Ծրագրի մասին

Ծրագրի շրջանակներում նախատեսվում է՝ 

• դրամով տրամադրված լիզինգի 10%-ի, իսկ արտարժույթով տրամադրված լիզինգի 6%-ի փոխհատուցում,

• սոցիալական աջակցություն ստացող սահմանամերձ բնակավայրերում գործունեություն ծավալող տնտեսավարողների համար՝ դրամով տրամադրված լիզինգի 12%-ի, իսկ արտարժույթով տրամադրված լիզինգի 7%-ի փոխհատուցում (եթե ձեռք բերվող սարքավորումները շահագործվելու են նույն վայրերում),

• շարժական կամ շարժական մոդուլային սպանդանոցների ձեռքբերման նպատակով դրամով տրամադրվող լիզինգի 12%-ի, իսկ արտարժույթով տրամադրվող լիզինգի 7%-ի փոխհատուցում, եթե դրանք շահագործվելու են ՀՀ մարզպետների կողմից տրամադրված ցանկում ներառված բնակավայրերի տարածքներում,

• ձկնաբուծությամբ զբաղվող տնտեսավարողների կողմից ջրային ռեսուրսների այլընտրանքային օգտագործման ապահովման նպատակով ձեռք բերվող սարքավորումների համար անհրաժեշտ 20% կանխավճարի 50%-ի փոխհատուցում (առավելագույնը՝ 6 մլն դրամ),

• հիդրոպոնիկ եղանակով կանաչ կերի արտադրությամբ զբաղվող տնտեսավարողների կողմից ձեռք բերվող սարքավորումների համար անհրաժեշտ 20% կանխավճարի 80%-ի փոխհատուցում (առավելագույնը՝ 4 մլն դրամ),

• մինչև 2025 թվականի դեկտեմբերի 31-ը ձեռք բերվող շարժական կամ շարժական մոդուլային սպանդանոցների համար անհրաժեշտ 20% կանխավճարի 80%-ի փոխհատուցում, եթե դրանք շահագործվելու են ՀՀ մարզպետների կողմից տրամադրված ցանկում ներառված բնակավայրերի տարածքներում։

Լիզինգի պայմանագրի ուժի մեջ լինելու ընթացքում լիզինգի առարկան պարտադիր ապահովագրվում է վնասվածքի և կորստյան ռիսկերից՝ ֆինանսական կառույցների հաշվին։

Ներկայացվող պահանջները

Աջակցությունից օգտվելու համար անհրաժեշտ է՝

• ընտրել սարքավորման տեսակը, ինչպես նաև սարքավորման արտադրողին կամ մատակարարին,

• դիմել ծրագրի մասնակից բանկերից և վարկային կազմակերպություններից որևէ մեկին,

• ֆինանսական կառույցի կողմից վարկունակության պահանջները բավարարելու դեպքում վճարել 20% կանխավճար՝ կնքելով լիզինգի պայմանագիր։

Պահանջվող փաստաթղթերը

Կախված բանկի կամ վարկային կազմակերպության ընտրությունից՝ պահանջվող փաստաթղթերը կարող են լինել տարբեր։

Տրամադրման ժամկետը և կարգը

Լիզինգի պայմանագիրը կնքվում է մինչև 5 տարի ժամկետով։

Պայմանագիրը կնքելուց հետո ֆինանսական կառույցը կպատվիրի սարքավորումը և այն լիզինգով կտրամադրի դիմողին։

Տրամադրվող լիզինգների առավելագույն տոկոսադրույք չի սահմանվում։

Լիզինգի հիմնական գումարի մարման համար սահմանված արտոնյալ ժամկետը առավելագույնը 3 ամիս է։ Լիզինգառուի դիմումով ֆինանսական կառույցների կողմից կարող են սահմանվել լիզինգի հիմնական գումարի վճարման համար դադարի շրջաններ` տարեկան մինչև 6 ամիս ժամկետով։

Հղում օրենսդրությանը

• ՀՀ կառավարության՝ 2018 թվականի հուլիսի 19-ի N 893-Լ որոշում

• ՀՀ կառավարության՝ 29 օգոստոսի 2024 թվականի N 1394-Լ որոշում 

Իրավական ակտերը կարելի է գտնել arlis.am-ում (անհրաժեշտ է կարդալ ակտերի վերջին տարբերակները):