակարանի վաճառքի պայմանագիրը Կադաստրի պետական կոմիտեում կնքելու ընթացքում պետք է անպայման ներկա լինեն գնորդը և բնակարանի բոլոր սեփականատերերը։

Անհրաժեշտ փաստաթղթերը

Բնակարանի վաճառքի պայմանագիրը կնքելու համար պետք է ներկայացնել հետևյալ փաստաթղթերը․ 

• վաճառողի (նաև՝ մյուս բոլոր սեփականատերերի) և գնորդի անձնագրերը,
• բնակարանի սեփականության իրավունքի վկայականը,
• միասնական տեղեկանք։ 

Պայմանագրի ստորագրման կարգը և վճարը

Պայմանագիրը ստորագրվում է գնորդի, վաճառողի, առկայության դեպքում՝ նաև մյուս սեփականատերերի կողմից և հաստատվում է Կադաստրի կոմիտեի ներկայացուցչի կողմից։ Ծառայությունն անվճար է։ 

Պայմանագրում գրանցվում են՝

• պայմանագրի կնքման վայրը, ամսաթիվը,
• գնորդի և վաճառողի անձնական տվյալները,
• բնակարանի մասին տվյալներ,
• տվյաներ այն մասին, որ գույքը վաճառված կամ դատական վեճի առարկա չէ, գույքը վաճառելու սահմանափակում չկա,
• անշարժ գույքի գինը,  վճարման ժամկետը (եթե վճարումը դեռ չի կատարված, վճարման ակնկալվող օրը կամ ժամկետը),
• նշում անշաժ գույքը գնորդին հանձնելու օրվա վերաբերալ,
• նշում գույքային իրավունքների պետական գրանցման ծախսերը կատարող կողմի մասին։  

Հղում օրենսդրությանը 

• ՀՀ քաղաքացիական օրենսգիրք
• ՀՀ կառավարության 2011 թվականի դեկտեմբերի 22-ի N 1851-Ն որոշում

Օրենսդրական ակտերը հնարավոր է գտնել arlis.am կայքում։