Անապահովության գնահատման համակարգից օգտվելու իրավունք ունեն սոցիալապես անապահով ճանաչված ընտանիքները:
ԲԵՏԱ
Հարթակը մշակման փուլում է․ ձեր կարծիքը կօգնի մեզ բարելավել այն:
Հաղթահարել ժամանակավոր դժվարությունները
Ընտանիքի անապահովության գնահատման համակարգը ստեղծում է հնարավորություններ ոչ միայն սոցիալական վիճակի գնահատման և նպաստի ստացման համար, այլև սոցիալապես անապահով, բայց աշխատունակ անձանց համար՝ աշխատանք գտնելու, կրթության կարիք ունեցողների համար՝ կրթվելու և այլ աջակցող միջոցներից օգտվելու հնարավորություններ, որոնք էականորեն բարելավում են մարդու կյանքի որակը։
Ժամանակավոր դժվարությունները հաղթահարելու համար ստեղծվել են նպաստի նշանակման և ստացման, դրամական, աշխատանքի, կրթության, անհուսալի վարկերի մարման, ծննդյան և թաղման, առաջին դասարան ընդունվողների հրատապ կամ եռամսյա օգնության նախաձեռնություններ, որոնք օգնում են դժվարին իրավիճակում հայտնված անձանց ստանալ աջակցություն և հաղթահարել դրանք։
Անապահովության գնահատման համակարգ
Անապահովության գնահատման նոր համակարգի միջոցով հնարավոր է ոչ միայն ստանալ անապահովության մակարդակի գնահատում, այլև հնարավոր է անցնել աշխատանքի, ստանալ կրթություն, ձեռք բերել բնակարան կամ ստանալ անհրաժեշտ խնամք։
Անապահովության գնահատումն իրականացվում է գնահատման օնլայն համակարգի միջոցով և մի քանի փուլով՝
- դիմումի ներկայացում,
- դիմումի մշակում և ստուգում,
- stop factor-ների կիրառում և անապահովության մակարդակի որոշում,
- մերժում կամ կեցության պայմանների գնահատում,
- որոշման կայացում։
Առցանց գրանցվել e-social.am կայքում
Սկսել
Ի՞նչ է անապահովության նպաստը
Անապահովության նպաստը նշանակվում է սոցիալապես անապահով գնահատված ընտանիքներին։ Անապահովության նպաստի նշանակման չափերի և ժամկետների համար խիստ կարևոր են ընտանիքի անդամների եկամուտների չափերը։
Անապահովության նպաստ ստանալու իրավունք ունեն այն ընտանիքները, որոնց մեկ հաշվարկային անդամի հաշվով ամսական եկամտի չափը ցածր է անապահովության սահմանային շեմից, այսինքն՝ պարենային զամբյուղի արժեքից (Վիճակագրական կոմիտեի 2024 թվականի 3-րդ եռամսյակի հրապարակած պարենային զամբյուղի արժեքը 31,053 դրամ է):
Ընտանիքի մեկ հաշվարկային անդամի ամսական եկամուտը հաշվարկելու նպատակով ընտանիքի բոլոր անդամների՝ գնահատման կարգով հաշվարկվող եկամուտների հանրագումարը բաժանվում է ընտանիքի անդամների հաշվարկային թվի վրա։
Ընտանիքի անդամների հաշվարկային թիվը ձևավորվում է գործակիցների հիման վրա ստացված թվերը գումարելով՝
- 18 և ավելի տարեկան անձի գործակիցը՝ 1.
- 15-17 տարեկան անձի գործակիցը՝ 0․7.
- 10-14 տարեկան անձի գործակիցը՝ 0․55.
- 0-9 տարեկան անձի գործակիցը՝ 0․45։
Անապահովության նպաստ ստանալու իրավունք տվող սահմանային շեմը սահմանվում է՝ հիմք ընդունելով ՀՀ վիճակագրական կոմիտեի՝ նախորդ տարվա երրորդ եռամսյակի համար հրապարակված նվազագույն պարենային զամբյուղի արժեքի նկատմամբ հաշվարկված տոկոսը։
Վիճակագրական կոմիտեի 2024 թվականի 3-րդ եռամսյակի հրապարակած պարենային զամբյուղի արժեքը 31,053 դրամ է։
Սահմանված է անապահովության 4 աստիճան՝ ծայրահեղ անապահով, չափավոր անապահով, միջին անապահով և անապահով:
Անապահովության նպաստի նվազագույն չափը չի կարող ցածր լինել ՀՀ վիճակագրական կոմիտեի՝ նախորդ տարվա երրորդ եռամսյակի համար հրապարակված նվազագույն պարենային զամբյուղի արժեքի 10 տոկոսի արժեքից։
Վիճակագրական կոմիտեի 2024 թվականի 3-րդ եռամսյակի հրապարակած պարենային զամբյուղի արժեքը 31,053 դրամ է։
Անապահովության նպաստ ստանալու իրավունքը ծագում է անապահովության նպաստ նշանակելու օրվա դրությամբ, և անապահովության նպաստը վճարվում է դիմելու օրվա ամսվան հաջորդող ամսվանից մինչև նպաստի իրավունքի դադարեցման հիմքի առաջացումը, սակայն ոչ ավելի, քան 12 ամիս ժամկետով:
Անապահովության նպաստի նշանակումը մերժվում է երբ՝
- դիմումը, դրանում ներկայացված տվյալները կամ փաստաթղթերը չեն
համապատասխանում սահմանված պայմաններին և պահանջներին, - ընտանիքի 1 հաշվարկային անդամի ամսական եկամտի չափը բարձր է ՀՀ կառավարության կողմից տվյալ տարվա համար սահմանված անապահովության նպաստ ստանալու իրավունք տվող սահմանային շեմից
- առկա է սահմանված որևէ բացառող գործող կամ ընտանիքի կեցության
պայմանների ուսումնասիրությանը արդյունքը 0 է, - ընտանիքի համար հաշվարկված անապահովության նպաստի չափը ցածր է ՀՀ կառավարության կողմից տվյալ տարվա համար սահմանված
անապահովության նպաստի նվազագույն չափից, - անապահովության նպաստ ստանալու համար դիմողի կողմից ներկայացվել են ոչ
հավաստի կամ կեղծ տվյալներ, - սահմանված դեպքերում և կարգով ընտանիքի անդամի՝ որպես
աշխատանք փնտրող անձի կողմից հաշվառվելու համար դիմում չներկայացվելու դեպքում։
Անապահովության նպաստը տրամադրվում է 12 ամիս ժամկետով։
Անապահովության նպաստ ստանալու իրավունքը դադարում է երբ՝
- պարզվում է, որ ընտանիքի որևէ անդամի համար ներկայացված՝ անապահովության
նպաստ ստանալու իրավունքի որոշման համար հիմք հանդիսացող տվյալները (փաստաթղթերը) հավաստի չեն կամ կեղծ են, - ընտանիքի 1 հաշվարկային անդամի ամսական եկամտի չափը բարձր է ՀՀ կառավարության կողմից տվյալ տարվա համար սահմանված անապահովության նպաստ ստանալու իրավունք տվող սահմանային շեմից,
- առկա է սահմանված որևէ բացառող գործող կամ ընտանիքի կեցության
պայմանների ուսումնասիրությանը արդյունքը 0 է, - ընտանիքի համար հաշվարկված անապահովության նպաստի չափը ցածր է ՀՀ կառավարության կողմից տվյալ տարվա համար սահմանված
անապահովության նպաստի նվազագույն չափից, - լրացել է անապահովության նպաստ ստանալու իրավունքի համար սահմանված ժամկետը․
- ընտանիքի անդամը դուրս է մնացել պարտադիր կրթությունից,
- մահացել է ընտանիքի միակ անդամը (կամ բոլոր անդամները),
- ընտանիքը հրաժարվել է անապահովության նպաստ ստանալու իրավունքից՝
անհատական օգտահաշվի միջոցով, - ընտանիքի անդամը գրավադրել է անշարժ գույք։
Առցանց գրանցվել e-social.am կայքում
Սկսել
Աջակցության ծրագիր
Առցանց դիմել անապահովության գնահատման և նպաստ ստանալու համար
Սկսել
Կյանքի դժվարին իրավիճակում գտնվողներին տրամադրվող աջակցությունները
Սոցիալական նպաստի նշանակումը աջակցության միայն մեկ տեսակ է։ Կախված ընտանիքի կարգավիճակից, անդամների քանակից, եկամտի չափից՝ կան աջակցության տարբեր տեսակներ՝ դրամական աջակցություններ, ֆունկցիոնալության մակարդակի գնահատում և դրա դիմաց տրվող աջակցություններ, անձնական օգնականի աջակցություն, անհուսալի վարկերի աջակցություն, ծննդյան և մահվան, կրթության և աշխատանքի աջակցություններ։
Անվճար առողջապահական աջակցություն տրամադրվում է ստորին, միջին և ծայրահեղ աստիճանի անապահով ընտանիքներին:
Կրթական ոլորտի աջակցություններից օգտվելու իրավունք ունեն ստորին, միջին և ծայրահեղ աստիճանի անապահով ընտանիքների անդամները։
Անկախ առաջադիմությունից՝ անվճար կրթության հասանելիություն կունենան ստորին անապահովության աստիճան ունեցող ընտանիքներից արհեստագործական մասնագիտական ուսումնական հաստատությունում սովորողները, իսկ միջին մասնագիտական կամ բուհում սովորողների դեպքում՝ կտրամադրվի ուսման վճարի 30-100% չափով փոխհատուցում՝ կախված առաջադիմությունից:
Ստորին աստիճանի անապահով ընտանիքները կարող են ստանալ պետական տուրքից ազատվելու արտոնություն
Ընտանիքի աշխատունակ համարվող անձը, ով ներկայացրել է աշխատանք փնտրելու վերաբերյալ դիմում, ներառվում է աշխատունակ անձանց ակտիվացման ինտեգրված ծրագրին։
Աշխատունակ է համարվում 18-62 տարեկան հաշմանդամության 1-ին կամ 2-րդ խումբ կամ ֆունկցիոնալության ծանր կամ խորը սահմանափակում չունեցող անձը։
Սոցիալապաես անապահով ճանաչված ընտանքիները ստանում են իրավունք վճարելու կոմունալ վճարները 20% զեղչով։
Տրամադրվող այլ աջակցություններ
Սոցիալապես անապահով ընտանիքներին տրամադրվում են նաև անհուսալի վարկերի մարման, ֆունկցիոնալության խնդիրների, ինչպես նաև՝ ԼՂ-ից բռնի տեղահանված անձանց համար աջակցություններ, որոնց մասին մանրամասները կարող եք գտնել ստորև ներկայացված ուղեցույցներում ու բաժիններում։
Անհուսալի վարկերը մարելու աջակցություն
Մինչև 2026 թվականի հունվարի 31-ը դիմող գրանցված աշխատողները կարող են ստանալ անհուսալի վարկերի մարման աջակցություն։
Աջակցությունը տրամադրվում է առավելագույնը 1 միլիոն և նվազագույնը 3 տարվա անհուսալիության ժամկետ ունեցող վարկերի համար։
Աջակցության ծրագիր
Առցանց դիմել անհուսալի վարկերը մարելու համար աջակցության ծրագրին
Սկսել
Հրատապ կարիքի հաշվառում
Կյանքի դժվարին իրավիճակում գտնվող անձանց տրամադրվում են տարբեր աջակցություններ, որոնցից մեկն էլ հրատապ կարիքի հաշվառումն է, որի արդյունքում անձանց տրամադրվում է սննդի, կացարանի, կենցաղային պարագաների կամ խնամքի աջակցություն։
Տրամադրման ենթակա կարիքները 14-ն են, սակայն անձն իրավունք ունի ընտրելու դրանցից միայն 5-ը։
Աջակցության ծրագիր
Ստանալ աջակցություն հրատապ կարիքի դեպքում
Սկսել
Ֆունկցիոնալության գնահատում, հաշմանդամության նպաստ
Ֆունկցիոնալության որևէ աստիճանի խնդիր ունենալու դեպքում անձին տրամադրվում են ամենատարբեր աջակցությունները՝ աջակցող միջոցների տրամադրում և անձնական օգնականի ծառայություն։
Ուղեցույցում կարող եք գտնել ֆունկցիոնալության գնահատման կարգի, հաշմանդամության նպաստի նշանակման ժամկետների, ֆունկցիոնալության խնդիր ունեցող անձանց տրամադրվող աջակցությունների ժամկետների և կարգերի մասին մանրամասն տեղեկատվություն։
ԼՂ-ից բռնի տեղահանվածներին տրվող աջակցություն
Կյանքի դժվարին իրավիճակում գտնվող անձանց տրամադրվում է նաև աջակցությունների առանձին խումբ, եթե նրանք ԼՂ-ից բռնի տեղահանված են։
Աջակցությունների ցանկում ներառված են դրամական, բժշկական, աշխատանքային, բնակարանային, ֆինանսական, նպաստների ստացման ծառայություններ։
Հրատապ օգնություններ
Եռամսյա հրատապ օգնությունը տրամադրվում է սոցիալապես անապահով չճանաչված ընտանիքներին, որոնց 1 հաշվարկային անդամի ամսական եկամտի չափը ցածր է ՀՀ կառավարության կողմից տվյալ տարվա համար սահմանված՝ անապահովության նպաստ ստանալու իրավունք տվող սահմանային շեմի 130 տոկոսի արժեքից։
Եռամսյա հրատապ օգնություն
Եռամսյա հրատապ օգնություն ստանալու իրավունքը ծագում է այն նշանակելու օրվա դրությամբ և վճարվում է դիմելու օրվա ամսվան հաջորդող ամսից՝ մինչև դադարեցման հիմքի առաջացումը, սակայն ոչ ավելի քան 3 ամիս ժամկետով։
- անապահովության գնահատման և եռամսյա հրատապ օգնություն ստանալու համար
ներկայացված դիմումները և դրանցում ներկայացված տվյալները կամ փաստաթղթերը չեն
համապատասխանում օրենսդրությամբ և սույն որոշմամբ սահմանված պայմաններին և
պահանջներին, - ընտանիքի 1 հաշվարկային անդամի ամսական եկամտի չափը բարձր է ՀՀ կառավարության կողմից տվյալ տարվա համար սահմանված անապահովության նպաստ ստանալու իրավունք տվող սահմանային շեմի 130 տոկոսից,
- առկա է որևէ բացառող գործող կամ ընտանիքի կեցության պայմանների ուսումնասիրության արդյունքը 0 է,
- ընտանիքը ձեռք է բերել անապահովության նպաստ ստանալու իրավունք,
- դիմողի կողմից ներկայացվել են կեղծ կամ ոչ հավաստի տվյալներ,
- ընթացիկ տարվա ընթացքում ընտանիքին 3 անգամ նշանակվել է եռամսյա հրատապ
օգնություն, - սույն որոշմամբ սահմանված դեպքերում և կարգով ընտանիքի անդամի՝ որպես
աշխատանք փնտրող անձի կողմից հաշվառվելու համար դիմում չներկայացվելու դեպքում։
- պարզվում է, որ ընտանիքի որևէ անդամի համար ներկայացված՝ եռամսյա հրատապ
օգնություն ստանալու իրավունքի որոշման համար հիմք հանդիսացող տվյալները
(փաստաթղթերը) հավաստի չեն կամ կեղծ են, - ընտանիքի 1 հաշվարկային անդամի ամսական եկամտի չափը բարձր է ՀՀ կառավարության կողմից տվյալ տարվա համար սահմանված անապահովության նպաստ ստանալու իրավունք տվող սահմանային շեմի 130 տոկոսից,
- առկա է սահմանված որևէ բացառող գործող կամ ընտանիքի կեցության
պայմանների ուսումնասիրությանը արդյունքը 0 է, - ընտանիքը ձեռք է բերել անապահովության նպաստ ստանալու իրավունք,
- լրացել է եռամսյա հրատապ օգնություն ստանալու համար սահմանված ժամկետը․
- մահացել է ընտանիքի միակ անդամը (կամ բոլոր անդամները),
- ընտանիքը հրաժարվել է եռամսյա հրատապ օգնություն ստանալու իրավունքից`
անհատական օգտահաշվի միջոցով, - ընտանիքի անդամը դուրս է մնացել պարտադիր կրթությունից,
- ընտանիքի անդամի կողմից գրավադրվել է անշարժ գույք։
Եռամսյա հրատապ օգնություն կարող է նշանակվել սոցիալական նպաստի չափով` 3 ամիս ժամկետով այն դեպքերում, երբ ընտանիքը ձեռք չի բերել ընտանեկան կամ սոցիալական նպաստի իրավունք, սակայն ունի անապահովության 0-ից բարձր միավոր։
․
Ծննդյան և թաղման հրատապ օգնություններ
Երեխայի ծննդյան միանվագ հրատապ օգնությունը տրամադրվում է ընտանեկան նպաստի իրավունք ունեցող ընտանիքներում երեխայի ծննդյան ժամանակ։
Ծննդյան միանվագ հրատապ օգնության չափը 50,000 դրամ է։
Ընտանիքի անդամի, որը կենսաթոշակառու կամ հաշմանդամության կամ ծերության նպատառու չէ, մահվան դեպքում տրամադրվում է թաղման միանվագ հրատապ օգնություն ընտանեկան նպաստի իրավունք ունեցող ընտանիքներին։
Թաղման միանվագ հրատապ օգնության չափը կազմում է 50,000 դրամ։
Առաջին դասարան ընդունվելու հրատապ օգնություն
Երեխայի՝ առաջին դասարան ընդունվելու միանվագ հրատապ օգնության իրավունք ունի
դիմելու ամսվա դրությամբ անապահովության նպաստի իրավունք ունեցող այն ընտանիքը, որի
անչափահաս անդամներից մեկն ընդունվել է հանրակրթական ուսումնական հաստատության
առաջին դասարան:
Երեխայի՝ առաջին դասարան ընդունվելու միանվագ հրատապ օգնություն ստանալու
համար ընտանիքի չափահաս անդամներից մեկը անհատական օգտահաշվի միջոցով
ներկայացնում է դիմում։
Երեխայի՝ առաջին դասարան ընդունվելու համար միանվագ հրատապ օգնությունը վճարվում է դիմելու ամսվան հաջորդող ամսվա ընթացքում։
Երեխայի առաջին դասարան ընդունվելու միանվագ հրատապ օգնության նշանակման
կամ մերժման դեպքում ձևավորվում է Կարգադրություն՝ դիմումի ներկայացման պահից 30 օրվա ընթացքում։
Ո՞ր դեպքում չի տրամադրվում աջակցություն
Անապահովության գնահատման, դրա նշանակման, հրատապ օգնությունների տրամադրման համար անհրաժեշտ է բավարարել սահմանված պայմաններին։ Դրանցից հատկապես կարևոր են զտիչներն ու բացառող գործոնները, որոնց առկայության կամ բացակայության հիմքով էլ նշանակվում կամ մերժվում են վերը նշված նպաստներն ու օգնությունները։
Նպաստի տրամադրումը կարող է մերժվել՝
- Եթե սոցիալապես անապահով ճանաչված ընտանիքում ձեռք բերված շարժական գույքը գերազանցում է գույքահարկի սահմանված շեմը (2015թ․-ից թվականից հետո արտադրված մեքենաներ կամ 12․000 դրամը գերազանցող գույքահարկ ունեցող մեքենաներ)։
- Եթե ձեռք բերված անշարժ գույքը գերազանցում է գույքահարկի սահմանված հանրագումարային շեմը (2800 դրամ՝ մարզերում, 8000 դրամ՝ Երևանում)։
Եթե առկա են խնայողություններ, որոնք ստուգվում են բանկային հաշվիների միջոցով, կամ եթե վարկային պարտավորությունները գերազանցում են այդ տարվա համար սահմանված շեմը։ Այս 2 դեպքերում կարող է նպաստի տրամադրումը մերժվել։
Ձեռնարկատիրական գործունեությամբ զբաղվելու հանգամանքը կարող է հիմք հանդիսանալ, որպեսզի մերժվի տրամադրվող անապահովության նպաստը։
Բացառություն են կազմում անհատ ձեռնարկերերերը, եթե չունեն վարձու աշխատողներ։
Այո՛, սահմանափակող գործոններ են առաջանում եթե՝
- Սպառած էլեկտրաէներգիայի միջին ամսական չափը՝ ամառային ամիսներին սահմանված շեմը գերազանցում է (w = 80 կՎտ.ժամ + 20 կՎտ . ժամ x n)
- Սպառած բնական գազի միջին ամսական չափը՝ տարեկան սահմանված շեմը գերազանցում է (w = 600 խոր․մ․ + 110 խոր․մ․ x n)
Ապրանքների ներմուծման և արտահանման համար ընտանիքի անդամներից մեկի կողմից նախորդ ամսվա ընթացքում կատարվել են մաքսային վճարներ։
Տունայցի ընթացքում բարեկեցության գործիքի կիրառման արդյունքում ընտանիքը բարեկեցիկ է ճանաչել։
Անապահովության նպաստի նշանակումը դադարում է 2 դեպքում՝
- անշարժ գույքի գրավադրմամբ վարկի ձևակերպում,
- պարտադիր կրթությունից դուրս մնալ։
Ուղեցույցը կազմվել է Հայաստանի տեղեկատվական համակարգերի գործակալության և ՀՀ աշխատանքի և սոցիալական հարցերի նախարարության կողմից
Այս էջը օգտակա՞ր էր