Ծրագրի նպատակն է ագրոպարենային ոլորտի տնտեսավարողներին մատչելի պայմաններով՝ լիզինգի մեխանիզմների կիրառմամբ մատակարարել սարքավորումներ։
Հարթակը մշակման փուլում է․ ձեր կարծիքը կօգնի մեզ բարելավել այն:
Գյուղատնտեսություն
Այդ թվում՝ պետական աջակցություն գյուղատնտեսներին
Աջակցություն գյուղատնտեսներին
Ծրագրի հիմնական նպատակը լիզինգային պայմանագրերի միջոցով գյուղատնտեսական հողատեսքերի արդյունավետ օգտագործման և ապրանքային արտադրության կազմակերպման նպաստավոր պայմանների ստեղծումն է։
Ծրագրի նպատակն է ներդրումային ծախսերի մասնակի փոխհատուցման միջոցով նպաստել ՀՀ-ում արդյունաբերական խեցգետնաբուծության ժամանակակից տեխնոլոգիաների ներդրմանը, տեղական արտադրության զարգացմանը։
Ծրագրի շրջանակներում ավելացված արժեքի հարկ (ԱԱՀ) վճարող կազմակերպություններին և անհատ ձեռնարկատերերին տրամադրվում է փոխհատուցում ՀՀ պետական բյուջե վճարված ԱԱՀ-ի գումարի 75%-ի չափով։
Ծրագրի նպատակն է խրախուսել սպանդանոցային սպանդը, ստեղծել հավասար մրցակցային պայմաններ և ազգաբնակչության համար ապահովել որակյալ ու անվտանգ մսամթերքի մատակարարումներ։
Ծրագրի նպատակն է գյուղատնտեսական մշակաբույսերով զբաղեցված մինչև 3 հա հողատարածքներում կաթիլային, անձրևացման ոռոգման արդի համակարգերում ներդրում կատարած ջրօգտագործողների ընկերությունների անդամներին 5 տարի ժամկետով ցուցաբերել ոռոգման ջրի վարձավճարի պետական աջակցություն։
Ծրագրի նպատակն է հողերի միավորման պետական աջակցության միջոցով ապահովել արտադրողականության բարձրացումը և ինքնարժեքի իջեցումը, նոր աշխատատեղերի ստեղծումը, ինչպես նաև նպաստել գյուղատնտեսության ոլորտում ներդրումների ծավալների ավելացմանը։
Ծրագրի շրջանակներում գյուղատնտեսությամբ զբաղվողներին տրամադրվում է աջակցություն այգեգործության զարգացման նպատակով։ Աջակցությունը տրամադրվում է վարկերի տոկոսադրույքների մարման (սուբսիդավորման) միջոցով։
Աջակցությունն ուղղված է՝
- խաղողի, ինտենսիվ պտղատու այգիների և հատապտղանոցների հիմնմանը,
- ոռոգման արդիական համակարգերի և ջրավազանների կառուցմանը կամ ընդլայնմանը,
- բազմամյա տնկարկներում կարկտապաշտպան ցանցերի ներդրմանը,
- ոչ ավանդական բարձրարժեք մշակաբույսերի (ծնեբեկ, բրյուսելյան և պեկինյան կաղամբ, ցուկինի, քաղցր եգիպտացորեն և այլն) մշակմանը: