Սկսել
Իրավաբանական կրթություն ունեցող ՀՀ քաղաքացիները կարող են դիմել նոտարական որակավորում ստանալու համար։
ՀՀ արդարադատության նախարարության կողմից մատուցվող ծառայությունների ցանկ
Հանրային ծառայություն
Սկսել
Սկսել
Կոռուպցիայի մասին անանուն եղանակով առցանց հաղորդելու հնարավորությունը թույլ է տալիս կանխարգելել կամ նվազեցնել կոռուպցիոն դեպքերը, իսկ ՀՀ օրենսդրությամբ սահմանված երաշխիքները ապահովում են հաղորդող անձի անվտանգությունը։
Կոռուպցիայի մասին առցանց եղանակով հնարավոր է հաղորդել (ազդարարել) Կոռուպցիայի կանխարգելման հանձնաժողովի՝ «Ազդարարման միասնական էլեկտրոնային հարթակում»:
Սկսել
Ապոստիլը «Օտարերկրյա պաշտոնական փաստաթղթերի օրինականացման պահանջը չեղյալ հայտարարելու մասին» 1961 թվականի հոկտեմբերի 5-ի Հաագայի կոնվենցիա 3-րդ հոդվածով նախատեսված հավաստագիր է, որը հավաստում է պաշտոնական փաստաթուղթը ստորագրող անձի պաշտոնեական դիրքի, նրա ստորագրության, փաստաթղթի վրա դրված կնիքի կամ դրոշմակնիքի իսկությունը։ 2021 թվականի ապրիլի 26-ին ՀՀ արդարադատության նախարարությունը մեկնարկել է երկլեզու (հայերեն, անգլերեն) էլեկտրոնային ապոստիլի շրջանառությունը և այդ օրվանից ի վեր՝ Հայաստանի Հանրապետությունում կազմված և տրված պաշտոնական փաստաթղթերը վավերացվում են բացառապես էլեկտրոնային ապոստիլով, որն ինքնաշխատ կերպով պատրաստվում է «Էլեկտրոնային ապոստիլ» միասնական էլեկտրոնային կառավարման համակարգի միջոցով (Արդարադատության նախարարության կողմից ապոստիլով վավերացման ենթակա փաստաթղթերի ցանկը սահմանված է ՀՀ արդարադատության նախարարի և ՀՀ արտաքին գործերի նախարարի 2021 թվականի հոկտեմբերի 5-ի N 483-Ն և 2021 թվականի հոկտեմբերի 8-ի N 2056-Ն համատեղ հրամանով, այսուհետ՝ Համատեղ հրաման):
Սկսել
«Օտարերկրյա պաշտոնական փաստաթղթերի օրինականացման պահանջը չեղյալ հայտարարելու մասին» 1961 թվականի հոկտեմբերի 5-ի Հաագայի կոնվենցիայի համաձայն օտարերկրյա պաշտոնական փաստաթղթերի դիվանագիտական կամ հյուպատոսական վավերացման (լեգալիզացման) փոխարեն կոնվենցիայի մասնակից երկրների կողմից տրված փաստաթղթերի վրա լիազորված մարմինների կողմից դրվում է հատուկ դրոշմակնիք` «Ապոստիլ» (այսուհետ` ապոստիլ), որով վավերացվում է փաստաթուղթն ստորագրած անձի պաշտոնի, ստորագրության, ինչպես նաև այդ փաստաթղթի վրա դրված կնիքի կամ դրոշմակնիքի իսկությունը:
Սկսել
Մահվան վկայականը մահը հավաստող պետական փաստաթուղթ է, որն ունի եզակի համար։
Մահվան վկայականում նշվում են մահացածի անունը, անձը հաստատող փաստաթղթի համարը, ծննդյան և մահվան տվյալները։
Առանց մահվան վկայականի հնարավոր չէ իրականացնել մահվան հետ կապված որևէ գործարք, օրինակ՝ ստանալ թաղման նպաստ, կառավարել հանգուցյալի պարտավորությունները և նույնիսկ կազմակերպել հուղարկավորություն։
Անձի մահը ենթակա է գրանցման առանց ժամկետային սահմանափակման։
Սկսել
Թանկարժեք մետաղների և քարերի փորձաքննությունները կատարվում են ՀՀ օրենսդրությամբ սահմանված կարգով: Այս փորձաքննությունները վերաբերում են թանգարանային նմուշներին, արխիվային արժեքներին, ինչպես նաև պետական մարմինների և դատարանների ընդունած որոշումների հիման վրա իրականացվող ուսումնասիրություններին:
Սկսել
Ապոստիլով վավերացվում են այն փաստաթղթերը, որոնք ուղարկվում են 1961 թվականի հոկտեմբերի 5-ի Հաագայի կոնվենցիային միացած երկրներ։
Հայաստանում ապոստիլով վավերացվում են միայն ՀՀ-ում կազմված և տրված պաշտոնական փաստաթղթերը։ Օտարերկրյա պետությունների կողմից տրված փաստաթղթերը Հայաստանում չեն վավերացվում։
Փաստաթղթերի ապոստիլով վավերացում հնարավոր է ստանալ առցանց կամ ֆիզիկապես։
Սկսել
Ապահովված իրավունքը պարտատիրոջ իրավունքն է շարժական գույքի կամ իրավունքի նկատմամբ, որը դրվում է որպես երաշխիք, որպեսզի պարտապանը կատարի իր պարտավորությունը։ Այս գույքը կարող է լինել որևէ ֆիզիկական առարկա (օրինակ՝ սարք, ավտոմեքենա և այլն), կամ որևէ իրավունք (օրինակ՝ պահանջի իրավունք)։
Եթե այս ապահովված իրավունքի մեջ լինում են փոփոխություններ, դրանք պարտադիր գրանցվում են ՀՀ արդարադատության նախարարության իրավաբանական անձանց պետական ռեգիստրի գործակալությունում։
Սկսել
Երևանի դեպքում երեխայի որդեգրման գործընթացը սկսվում է քաղաքապետարանից, իսկ մարզերի դեպքում՝ համայնքապետարանից։
Որդեգրման պետական գրանցումն իրականացնում է ՀՀ արդարադատության նախարարության քաղաքացիական կացության ակտերի գրանցման գործակալությունը։
Որդեգրման պետական գրանցման ժամանակ տրամադրվում է որդեգրման վկայական։
Սկսել
Իրավաբանական անձի գործադիր մարմնի ղեկավարը կարող է լիազորել որևէ ֆիզիկական անձի ՀՀ արդարադատության նախարարության պետական ռեգիստրի գործակալությունում իր անունից հանդես գալու և իրական շահառուների վերաբերյալ հայտարարագիր ներկայացնելու համար։
Առաջին անգամ լիազորագիրը կարող է կիրառվել միայն իրավաբանական անձի իրական շահառուների հայտարարագիր ներկայացնելու նպատակով, որից հետո այն հասանելի է դառնում նաև արդարադատության ոլորտի թվային ծառայությունների հարթակում ներառված այլ ծառայությունների համար:
Սկսել
Ապահովված իրավունքը պարտատիրոջ իրավունքն է շարժական գույքի նկատմամբ, որն օգտագործվում է պարտապանի կողմից պարտավորության կատարումը երաշխավորելու համար: Այս գույքը կարող է լինել ֆիզիկական առարկա կամ իրավունք:
Շարժական գույքի նկատմամբ ապահովված իրավունքի դադարեցումը արձանագրվում է ՀՀ Արդարադատության նախարարության իրավաբանական անձնաց պետական ռեգիստրի գործակալության գրանցամատյանում։
Սկսել
Անձն իրեն ուղարկված ծանուցումները (այդ թվում՝ զինկոմիսարիատից ստացված) կարող է ստուգել առցանց եղանակով ծանուցումների պաշտոնական կայքի միջոցով։
Սկսել
Փաստաթղթով հաստատվում է, որ դիմելու պահին ՀՀ դատարանների կողմից դիմողի վերաբերյալ չկա օրինական ուժի մեջ մտած դատական ակտ, որով նա ճանաչվել է անգործունակ կամ սահմանափակ գործունակ։ Տեղեկանքը տրամադրում է ՀՀ դատական դեպարտամենտը։
Սկսել
Շարժական գույքի նկատմամբ ապահովված իրավունքի գրանցման համար անհրաժեշտ է ՀՀ օրենքով նախատեսված կարգով ապահովված իրավունքի վերաբերյալ տվյալները մուտքագրել էլեկտրոնային գրանցամատյան։
Սկսել
Շարժական գույքի նկատմամբ իրավունքները գրանցվում են իրավաբանական անձանց պետական միասնական գրանցամատյանում, որից քաղվածք ստանալու կարգը սահմանված է ՀՀ կառավարության և ՀՀ արդարադատության նախարարի համապատասխան կարգով և որոշումներով:
Այս էջը օգտակա՞ր էր