Գազի սպառման բաժանորդ դառնալու համար անհրաժեշտ է ֆիզիկապես դիմում (տրամադրվում է տեղում) ներկայացնել գազի տարածքային սպասարկման գրասենյակ՝ ներկայացնելով պահանջվող փաստաթղթերը:

Ներկայացվող պահանջները 

Բաժանորդագրության համար անհրաժեշտ է ունենալ անշարժ գույքի սեփականության կամ գնման իրավունքի վկայական։ Վարձակալի կողմից դիմում ներկայացվելու դեպքում՝ սեփականատիրոջ գրավոր համաձայնությունը։

Պահանջվող փաստաթղթերը

Դիմում կից՝ անհրաժեշտ է ներկայացնել․

• անձնագիր կամ նույնականացման քարտ,
• անշարժ գույքի սեփականության իրավունքի վկայական,
• կամ անշարժ գույքի գնման իրավունքի վկայական,
• վարձակալի դեպքում՝ սեփականատիրոջ գրավոր համաձայնությունը։

Վճարման չափը

Անհրաժեշտ է կատարել հետևյալ վճարումները․

• դիմումի համար՝ 10,000 դրամ,
• հրշեջ ծառայության համար՝ 7,000 դրամ,
• կատարողականի համար՝ 7,000 դրամ (գազի միացումներից հետո)։

Ուշադրություն

Բացի վերը նշված վճարումներից՝ պետք է նաև վճարել գազի խողովակների, անհրաժեշտ նյութերի և այլ պարագանների համար։ Գումարի չափը կախված է խողովակների մետրաժից։

Տրամադրման ժամկետը և կարգը

• Դիմումից հետո 7-10 աշխատանքային օրվա ընթացքում գազի տեսուչը պետք է տնայց կատարի՝ գազի նախագծային չափագրումները կատարելու համար։
• Բաժանորդագրության ընդհանուր ժամկետը տևում է առավելագույնը 15 աշխատանքային օր։
• Գազի խողովակները տեղադրելուց հետո դիմողը կնքոմ է համապատասխան պայմանագիր, որի հիման վրա էլ հետագայում կատարում է գազի սպառման կոմունալ վճարը, որի կոդը սովորաբար լինում է պայմանագրի կոդը կամ բաժանորդի հեռախոսահամարը։
  
  

Հղում օրենսդրությանը

• ՀՀ հանրային ծառայությունները կարգավորող հանձնաժողովի՝ 2005 թվականի N 95-Ն որոշում
• «Պետական տուրքի մասին» ՀՀ օրենք

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակը):