Ծրագրի մասին

Ծրագրի շրջանակներում տնտեսավարողներին տրամադրվում է հետևյալ գյուղատնտեսական տեխնիկան՝

• տրակտորներ՝ տարբեր մակնիշների,

• կոմբայններ,

• հավաքիչ-մամլիչներ,

• շարքացաններ,

• գութաններ,

• խոտհնձիչներ,

• կարտոֆիլատնկիչներ, կարտոֆիլաքանդիչներ,

• կուլտիվատորներ, ֆրեզներ,

• սրսկիչներ,

• տրակտորային կցասայլակներ և այլ գյուղատնտեսական տեխնիկա։
  
  

Ներկայացվող պահանջները

Աջակցության ծրագրից օգտվելու համար անհրաժեշտ է՝

• ընտրել սարքավորման տեսակը, այն արտադրողին կամ մատակարարին,

• դիմել ծրագրի մասնակից բանկերից և վարկային կազմակերպություններից որևէ մեկին,

• Ֆինանսական կառույցի կողմից վարկունակության պահանջների բավարարման դեպքում վճարել 20% կանխավճարը՝ կնքելով լիզինգի պայմանագիր։ 
  
  

Պահանջվող փաստաթղթերը

Աջակցության չափը

Գյուղտեխնիկայի լիզինգի աջակցության առավելագույն չափը 500 միլիոն դրամ է։

Տրամադրման տևողությունը և կարգը

• Լիզինգի տարեկան տոկոսադրույքը կազմում է 2%, իսկ սոցիալական աջակցություն ստացող սահմանամերձ բնակավայրերի տարածքներում գործունեություն իրականացնող տնտեսավարողների և զինվորական ծառայության պարտականությունների կատարման ժամանակ մարտական հերթապահության կամ գործողությունների իրականացման արդյունքում հաշմանդամ դարձած քաղաքացիների համար՝ 0%։
• Լիզինգի մարման ժամկետը՝ կոմբայնների համար կազմում է 10, տրակտորների համար՝ 6, շարքացանների, հավագիչ-մամլիչների համար՝ 3-6, այլ գյուղատնտեսական տեխնիկայի համար՝ 3 տարի։
• Տրակտորներ և այլ գյուղատնտեսական տեխնիկա միևնույն լիզինգառուին միաժամանակ տրամադրելու դեպքում մարման ժամկետը կարող է սահմանվել 6 տարի։ Լիզինգի մայր գումարի և տոկոսադրույքի վճարման համար դադարի շրջաններ սահմանաված է տարեկան մինչև 6 ամիս ժամկետով։
  
  

Հղում օրենսդրությանը

• ՀՀ կառավարության` 2025 թվականի մայիսի 15-ի N 585-Լ որոշում

• ՀՀ կառավարության` 2022 թվականի հունվարի 27-ի N 105-Լ որոշում

Իրավական ակտերը հնարավոր է գտնել arlis.am-ում։