Ծրագրի նպատակն է ագրոպարենային ոլորտի տնտեսավարողներին մատչելի պայմաններով՝ լիզինգի մեխանիզմների կիրառմամբ մատակարարել սարքավորումներ։

Ծրագրի հիմնական նպատակը լիզինգային պայմանագրերի միջոցով գյուղատնտեսական հողատեսքերի արդյունավետ օգտագործման և ապրանքային արտադրության կազմակերպման նպաստավոր պայմանների ստեղծումն է։ 

Ծրագրի նպատակն է ներդրումային ծախսերի մասնակի փոխհատուցման միջոցով նպաստել ՀՀ-ում արդյունաբերական խեցգետնաբուծության ժամանակակից տեխնոլոգիաների ներդրմանը, տեղական արտադրության զարգացմանը։

Աջակցության ծրագրի նպատակն է նպաստել ջերմատնային տնտեսությունների մակերեսի, արտադրության և արտահանման ծավալների ավելացմանը, արտադրանքի մրցունակության մակարդակի բարձրացմանը, գյուղատնտեսությունում տնտեսավարողների եկամուտների ավելացմանը՝ պետական աջակցությամբ տնտեսավարողներին մատչելի վարկային ռեսուրսներ տրամադրելու միջոցով։

Ծրագրի շրջանակներում տրամադրվում է աջակցություն սպանդանոցային ծառայություն մատուցող ավելացված արժեքի հարկ (ԱԱՀ) վճարող կազմակերպություններին և անհատ ձեռնարկատերերին։

Ծրագրի նպատակն է խրախուսել սպանդանոցային սպանդը, ստեղծել հավասար մրցակցային պայմաններ ոլորտի կազմակերպությունների համար և ազգաբնակչության համար ապահովել որակյալ ու անվտանգ մսամթերքի մատակարարում։

Ծրագիրը գործում է մինչև 2027 թվականի դեկտեմբերի 30-ը։

Աջակցության ծրագրի իրականացման հիմնական նպատակն է գյուղատնտեսության ապահովագրության մեխանիզմների հստակեցումը և ամբողջական համակարգի ներդրման արդյունքում գյուղատնտեսության ոլորտում ռիսկերի կառավարմանն ուղղված քաղաքականության իրականացումը:

Ծրագրի նպատակն է գյուղատնտեսական մշակաբույսերով զբաղեցված մինչև 3 հա հողատարածքներում կաթիլային, անձրևացման ոռոգման արդի համակարգերում ներդրում կատարած ջրօգտագործողների ընկերությունների անդամներին 5 տարի ժամկետով ցուցաբերել ոռոգման ջրի վարձավճարի պետական աջակցություն։

Ծրագրի նպատակն է հողերի միավորման պետական աջակցության միջոցով ապահովել արտադրողականության բարձրացումը և ինքնարժեքի իջեցումը, նոր աշխատատեղերի ստեղծումը, ինչպես նաև նպաստել գյուղատնտեսության ոլորտում ներդրումների ծավալների ավելացմանը։

Ծրագրի շրջանակներում գյուղատնտեսությամբ զբաղվողներին տրամադրվում է աջակցություն այգեգործության զարգացման նպատակով։ Աջակցությունը տրամադրվում է վարկերի տոկոսադրույքների մարման (սուբսիդավորման) միջոցով։

Աջակցությունն ուղղված է՝

• խաղողի, ինտենսիվ պտղատու այգիների և հատապտղանոցների հիմնմանը,
• ոռոգման արդիական համակարգերի և ջրավազանների կառուցմանը կամ ընդլայնմանը,
• բազմամյա տնկարկներում կարկտապաշտպան ցանցերի ներդրմանը,
• ոչ ավանդական բարձրարժեք մշակաբույսերի (ծնեբեկ, բրյուսելյան և պեկինյան կաղամբ, ցուկինի, քաղցր եգիպտացորեն և այլն) մշակմանը:

Աջակցության ծրագրի շրջանակներում գյուղատնտեսության ոլորտում գործող տնտեսվարողները կստանան փոխհատուցում իրենց հողատարածքը ապահովագրելու համար։ 

Գյուղատնտեսության ապահովագրության ներդրման համար ստեղծվել է հատուկ պատասխանատու կենտրոն՝ «Գյուղատնտեսությունը ապահովագրողների ազգային գործակալություն»։