Եռամսյա հրատապ օգնությունը վճարվում է դիմելու ամսվան հաջորդող ամսից սկսած՝ առավելագույնը 3 ամիս ժամկետով, քանի դեռ չեն առաջացել այն դադարեցնելու հիմքեր:

Եռամսյա հրատապ օգնությունը մերժվում է, եթե․

• անապահովության գնահատման և եռամսյա հրատապ օգնություն ստանալու համար ներկայացված դիմումները և դրանցում ներկայացված տվյալները կամ փաստաթղթերը չեն համապատասխանում ներկայացվող պահանջներին,
• ընտանիքի 1 հաշվարկային անդամի ամսական եկամտի չափը բարձր է ՀՀ կառավարության կողմից տվյալ տարվա համար սահմանված անապահովության նպաստ ստանալու իրավունք տվող սահմանային շեմի 130 տոկոսից,
• առկա է որևէ բացառող գործող կամ ընտանիքի կեցության պայմանների ուսումնասիրության արդյունքը 0 է,
• ընտանիքը ձեռք է բերել անապահովության նպաստ ստանալու իրավունք,
• դիմողի կողմից ներկայացվել են կեղծ կամ ոչ հավաստի տվյալներ,
• ընթացիկ տարվա ընթացքում ընտանիքին 3 անգամ նշանակվել է եռամսյա հրատապ
  օգնություն,
• ընտանիքի անդամը չի ներկայացրել հայտ և չի հաշվառվել որպես աշխատանք փնտրող անձ։

Եռամսյա հրատապ օգնության տրամադրումը դադարեցվում է, եթե.

• պարզվում է, որ ներկայացված փաստաթղթերը կեղծ են կամ ոչ հավաստի,
• ընտանիքի մեկ անդամին ընկնող ամսական եկամուտը գերազանցում է սահմանված թույլատրելի շեմը,
• ի հայտ են գալիս օգնության տրամադրումը բացառող հանգամանքներ, կամ տան պայմանների ստուգման արդյունքում 0 միավոր է ստացվել,
• ընտանիքն ստացել է անապահովության նպաստ ստանալու իրավունք,
• լրացել է օգնության սահմանված 3-ամսյա ժամկետը,
• մահացել է ընտանիքի միակ անդամը կամ բոլոր անդամները,
• ընտանիքն անհատական հաշվի միջոցով հրաժարվել է օգնությունից,
• ընտանիքի անդամը դուրս է մնացել պարտադիր կրթությունից,
• ընտանիքի անդամը գրավադրել է անշարժ գույք։

Երեխայի՝ առաջին դասարան ընդունվելու միանվագ հրատապ օգնության իրավունք ունի դիմելու ամսվա դրությամբ անապահովության նպաստի իրավունք ունեցող այն ընտանիքը, որի անչափահաս անդամներից մեկն ընդունվել է հանրակրթական ուսումնական հաստատության առաջին դասարան:

Երեխայի՝ առաջին դասարան ընդունվելու միանվագ հրատապ օգնություն ստանալու համար կարող է դիմել ընտանիքի չափահաս անդամներից մեկը։