Ստանալ քաղվածք շարժական գույքի վերաբերյալ

ԲԵՏԱ

Հարթակը մշակման փուլում է․ ձեր կարծիքը կօգնի մեզ բարելավել այն:

Երթևեկություն, տրանսպորտ և ենթակառուցվածքներ

Շարժական գույքի նկատմամբ իրավունքները գրանցվում են համապատասխան գրանցամատյանում, որից քաղվածք ստանալու կարգը սահմանված է ՀՀ կառավարության և ՀՀ արդարադատության նախարարի համապատասխան կարգով և որոշումներով:

Այս ծառայությունը հասանելի է միայն ֆիզիկապես, մենք աշխատում ենք առցանց տարբերակի ստեղծման ուղղությամբ։

Ո՞վ կարող է դիմել

ՀՀ և օտարերկրյա քաղաքացիներ

Ծառայության արժեքը

3,000 ՀՀ դրամ

Տրամադրման տևողությունը

Նույն աշխատանքային օրը

Անձի պահանջով տեղեկությունները տրամադրվում են թղթային կրիչի վրա՝ հաստատված քաղվածքի ձևով։

Քաղվածք ստանալու համար անհրաժեշտ է՝

Ներկայացնել դիմում, որտեղ նշված կլինի տեղեկատվություն ապահովված առարկայի և դիմողի մասին,
դիմումին կցել վճարման անդորրագրի բնօրինակը, իսկ էլեկտրոնային համակարգով վճարելու դեպքում՝ պետական վճարումների էլեկտրոնային համակարգի կողմից գեներացված անդորրագիրը կամ անդորրագրի 20-նիշանոց ծածկագիրը,
փաստաթղթերն անմիջականորեն ներկայացնել գործակալություն կամ հանձնել ՀՀ կառավարության լիազորած օպերատորին:

Վճարման չափը և կարգը՝

Նպատակը՝ «Շարժական գույքի նկատմամբ ապահովված իրավունքի գրանցամատյանից քաղվածքի տրամադրման համար»։

Վճարման եղանակը՝ անկանխիկ

Վճարման չափը՝ 3000 ՀՀ դրամ

ՀՀ պետական բյուջեի հաշվեհամարը՝ 900013194049

Քաղվածքը տրամադրվում է գործակալության կողմից կամ օպերատորի միջոցով դիմումը լիազոր մարմին մուտքագրվելու օրը, եթե այն չի մուտքագրվել աշխատանքային օրվա ավարտին:

Օպերատորի միջոցով տրամադրված քաղվածքի օրինակը հաստատվում է օպերատորի կնիքով և համարվում է գործակալության կողմից օպերատորին էլեկտրոնային կրիչի վրա փոխանցված քաղվածքի բնօրինակ:

Տեխնիկական աջակցության համար՝

Աշխատանքային ժամեր`
10:00 - 18:00

Հեռախոսահամար`
0-8000-2020,
(+374) 010 58-59-80

Ծառայությունը մատուցող՝

ՀՀ արդարադատության նախարարություն

[email protected]https://www.moj.am