Ուշադրություն
Որդեգրման պետական գրանցման համար հիմք է դատարանի՝ որդեգրման մասին օրինական ուժի մեջ մտած վճիռը:

Պահանջվող փաստաթղթերը

Անհրաժեշտ է Արդարադատության նախարարություն ներկայացնել հետևյալ փաստաթղթերը․

• դիմում (լրացվում է տեղում),

• որդեգրողի (որդեգրողների) անձը հաստատող փաստաթղթերը և դրանց պատճենները,

• դատարանի՝ որդեգրման մասին օրինական ուժի մեջ մտած վճիռը,

• երեխայի ծննդյան ակտային գրանցման տեղեկանքը կամ ծննդյան վկայականը,

• լիազորված անձի միջոցով դիմելու դեպքում՝ լիազորված անձի անձը հաստատող փաստաթուղթը (անձնագիր կամ նույնականացման քարտ)։
  
  

Վճարման չափը և կարգը

Որդեգրման պետական գրանցումն իրականացվում է անվճար։

Տրամադրման ժամկետը

Որդեգրման պետական վկայականը դիմումը ներկայացնելու օրն ուղարկվում է դիմումատուի կողմից տրամադրված էլեկտրոնային փոստի հասցեին կամ տրվում է թղթային կրիչի վրա։

Հղում օրենսդրությանը

• «Երեխայի որդեգրման կարգը հաստատելու մասին» ՀՀ օրենք
• «Պետական տուրքի մասին» ՀՀ օրենք

Իրավական ակտերը հնարավոր է գտնել arlis.am-ում։