Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

Անշարժ գույքի ավարտական ակտի (շահագործման թույլտվության) ստացման համար անհրաժեշտ է․

• անցնել «ԵսԵմ» նույնականացում,
• դիմորդի էջում լրացնել անհրաժեշտ տվյալները,
• ընտրել ավարտական ակտի ստացման ենթակա գույքը,
• հերթականությամբ լրացնել անհրաժեշտ տվյալները` ընտրելով մարզը, համայնքը և բնակավայրը և հանձնել դիմումը։ 
  
  

Ներկայացվող պահանջները

Կառուցապատման ավարտական ակտը ստանալու համար անհրաժեշտ է ունենալ․

• ընդունող հանձնաժողովի ակտը՝ ստորագրված հանձնաժողովի բոլոր անդամների կողմից,
• շինության սեփականության իրավունքի վկայականը։
  
  

Պահանջվող փաստաթղթերը

Կառուցապատման ավարտական ակտը ստանալու համար անհրաժեշտ է ներկայացնել․

• դիմողի անձը հաստատող փաստաթղթի պատճենը՝ ֆիզիկական անձի դեպքում (իրավաբանական անձի դեպքում՝ պետական ռեգիստրի գրանցման վկայականի պատճենը), իսկ կառուցապատողի փոխարեն իր օրինական ներկայացուցչի հանդես գալու դեպքում՝ նաև համապատասխան լիազորագիրը,
• ընդունող հանձնաժողովի ակտը,
• կատարողական փաստաթղթերի ցանկը կամ շինությունը շահագործման ենթակա լինելու վերաբերյալ համապատասխան տեխնիկական հետազննության դրական եզրակացությունը։
  
  

Վճարման չափը և կարգը

Կառուցապատման ավարտական ակտի համար նախատեսված են տեղական տուրքեր, որոնց չափը որոշում է համայնքի ավագանին։

Տրամադրման կարգը և ժամկետը

• Դիմելուց հետո տրամադրված էլեկտրոնային փոստի հասցեին և հեռախոսահամարին դիմողն անմիջապես ստանում է ծանուցում, որտեղ նշված է թվային ծածկագիր, որի միջոցով հնարավոր է առցանց հետևել դիմումի ընթացքին։ 
• Կառուցապատման ավարտական ակտը տրամադրվում է դիմումը ներկայացնելուց հետո մինչև 5 աշխատանքային օրվա ընթացքում՝ ըստ շինության ռիսկայնության 1-ից 4-րդ աստիճանի, որը սահմանում է ՀՀ քաղաքաշինության կոմիտեն։
• Որոշ դեպքերում հնարավոր է կառուցապատման ավարտական ակտը համայնքապետարանի կողմից տրամադրվի 1-3 ամսվա ընթացքում։
  
  

Հղում օրենսդրությանը

• «Քաղաքաշինության մասին» ՀՀ օրենք

• «Պետական տուրքի մասին» ՀՀ օրենք

• ՀՀ կառավարության՝ 2015 թվականի մարտի 19-ի N 596-Ն որոշում

• ՀՀ Երևան քաղաքի ավագանու՝ 2023 թվականի դեկտեմբերի 26-ի N 42-Ն որոշում

Իրավական ակտերը հնարավոր է գտնել arlis.am-ում։